الا متى وها الادمي يضحــــك علينــــا ...

[السالمي]

عبــــــــــــــد اللطيف جميــــــــــل

الادمي ذا ذبحنــــا بتصرفاته


قبل يومين كنت راكب مع واحد معه هايلوكس 2005 GLX


المهم قالي ليه الاريل مايطلع اذا اشتغل الرادو رحت وفتحت الكاتلوج وحصلت ان المسجل اللي موضح في الكاتلوج


ماهو نفسه اللي مركب فيها وذكرت الكلام ذا لاحد الاشخاص قالي هذي معروفه يشيل المسجل الاصلي ويركب صيني

وفوق هذا زي الهايلوكس شد بلد ماتجي زي اللي يصدرها عبداللطيف جميل اجل مركب ربل وحاط فيه لمبه بريك

كل ذي تلفيق من عنده والا اساسن ماتجي كذا وشغلة المسجل موجوده في الكورولا والكامري


وطااااامه انها موجوده ايضا في الاندكروزر ماعدا الـvxr اللي يجي فعلا شد بلد

واكبر تلفيق سواه عبداللطيف جميل هو الاندكروزر GXR_J وهذا كله تلفيق

من الانوار الزنون اللي فيه الا الجنوط الا الزوائد اللي مركبها والمسجل وكل شي فيه تلفيق

يعني تبي شغل صح لازم تغمض عيونك وتفك VXR وراح ترتاح اما الانواع اللي اقل منه صار فيها تلاعب

اجل جي اكس ار قيمته فوق 150 وبدون مثبت سرعه والمسجل سوني

وقبل كم 3 سنوات تقريبا طلع نوع من الكــــامري وسماه السبورت قيمته فوق الـ90 وحاط فيه فتحه بالكبوت

وجنوط 17 ومرهم فيه تيربو ومركب دعاسات نفس اللي تجي في محلات الزينه وحاط لها زوائد

لاكن خاب تعبه فيها لان سوقها مامشى وبقت الناس على الانواع العاديه

نصيحه اللي يفكر في جيب لاياخذ الا VXR لانه راح يرتاح اقل شي نفس اللي يصدر من الامارات ومن قطر

لاكن تجمع واخرتها تحطها في موتر ملفق والا غبينه من جد

انا ماني من محبين الانكروزر بس احس ان الشي ذا حرام يكون في دوله تعتبر من اكبر الدول المستهلكه

المفورض نكون متميزين عن دول الخليج ونستور المتميز واللي تتواجد فيه افضل المواصفات


موضع طرالي قلت اناقشكم فيه

[أبو مسفر]

السلام عليكم
انا مرة اشتريت من وكالة تويوتا اللي على طريق خريص هايلوكس قيمتها الاجمالية 58.500 ريال
المهم ان قيمتها في الاوراق حوالي في الثلاثينيات وباقي القيمة يقولون للمراتب والمكيف والمسجل وغيرها

عاد اسأل واحد من اللي كانوا موجودين وقال علشان تنقص الجمارك عليهم
عموماً اللي مايشري أي سيارة تويوتا خليجي غلطان
على الاقل ما يلقى مسروق منها شيءمثل :
خطوط الهايلوكس ( ديزل )
ساعة داخلية ( ديزل )
مسجل شد بلد تويوتا
درج قفازات
مثبت سرعة للكامري
وعموماً الله يكفينا جشع التجار على حساب الضعوف

[المترو]

السلام عليكم
الخليجي وبس بالذات الجيوب وارد البريمي والفطيم لا يهون القطري مواصفات ولا فيه فرق كبير بالسعر تأخذ gxr موصفات vxr الفرق الوحيد المكينه واشياء تميز ال vxr من المصنع فقط

وسالفة ضمان الوكاله من زينها عشان تضمن ولا حدها 60 الف كلم ويسقط الضمان و حتى لو ماكملت ولا سنه 60 الف يعني مشي سنه اساساً وتنتهي
الله المستعان

[السالمي]

اخوي ابومسفر لاهنت على مشاركتك

والكامري تهون عن الجيوب وهي اقل غش من غيرها

[السالمي]

الرحال تسلم على مرورك

اما سالفت الـ 60 الف ذي مدري عنها

لاكن اللي اعرفه ان وكاة المتحده تعطي 7 سنوات مفتوحة الكيلومترات

اما عبدالطيف جميل خله يقعد بعد كم سنه ما راح يكون عليه اقبال ابد

الا اللي مايقدرون يسافرون برا

[تبريزة]

السلام عليكم ورحمة الله وبركاته

حياكم الله اخواني

اخوي السالمي في البدايه احب اذكرك بحديث الرسول صلى الله عليه وسلم(اذكرو محاسن موتاكم)

تبي تقولي وش جاب السالف هذي بالموضوع هذا

ابقولك ياطويل العمر انت جالس تتكلم عن عبداللطيف جميل الله يرحمه

وهو متوفى من مده ليست بالقصيره ان ماخاب ظني من مدة 10 سنوات والله اعلم بالمده هل هي اكثر ام اقل

يعني المفروض من كلامك فوق انك تكلمت عن الوكاله او نفس الوكيل ،، وهذا اللي عندي ياعزيزي


