تكفون الفزعه يانشاما مكشات

[رايح جاي]

السلام عليكم ورحمة الله وبركاته

اخواني الكرام مشرفي واعضاء هذا المنتدى الغالي ( رجاء )

اشتريت جيب لاند كروزر جي اكس آر موديل الفين البريمي من رجل يظهر عليه الصلاح وطمني على ان السيارة استخدامه وان مافيها شيئ وانا شريت وجه الرجال قبل مااشري السيارة ولكن فوجئت عند تغيير الزيت عندما اخبرني العامل بان الزيت ناقص بحدود علبة ونصف ، وطبعا غيرت الزيت وبعد ما مشيت على السيارة 1200 كم قست مستوى الزيت فوجدته ناقص فعلمت حينها ان السيارة تحرق زيت استشرت بعض الاصدقاء فاشاروا علي بالبيع ولكن يشهد الله اني مابيعها وامتحن فيها مسلم .
والمطلوب من اخواني الكرام الشور علي هل السيارة مبوشة حقا ؟ وهل اوضب السيارة او اشتري مكينة من التشليح ؟ رغم ان السيارة لايظهر لها دخان من الشكمان وهذا اللي خدعني في البداية وحتى الان ، فقط الاحظ عند الصباح اثناء التحمية خروج دخان وعند التعشيق وبداية المشي فقط .
والسؤال الأول : كيف يمكن ان يحدث هذا لموديل جديد نسبيا خاصة اذا كانت ماشيه عندما اشتريتها 104000 كم فقط حسب العداد ؟
والسؤال الثاني : اشيروا علي مالذي افعله وفي حالة التوظيب اي ورشة تكون امينه لانه ممكن اوضب نصف مكينه اومكينة كاملة حسب راي المهندس ؟
ارجو ممن لديه علم بهذه الحالة افادتي وجزاكم الله خير الجزاء .

[الدبل الثقيل]

السلام عليكم ورحمة الله وبركاتة...
ياخوي أولا قل/ لاحول ولاقوة الا بالله انا لله وانا اليه راجعون اللهم أجرني في مصيبتي واخلف لي خيرا منها
ثانيا ارجع للرجال وقوله السالفه وانك ماتبغى السيارة ويردلك قروشك ولو ياخذ الفين ريال حق استعمالك مايضر ... وان لم ينفع اشتكيه لشيخ المعارض عندكم او لأي جهة حكومية... ولاتنسى قبل كل شي انك مسلم وليس بينك وبين ربك معاريض أو واسطات .. ادعي الله في الثلث الأخير من الليل انه يفرج همك وألح في الدعاء ولاتيئس .. والله ييسرلك...

[رايح جاي]

شكرا وجزاك الله خيرا اخوي الدبل الثقيل فقد واسني كلامك وشد من ازري والله يعوضنا خير اما الشخص اللذي اشتريت منه السيارة فقد ذهب في حال سبيله ولا اعرفه الا باسمه في الاستمارة .

[* الخطيب *]

أخوي / رايح جاي

من حقك ـ شرعا ـ الرجوع على صاحب السيارة فلك ما يسمى بخيار العيب ، ومسألة العثور عليه أمر سهل عند تقديم الشكوى ، حقيقة أكثر ما يغيظني مسألة الغش ( المتعمد ) .

الله يوفقك .

[الدبل الثقيل]

ياخوي لاتتنازل عن حقك .. اذا كان استعمالك للسيارة في هذه الفترة استعمال حشمة ومتأكد ان الخراب من قبل ان تشتري السيارة... فابحث عن الرجل عن طريق كمبيوتر المرور او الأحوال... ولاتتنازل عن حقك أبدا... ورجع السيارة ولو أخذ ثلاثة اللاف حق الأستعمال مايضر... ولاتنسى الألتجاء الى الله انه يحلها بقدرته سبحانه...أسأل الله أن يفرج همي وهمك وهموم المسلمين...

[مفتاح التقنية]

الله يكون بعونك ويفرج همنا وهمك

أولاً مثل ماقال اخوي الدبل الثقيل لا تخلي حقك يضيع والغشاشين بإزدياد مادم كل واحد منا يقول مادري وشلون اجيبه خلاص راحت .

ثانياً السياره لا تحتاج توضيب لا نص مكينه ولا مكينه كامله علتها بسيطه واذا لقيت راعي السياره خذ فلوسك منه وخلو يجي نصلحها عشان ما يغش الناس

( لاحول ولا قوة إلا بالله )

[رايح جاي]

اخواني الكرام
جزاكم الله خيرا و حفظكم من كل مكروه ، مضى على البيع فترة وأعلم بطول الطريق ولن اخرج بشئ يعني مسالة ارجاع السيارة صعبة لكن ساحتسب على الله وإذا تحسنت الأحوال المادية فسوف ابحث عن ورشة للتوضيب وأسأل الله ان اوفق في ورشة امينه .
ملاحظه : من كان يعتقد مثلي ان نظافة البودي والداخل وحداثة الموديل لايمكن الاان تكون بقية الاجزاء نظيفة ايضا فهو مخطي وما حدث لي خير دليل .

[ابو رجه]

بسم الله اولا ممكن تكون الدعوه الي في سيارتك يا اخوي من ثلاث شغلات اولها
1: جلد البلوف
2:ضعف الشنبر :
3: فيه تهريب من الصوف الداخليه ولا الخارجيه وبعض احيان تجي ليات بلاستك مقوى تكون منها العله
وشوف ترى الشغله بسيطه عادي لاتهمك ممكن تطلع على اهون سبب

والله اعلم