الكفرات الكبيرة تخرب الجيب؟؟

[الخشكاري]

السؤال موجه لأهل الخبرة في الكفرات عموما و لاصحاب الشيروكي خصوصا....

أنا عندي شيروكي و ركبت عليه كفرات شاهين و حجمها أكبر و أعرض من الكفرات الأصلية. و لا حظت عند مرورى على مطبات أو عند دخولي منطقة وعرة أن فيه صوت طبطبة ... كنه صوت شي يرتطم بشى ثاني بصوت مكتوم....... ماهوب صوت حديد!

للمعلومية الكفرات ما تحك بالرفرف و لا ترتطم فيه حتى مع المطامر !

أحد الزملاء يقول أن الكفر رفع السيارة و ضغط المساعد اللي داخل الكويل (السبرنق)

وهذا هو حسب رأيه سبب الطبطبة!

أرجو منكم الفزعة بالمعلومة المفيدة لمن سمع أو شاهد مثل هذه الحالة.


و تحياتي....

[ضيف]

السلام عليكم ورحمة الله وبركاته

هذي أول مشاركة اتمنى ان اكون عضو فعال في هذا المنتدى المتميز


فيما يخص الموضوع

أخوي الخشكاري يعطيك العافية

انا لست من أهل الخيرة لكن كثير من مالكي سيارة جيب خاصة الدفع الرباعي ينصحون بعدم تغيير الكفرات الأصلية وذلك لما يسببة في تأثير على الكرونا والعكوس

أحمد الزملاء غير الكفرات الأمامية فقط لسيارة جراند شروكي( اختلف حجم الكفرات الأمامية والخلفية ) وبعد شهر سمع صوت في الكرونا عند تجاوز السرعة 120كم

ولكم تحياتي

[الخشكاري]

ضيف: شكرا لنصيحتك و ما قصرت.

بس يا جماعة اللي مركبين مثل هالكفرات واجد و ماهوب معقول اني انا الوحيد اللي عنده هالمشكلة!

في انتظار ردود الباقين.


و دمتم.....

[طحنون]

هلا اخوي
مثل ماقالو الشباب
والكفرات الكبيره لها سلبيات كبيره
مثلا
1-تسبب اختلاف في عمود التوازن
2-يظربالدفرنس والجير والعامود
3-واحتكاكات في الرفارف عند المطبات الجامده
4-عند وقوع بنشرلقدرالله يعدم عليك السياره الرفارف ويكسرعليك اغراض واجد
5-تسمع صوت مزعج وانت ماسك خط بسبب حجم الكفروعرضه الزائد
6-يكون عرضه للبنشر اكثرمن الكفرالعادي بسبب احكتاكه العريض بالارض
7-الكفرالكبير والعريض سعره مرتفع
اتمنى اني قدمت الفائده للك وللجميع
ونسمع باقي الشباب ونستفيد
اخوك طحنون

[شايب الصمان]

عليك بمواصفات الوكاله مهما صار لانه وكما تعرف مصممه على السياره وأذا حبيت تفير يكون التغير بدرجه واحده فقط حتى لاتتأثر السياره وهي مصممه على الفرق البسيط. وللمعلوميه الشروكي والرنج لاتحاول تغير مواصفات الوكاله لانها مصممه على نفس المقاييس.
والاخوان ماقصروا ويعطيكم العافيه جميعا.

[الخشكاري]

طحنون و شايب الصمان:

الله لا يهينكم و ما قصرتوا ... معلومات قيمة و نصايح غالية.

لكني لا زلت أتمنى أن يفيدنا أحد الأخوة بمعلومات أدق عن السبب المحتمل لهذه الطبطبة عن واقع تجربة... لأن المثل يقول اسأل مجرب و لا تسأل طبيب.

و على العموم الكفرات اللي أنا مركبها ماهيب كبيرة أو عريضة بالحيل... ( حتى ما هيب حول اللي بالصورة)

[aahhhh2]

السلام عليكم ورحمة الله وبركاته
انا اختف مع الشباب لانه لولحضتو السيرات تجي مميزاتها تختلف هذي جنوط وكفرات عريضة وهذي عادي
لاني عندي ثلث فيبر لو شفت مكيتنة والربع واحد ولكن تختلف الجنوط والكفرات والخليجي يختلف عن الاثنين
المهم انا عندي مثل مشكلتك وسار من جلد عامود التوازن ولا للكفرات دخل

[المساجدي]

الاخ الخشكاري مساك الله بالخير

بخصوص الصوت الي تتكلم عنه اذا كان موترك نظيف وجلد مقصاته سليمه فشكلك مركب شواهين

وقالبهن يعني حروف الكتابه البضيا على داخل

وان كان الصوت يطلع كل مالفيت الدرقسون على الاخر او قبل الاخر بشوي فالدعوه سهالات0

لان الصوت يطلع نتيجه احتكاك حروف الكفرات البارزه بلمقصات الاماميه السفليه وهذا من عيوب

الشيروكي نظراً لقرب المقصات من الكفرت وعشان تتأكد زياده ابيك تتطل وشوف المقص التحتي

بتلقا عليه اثار احتكاك الكفرت0

الحل000000

الله يعينك تقلب الكفرت يعني تخلي النقشه برا وبتروح الطقطقه انشا الله تعالى وبيبقى صوت احتكاك

الكفرت لكن بدون طبطبه اذا لفيت الدرقسون حده فقط

وارجو ان اكون افدت وخدمت

[الخشكاري]

الأخ " aahhhh2"

شكرا لك و ماقصرت بس عمود التوازن مضبوط والمقصات كذلك.. فحصتهم قبل اسبوعين.


الأخ المساجدي:

مثل ماذكرت للأخ في ردي عليه المقصات والجلد مضبوطة و لا أسمع صوت عند لف الدركسون...

لكن كلامك صحيح .. أنا فعلا قالب الكتابة البيضاء على داخل بس وش دخل الكتابة بالموضوع؟

أنا عندي مشكلة عند المطبات والمطامر في البر.. و لا عندي أي مشاكل مع لف الدركسون!


أشكر لك مرورك و تعليقك.

[سنتافي]

اقول اخوي الخشكاري انا اعارض الآراء الموجوده انا عندي حوض فورد رينجر 98 مركب له اعرض واطول كفر يركب على جنطه الاصلي من بعد ماطلعته من الوكاله بسته شهور والا يومك ما اركب الاهذاك المقاس والموتر ماشي معي زي الحلاوه وارسى من المقاس الاصلي


اقول متى ماقضيت ترى ودي اشيك على الموتر بس شوي

[مفتاح التقنية]

السلام عليكم

الله يعينك على مشاكل السيارتك

انا عندي جيب نيسان ربع ومركب له كفرات شاهين من خمس سنوات

الجنوط مقاس 10.5 انش وكفرات شاهين أكبر مقاس

ولله الحمد مالقيت أي مشاكل بالسيارة اللهم اني غيرت عامود التوازن مرة وحده بس

بالنسبة لسيارتك يمكن يكون المساعدات قصيرة وظغط عليها ارتفاع الكفر

أو يكون ربلات الدفرنس الخلفي