ونرجع لموضوع الوكاله

ياطويل العمر حاليا تفكير الوكاله مادي بحت

لأنهم لو جابو سيارة ماتخرب وكل اللي فيها قطع اصليه مااستفادو الا قليل

على شان كذا دايم تسمع انه الهايلكسات من موديل 2002 وفوق انها مخبط القير ولا المكينه ولا الدفرنس

طبعا ماعمرنا سمعنا هالكلام عن الموديلات اللي اقل

والكلام هذا جاري على السيارات الثانيه وغير كذا الاستخدام له دوور ،،، بس ولو التحمل اختلف عن سيارات اول وسيارات الحين

وغير كذا لازم يكسب منك غير قيمة السيارة يعني يركب لك مسجل تجاري واذا بغيت الاصلي تعال اشتره

وعاد مانقول الا الوعد عند البازعي بس يبيله فتره على شان يلفوون لمه العالم ويتركون وكالة عبداللطيف جميل

وهذا والله اعلم وصلى الله وسلم على نبينا محمد

ودمتم
اخوكم
تبريزة

[السالمي]

لاهنت يالغالي على التنبيه وانا مقصدي الوكاله

والله يرحمه ويغفرله



من ناحية كلامك عن الهايلوكس

صدقت وهم حطو لها فاصل اذا تعدت الـ 170 تفصل

واغلب الناس يفك الفاصل ثم يجاوب القير

واكيد السبب في الترس الي يفصل بين القير والماكينه على حسب ماسمعت

انه اصبح فيه وصلات بلاستيك او من ها الكلام بالعربي زي ماقلت انت يبون الواحد دايم يسير عليهم

بس ترى الكلام ذا صاير في جميع السيارات يعني ماعاد فيه ذيك الجوده زي قبل

بس ما اشتكت الناس زي ما اشتكيت من وكالة عبداللطيف جميل

[سنتافي]

السلام عليكم

والله شباب انا لاحظة شي اغرب من كذا وهو اننا عندنا بريفيا 2002 للسواق شارها من الدفعه الاولى اول ما نزل الشكل الجديد وكانت بحدود 82000 ريال وبعدها شفت هالتيوتا بريفيا الشكل الجديد او المعدل رحت اشوف والله الفرش الداخلي مغير لكن الخانه اسواء بكثير وبعد الخطوط الخارجيه المخيسه تذكرني بموديلات الياباني نهاية الثمانين وفي الليل لاحظة ان الاصطب الخلفي المعدل لونه اذا نور يميل للوردي يذكرني بالتجاريه والغريب ان سعره ارتفع لحدود 90000 نفس الموديل بس والله ما اشتريه موهب عشان السعر بس لا والجوده السيئه

وبعدين معقوله فلتر زيت قيمته 60 ريال في الوكاله من جده هذا ولا ينكت

شوفو انا مؤيد ان وكالة عبداللطيف جميل (رحمه الله) اصبحة تجاريه بحته والمصاريه لعبو بحسبتها وانا بصراحه اعرف كم واحد من الاداريين مبدأهم ان السعودي بدوي مايفهم غير تيوتا وبس وانه من كثر ماهو محدود الفكر مايقدر يفكر بالبدائل هذا الكلام سمعته من اكثر من واحد منهم بفي ما معناه وبصرؤاحه انا ما الومهم اذا كنا عميان بصيره واعتقد لو العالم خفت شوي عنه يكون ازين وبعدين شف المستوى حق النيسان والهوندا هذه بعد ياباني لكن وهي اكبر دليل على التطور والفخامه الي وصله الياباني اما التيوتا بصراحه ماتسوى

وانا قارنتها بكثير من الوكالات والمصنعين وانا ما اقول ان الكوري احسن لكن خلونا نعطيه فرصه اسعاره اقل وجودته جيده وضمانه طويل نوعا ما (في امريكا 10 سنين الضمان) وبنفس الوقت هو في صدد تنافس مع الياباني يعني هو قاعد يقدم افضل وكل ماعنده عكس الياباني واحب اذكر الاخوان الي معهم الشفر الصغير مثل الوبيكا وطقتها تراها كوريه من انتاج مصنع دايو سابقا الي اشترته شفر او جي ام

عشان لا يجني واحد معه اوبيكا ويقولي وش وشل الكوري تراه شين وهو راكب سياره كوريه ويمدح فيها على باله انها امريكي

وسلامتكم

[السالمي]

8
8
8

تسلملي على الكلام اللي ينقطع عسل

[محب الشمال]

صراحه الشرهه ماهي على الشركات
المفروض هيئة المواصفات والمقاييس تشد عليهم وتحاسب المقصر منهم
وبعدين ليش نروح لدول الخليج عن نشتري سياره طبعاً عشان المميزات والمواصفات
المفروض حنا نكون مميزين اكثر منهم في كل شي وليس في السيارات بس
صراحه تويوتا زي ماقال الاخوان صارت عندنا كل شي في السيارات
مع انه كان معي نيسان باترول ولعنت والدين والدين والديه وكان من احسن ما يكون زي الورد ولله الحمد
كرفته كرف غير طبيعي وماشاء الله عليهن
وبعدين النيسان في الطعوس احسن من التويوتا ولا في البر والمكانات الاخرى لو تجيب كرولا عادي
حتى في الصمان ممكن اي سياره تروح
هذا رايي الشخصي