يا أخوان انا محتار في الباترول 2009 الفل كامل

[ود القلب]

السلام عليكم
عزمت اشتري سيارة ودخل مزاجي الباترول 2009 السوبر سفاري وحلو من جوا وما شاء الله إكسسواراتها إبداع لوجود شاشة وأعجبني

ولكن استشرت الأقرباء والأصدقاء اللي قالي خلك Gx-r اصرف ويمسك السعر قلت لهم انا ابغاه لي يعني اقل شيء 10 سنوات يعني ما أحب ابدل الموتر كثير

واللي يقول مشاكله كثير وتخبط المكينة والقير !!! ===> وهذا اللي يهمني معقوله سياره جديده فيها كل هل البلاوي!!!

اتمنى من اللي شرى الباترول 2009 هل وجد به مشاكل وبالخصوص اصحاب التماتيك


لأن والله كرهوني فيه مع انه داخل مزاجي ولكن برضوا الواحد يتعب لما يحصل في الزمن هذا دراهم بس حبيت اطمن هل فلوسي بتروح في سياره بتخدم معي مده طويله

والله يعطيكم العافيه

[راعي الفتك 9]

لم أواجه أي مشاكل ولله الحمد خذ الفتك ونت مغمض

[Mansour4800]

السلام عليكم ورحمة الله وبركاته

ياغالي انا الان معي باترول فتك ٢٠٠٩ ولله الحمد
خذيته لي شهر ونص تقريبا الحمدلله وتبارك الرحمن
ماواجهت فيه مشاكل
وبالنسبه للقير اللي كنت اسمعه انه اقوى قير والله العالم
اذا عندك امكانيه على السوبر سفاري توكل على ربك وخذه
وانت مغمض وبالنسبه للجي اكس ار ٢٠٠٨ ثمانيه سلندر
انا شخصيا مستخدمه
خط مكه الرياض والعكس للامانه موب مريح مثل الباترول
واذا انت راعي ترهيم خذ قير عادي لكن اذا انت راعي كشتات
ومدينه وتبي تريح عمرك التيبترونيك مثل اللي خذيته يوسع صدرك
وبالاول والاخير استخير ربك
والله يطرحلك البركه بالموتر اللي تاخذه
تحياتي اخوك
منصور

[نفس السحاب]

طيب الشكل الجديد راح ينزل اصبر شوي

[الذكرى الحلوه]

فتك وبس
تايوت خذ 8 سرندل او لا تقربه
فتك من قطر سفاري 2 فتحه ودف لك وكشفات وحساسات 142الف افضل من الحمراني بالف مره

[بدراني جلاجل]

وعليكم السلام حياك الله اخوي ود القلب

والله يالغالي انا معي سوبر سفاري 2008

ماشاء الله موتر توكل على الله انا قبل لا اخذه

مافيه شي ما قالوه فيه كتاوت وقالو مسامير

الثلاجه تطيح فالبستم والحمد لله ماشفت هذا

اللهم انه مره ولعت عندي لمبه حقت التانكي

الاضافي ووديته للوكاله واتوقع فصلو البطاريه

وشبكوها وقالو لي برمجه توكل على الله ولا تشاور

تقبل مروري اخوي واتمنا اني افدتك

[القماري]

السلام عليكم
عزمت اشتري سيارة ودخل مزاجي الباترول 2009 السوبر سفاري وحلو من جوا وما شاء الله إكسسواراتها إبداع لوجود شاشة وأعجبني

ولكن استشرت الأقرباء والأصدقاء اللي قالي خلك Gx-r اصرف ويمسك السعر قلت لهم انا ابغاه لي يعني اقل شيء 10 سنوات يعني ما أحب ابدل الموتر كثير

واللي يقول مشاكله كثير وتخبط المكينة والقير !!! ===> وهذا اللي يهمني معقوله سياره جديده فيها كل هل البلاوي!!!

