لعشاق السفر بالسياره والخطوط الطويله ..

[بوالوليد]

السلام عليكم ورحمه الله وبركاته
...
..
.
اخواني انا ناوي باذن الله تعالى ازور منطقه ( النعيريه ) << عندكم يعني

طبعا بر .. فحبيت اعرف بخصوص دهن واجهه السياره من اجل الرمل والحصى الصغيره ..

ماهو افضل حل لمنع تقشر صدام السياره ..

هل اضع فقط صابون الغسيل العادي على الواجه والاسطاب والكشافات والمرايا الجانبيه ؟؟

ام هنالك صابونا خاصا .. لو تلبيسه معينه ..

ارجوا منكم الافاده يا أهل الخبره

ولكم جزيل الشكر مقدما

^_^
.
..
...

اخوكم \ بوالوليد من قطر

[السالمي]

اول شي حياااااك في بلدك الثاني وفرصه سعيده

واي خدمه راسلني على الخاص لاني من اهل المنطقه الشرقيه

اما عن سؤالك عن الصابون

طبعا اكثر ماستخدم هو الفيري لاكن اذا تبي تستخدمه

نصيحه لايطول على الموتر يعني اذا وصلت الديره اللي تبيها اغسل الموتر

لاني سبق وحطيت فيري وجلس تقريبا اكثر من اسبوع على بدي الموتر

ويوم غسلته بعدين صار مكانه واضح وصار فيه اختلاف عندي باللون

بالنسبه للانوار اذا كان فيه تلبيسه لها يكون افضل ترى

اما وجهية الموتر افضل شي لها هو الفيري او البرقع

[المستوي 1]

هلا فيك اخوي

عندك شحم السيارات مناسب و لا يعدم السيارات لان الصابون على سرعه عاليه ما يقاوم الرمل
او تزور محل ساكو بالرياض عنده حركات حلوه و لكن كل شيء بحقه يعني غالي

و الله اعلم

[بوالوليد]

السلام عليكم ورحمه الله وبركاته
...
..
.

هلا بالغالي السالمي :

ادريبك ماتقصر .. نشمي واصيل ياخوي ..

لكن بخصوص البرقع ماعتقد موجود عندنا ولسبب عدم كثره الخطوط الطويله ..

ولا انا عن نفسي افضل البرقع لأني أحس انه اضمن ..

والله اعلم ..

اخوي المستوى :

بخصوص الصابون هو صحيح زين وسهل ورخيص .. لكن على قولتك على السرعات العاليه

الخوف انه مايمنع الحصى والرمل .. خصوصا بعد ما يجف مع الهوا .. وايضا لخفه الطبقه ..

انا قلت انتوا اهل البلاد وعندكم خطوط طويله فانتوا ادرى .. ( أهل مكه أدرى بشعابها ) ..

والي عنده المزيد لايبخل به علينا ..

^_^
.
..
...

اخوكم \ بوالوليد من قطر

[السالمي]

تسلملي يا بوالوليد

واذ على الخطوط الطويله عندكم الرويس

قبل اسبوع لفيت قطر كلها الى الرويس وصلت الخور وهي باقي عليها فوق ال70 كيلو

قلت بلاش منها

على العموم الفيري ممتاز ترى وهو الدارج عندنا

كثر منه يالغالي ومايجيك الى الخير انشاء الله

بس زي ماقلتلك لايطول على الموتر

[المواكب]

اخوي ابو وليد السلام عليكم ، وكل عام واهل قطر بكل خير ان شاء الله مافيه جديد افادوك الاخوان الفيري احسن شي للسيارة في الخطوط الطويلة والساحليه . اخوي ابو وليد حبيت اسئل عن السفاري وش يسوى في قطر من موديل الخمس وتسعون إلى السبع وتسعون والصورة الموجود وش موديله ان من عشاق السفاري القديم رد علي الله يخليك اذا ان السفاري للبيع رد علي اعطيك العنوان اخوك المواكب ،،،،،،،،،،،،، ،،،،،،،،،،،،،،،،،،،

[بوالوليد]

السلام عليكم ورحمه الله وبركاته
...
..
.
اخوي المواكب :

وكل عام وانتوا بألف خير وصحه وعافيه يالغالي

بخصوص النيسان الموجود بالصوره .. فهو موديل 1996 .. وماخذه من الوكاله من يومه ..

والحمد لله محافظ عليه اكثر من موتري الثاني الـ 2005 <<< تناااااقض هههههههه

عشان كذا حاط صورته ومسفه ال GX

عن نفسي انا غاوي نياسين الموديلات القديمه من 89 لين 97

وبعد عام 1998 حتى 2005 تغير الشكل والي اشوفه كريه جدا ..

فوالله مايغلى عليك يالغالي .. ولكني ماناوي ابيعه .. لكن بالدوحه عندنا تحصل وايد نياسين .. ولكن ان بغيته نظيف يكون شوي سعره غالي .. لان النيسان القديم سوقه ولله الحمد ماشي ..

