وش الحل مع كفرات البالون ؟؟

[جميل جمال]

السلام عليكم ..

ياشباب انا ركبت كفرات بالون (( دنلوب )) على موتري من شهر ونص ..

المشكله اللي ما لقيت لها حل ان الهوا ينقص باستمرار .. يعني بدون مبالغه كل اربع ايام لازم ارفع هوا الكفرات .. لا واذا عايرتهن لقيت بهن عشره او خمس طعش ؟؟!!

ارجو من اللي عنده خبره في كفرات البالون يعطينا الحل ..؟؟

والله يعطيكم العافيه .

[اسيزو 4x4]

مالك يا اخوي جميل الا حل واحد وباذن الله ينفع
رح عند البنشري وقلة يركبلك لستك لكل الكفرات الاربع ومالك هم

وبا التوفيق للجميع

[جميل جمال]

طيب يا اسيزو 4x4 ..

مافيه حل بدون تركيب اللساتك ؟؟

[slamah]

يمكن إن البنشري اللي ركبلك الكفرات ماشدلك على البلف شدعليهن وإذا مانفع عير اللساتك جديدات

[*ابوخالد*]

سلام عليكم

اخوي جميل انت شفت تاريخ الكفرات هل هو جديد ولا لا

ويمكن يكونن جدد بس مخزنات فوق بعض

انا ركبت بالون على باترول مانقصن ابد

فكيتهن وخزنتن بالبيت فوق بعض وحاط بالارض اسفنج

وركبتهن على جمس وصارن ينقصن زي كفراتك كل ما رحت لمحل قال ركب لساتك

وفضلت اني انفخ كل يومين ثلاثه على اني اركب لستك لانه خطير

[شاص]

أخوي جميل جمال من واقع تجربة مع البوالين لاحظ الكفر إذا كان مكتوب عليه تيوبلس فهذا يعني أن المشكلة ربما كانت في شفة الكفر أو بالجنوط أو البلف وإذا لم يكتب عليه تيوبلس وجا معه لستك شد بلد فما لك حل غير تركيب اللساتك ...

[دله وفنجال]

السلام عليكم ...
اخي العزيز حصلتي نفس القصة قبل سنه ونصف تقريبن كنت امركب كفرات بالون من نوع دنلوب وكانن ينسمن مثل ماذكرت كل يوم او يومين اتفخ الين حطيت لستك وللاه الحمد ارتحت .
والسبب ان اردا انواع البالون هو الدنلوب وبعدين غاط الكفر تراه يأثر يعني لاكان الغاط 6 يفرق عن الغاط 8 تأكد من هذا الشيء .
وبنسبة للكفرات البالون انصحك اتركب هذا النوع افضل ماجربته وعليه ضمان سنه وهو ( سيام تير ) صناعه تايلندية ولاتشيل هم لانه مخصص للتيوبلس ويتحمل اكثر من الدنلوب وسعرة يوم اشترية قبل شهرين 360 من الغرابي .
اي خدمة حنا حاضرين.

[جميل جمال]

مرحبا بالشباب ومشكورين على الردود ..


ابو خالد ايه مشيك على التاريخ وجديد ..


اخوي شاص مشكور ومعلومه مفيده ويبغى اشيك الصبح على الكفرات وانا طالع للداوم
لكن من باب اللقافه لو طلع فعلا تيوبلس كيف يمكن تكون المشكله من الجنط ؟؟


اخوي دله وفنجال .. وش الافضل 6 غاط و 8 غاط اللي معي انا 6 غاط ..
الصراحه ان الشباب نصحوني بالسيام تاير قبل لااركب ولكن ما حصلتها بالسوق الكلام هذا بالرمضان قالوا انها منقطعه من فتره .. فركبت الدنلوب ..

[مأيـغـرّز]

كل تواير البالون ينقص هواهم بس ركب اتيوب كوري اصلي اما عن جودتهم احسن شي التايلندي سيام بس انقطع اهو مع السوميتومو واترك الدنلوب والسام اكس وشيك على الرنج

[العاذر]

مرحبا اخواني انا مركب بالون 900 علا 15 دنلوب اندونيسي من ثلاث شهور الاحظ الكفر الخلفي ينقص وباقي الكفرات الثلاثه ممتازين فكه البنشري وزود زيت علا حوايف الكفر من الجهتين وعباه هواء وضبط طبعا الكفرات تيوبلس بس لا تنقص الهواء اقل من 20 علشان ماينفصخ الكفر عن الجنط مع دخول الرمل