اتمنى من اللي شرى الباترول 2009 هل وجد به مشاكل وبالخصوص اصحاب التماتيك


لأن والله كرهوني فيه مع انه داخل مزاجي ولكن برضوا الواحد يتعب لما يحصل في الزمن هذا دراهم بس حبيت اطمن هل فلوسي بتروح في سياره بتخدم معي مده طويله

والله يعطيكم العافيه

عليكم السلام ورحمة الله وبركاته

حنا نقول توكل على الله ، والباترول مايعلى عليه (خصوصا أن كان الهدف منه مشاوير ومطامير للبر والطلعات الصعبة)
ومسألة من يقول (جير ومكينة وخرابات كثيرة) فمع إحترامي له أقول (ماعنده خبرة بالباترول) ولاهوب تحيز للسيارة ... جربت ولا أزال أجرب السيارتين (لاندكروزر جي أكس آر 2009) و (باترول فتك 2009)
وبكل صراحة (الباترول) ألين وأنعم وأرسى (من اللاندكروزر) وأتكلم عن الموديلين تحديدا
ثانيا لو قارنت سعر البيع
الباترول فل أوبشن بحدود 180 ألف، واللاند فوق 260 ألف
حنا نقول رأينا من واقع تجربة وإمتلاك للسيارتين (اللاند نخاف عليها خصوصا بالبر- نخاف يطيح الصدام مع طلوع ونزول الطعوس والخطوط المتعرجة عكس الباترول) صحيح ان اللاند (له أسم بالسوق أثقل من الباترول) بس هذه دعاية إعلامية لا أكثر
فلو تقارن السيارتين مقارنة غير متحيزة تطلع بهذه النتيجة بالأسفل

اللاندكروزر 2009 VXR
المحرك 8 سلندر على شكل في سعة 4,7 لتر وقوة حصانية بـ 271 حصان وعزم دوران 446
والجير أوتماتيك ب 5 سرعات ووزن السيارة بحدود 2590 كيلو جرام والسعر بحدود 280 ألف ريال سعودي

الباترول 2009 VTC
المحرك 6 سلندر بخط مستقيم سعة 4,8 لتر وقوة حصانية بـ 280 حصان وعزم دوران 460
والجير تيتبرونك 5 سرعات ووزن السيارة بحدود 2531 كيلو جرام والسعر بحدود 180 ألف ريال سعودي

هنا لو تلاحظ فرق السعر مع العلم أن اللاند 8 سلندر والباترول 6 سلندر (يعني لو تقارن اللاند 6 سلندر بالباترول فبكل تأكيد يسقط اللاند في الحساب)
فضلا عن ان شكل الباترول سوف يتغير مع العام الجديد وبكل تأكيد سيكون بقوة أكبر من اللاند وسعر أعلى من الباترول الحالي.
الله يوفقك لكل خير

[مدمن فتك]

انا معي فتك سفاري 2 موديل 2009 له معاي 9 شهور والحمدلله كل يوم يزيد غلاه غلا
ماعليك من اللي يمدح تويوتا
التويوتا تاريخ مضى ومابقى منه الا الذكريات
جرب الفتك ياخي طرب في طرب

[سفاري نجد]

السلام عليكم

أخوي القماري قوة أحصنة الباترول الفتك 280 حصان

تبغى ترتاح أكثر يا ود القلب جرب السياره بالطريق والنفود وإن شاء الله بيعجك !

بتقتنع أكثر وجرب التويوتا بتشوف الفرق خفه وليونه لصالح الباترول !

قبل ما أشتري سيارتي سوبر سفاري 2003 جربته مع خوي وجربت GXR !

فرق الباترول أخف وسريع وبالنفود يطربك .

ما خاب من أستشار ...

والشباب ما قصروا ,,,

[shaheenshah]

خذه وتوكل على الله وما انت ندمان ان شاء الله

[باترول للأبد]

وعليكم السلام ورحمة الله وبركاته

أشهد أن الشباب ماقصرو كفوو ووفو ماخلو لي شي وكلامهم صحيح

[مكسر الشوك]

السيارة ماعليها قويه وشكلها حلو
وافضل شي تجربها وتجرب الفكسار

[الرسام]

الله يوفقك للاصلح اكبر مشكلة تغير الشكل فخلال شهرين يجب ان ينزل الشكل الجديد للباترول 2010

[أبو عمار الخالدي]

اشترررررررررررررررررر وانت مغمض

[قرم العيال]

الباترول

افضل سيارات الدفع الرباعي العائليه ..

يعني جيب وقت الجد .. وموتر تقدر تسافر عليه مع الاهل