واذا بغيت اي خدمه ترا لايردك الا لسانك

^_^
.
..
...

اخوكم \ بوالوليد من قطر

[كشاتي]

السلام عليكم والرحمه ....

مالك الا الفيري على ماقالوا الاخوان ....


والبرقع على ماسمعت يسبب خدوش لوجه السياره من الهواء ...


هذا والله اعلم ...

ورحله سعيده ..

[بيجي59]

اخوي ابو الوليد ولا يهونون الربع ....
السلام عليكم ورحة الله وبركاته ..
ارجو ارسال لي عنوانك الشخصي على البريد الالكتروني وانت تامر امر يالغالي ما دام ما عندكم براقع المملكه كلها تحت امرك .. عطني مواصفات السياره التي تبي لها برقع وبأذن الله ثاني يوم والبرقع عندك عن طريق الدي اتش ال DHL ولا الفدكس ..... انا في ذيك الساعه اللي نخدمك فيها ... ليس لشي ولكن لاعجابي فيك وفي كتاباتك وفي اخوتك وعلومك السنعه ...

ابد ارسل لي العنوان او قلي وين تبيه فيه ويجيك ....
وتقبل تحيات اخوك بيجي BJ

[نمر بن حثلين]

حيالله اهل قطر

البرقع اذا ما ظبط مقاسه يشغلك ويبدا يلعب مع الهوا ويضرب في الكبوت وممكن يقشع البويه

واكثر الشعب ماشين على الفيري خل دربك دربهم

واهنيك على عشقك للباترول القديم انا كان عندي 91 نظيف وللحين اناظر صورة وياخذني الحنين وودي اشوفه
بس بيني وبينك مكينته كنها مكينة دباب وفرق كبير بينها وبين مكينة النفاثه 4800 فتك

[ابو حسام]

أخي ابو الوليد
مرحبا بك في بلدك وبين اخوانك
حقيقة ما انصح بالفيري فقد استخدمته للكروزر ولم يحمي بوية الصدام فضطررت لإعادة رشه مره احرى.
اذا وصلت بالسلامه فانصحك بتركيب برقع مطاطي حيث انه افضل من البرقع القمشاي.
لعل الاخوه في القصيم يخبروننا بافضل المحلات لصنع البرقع المطاطي

ومرحبا بك مره اخرى

[ابو حسام]

أخوي بيجي
لو تكرمت تخبرنا وين افضل مكان لصنع البراقع المطاطيه وكم هي تكلفته
وجزاك الله خير

[بيجي59]

اخوي ابو حسام ...
اما الجهات ففي كل منطقه صناعيه تجد اصحابالمحلات وينادونك وبالكوم والهكي يعني على قفا من يشيل مثلا عندك بالرياض فيه الغاربي وحلاته او الصناعيه طريق الامير سلمان او النسيم طريق الميه او غيرها من الاماكن الكثيره ولكن بالقصيم غاليه لانها هناك لها جمهورها واعتقد انها اغلى اما السعر فطبعا يختلف من محل للثاني يمحطك اول شي بـ 300 و 500 ومن ثم بينزل الى هي 250 او حولها هذا على سبيل المثال

[راعي الكيف]

يابو وليد نصيييييييييييييييييييييحة !!!!!!!!!!!!!





انتبه تركب برقع للسيارة ....ترا البرقع مع الهوا يطقطق بالبدي ويحدث خدوش وحكات واضحة + انه مزعج بالطريق .... اسأل مجرب ولا تسأل طبيب !؟!!؟!؟


وبالنسبة للبديل الفيري ما يقصر ... بس عشان ما يفقد لزوجتة كثر شوي يعني زد الحبة حبتين يعني نصف إلا ثلاث ارباع قارورة فيري صغيرة استهلكها على الوجهية ما فيه مشكلة وزي ما قال احد الاخوان أول ماتوصل اغسل السيارة على طول ..




واتمنى لك سفرا سعيدا .........

[السومر]

السلام عليكم ورحمه الله وبركاته
اخوي ابو الوليد
انا ابي انصحك في هذي النصيحه وللعل كل من قراها يستفيد منها
بما انب هاوي خطوط
الصدام والمرايا الجانبيه حط عليهم تلبيسه
ام وجه السياره من الامام لكن بطول شوي لكن انشالله انها بتحفظ لك الواجهيه
تحط عليها تجليده (زي حق كتب المدارس )بس يجي اقوى شوي بتحصله عند
زينة السيارات
والفيري بعد تراه كويس لكن تبيه ما ياثر على البويه
اذا حطيت الفيري على السياره حط عليه شويت ماء وبعدين افركه بحيث تطلع
رغوه كذا ما ياثر على لون السياره
وشكرا لكم