تسقيط المكاين

[الشقردي]

السلام عليكم

اسف على الانقطاع الطويل عن المنتدى(لظروف العمل) لكني احب اقولكم اني اتابعكم من فترة لاخرى
وترى حبكم باقي في قلبي باقي


وفي يوم من الايام سألني واحد عن مكنيكا السيارات قلت افزع لاخوانا في مكشات
وزي ما قال الشاعر
انا خويك(اللي هو انتم) بالليالي المعاسير اما الرخى كلن يسد بمكاني

عموما خويي هذا يحتاج لمشورتكم وهو عزيز على
الموضوع هو
الرجال معه جمس سونوما 98 (جمس غمارتين قطع صغير) الرجال انغر بالسيارة وشراها وخبطت معه قالو له الورش ان المكينه منكسره ولازم تغييرها راح للوكاله( من باب السؤال) وسأل عن سعر المكينه قالوا 21الف ريال سعودي!!!!!!!!!!!!!!!

خوينا فكر يركب نفس المكينه لكن المشكله ان القطع ما تجي مفرقه بمعنى لو احتاج قطعة تجي معها أكثر من قطعه سوء يحتاجها ولا لا عشان كذا السعر مرتفع

عموما السؤال هل ممكن يرهم مكينه غير شد البلد ووشي الخيارات الافضل
ووشى الورش (في الرياض) الي تمدحونها لي ومجربه والسعر يكون معقول

واذا كان احد عنده شور او فكرة يسعفنا بها الله لا يهينه

[patrol2000]

عزيزي الشقردي :
شكراّ على المقدمة البطرااااانه
اما بالنسبه للسونوما فما اقدر افيدك بالرياض لأني ساكنن بمكة
لكن في بجدة تشليح الشمراني حق الفرود (ford) بطريق المطار تلقى عنده مكينة فورد رنجر (من طقة السونوما) وفيه ورشة الكوثر المتخصصة بالترهيم تراهم اتراك ممتازين بس غالين شوي
هذا اللي عندي
وسلامتكم.......

[الشقردي]

جزاك الله خير وما قصرت
واشكرك على تفاعلك السريع مع الموضوع

وبانتظار باقي الاخوان عساه الله يجيبهم

[جواب]

للا سف يااخ ...
الشقردي احب اقولك ان هذا النوع من السيارات لايمكن الترهيم فية وخاصة في المحركات مثل القيراوالمكينة لعدة اسباب
لان السيارات من موديل 90 وحتى الموديلات الحالية صارت معقدة جداً وترتبط بكمبيوتر وحساسات دقية يصعب التعامل معها وهذا في السيارات الامريكية والاوروبية وفي الاونة الاخيرة صرنا نشوفها في الاسيوي
عشان كذا ماراح يركب معاك اي مكينة غير المخصصة لهذا الموديل . الا في حالة واحده وهي انك تلغي شي اسمة كمبيوتر في السيارة وحساسات وهذا صعب و مكلف ايضاً وبعد كذ لك حرية الترهيم زي ماتبي

وياليتك ياخي وضحت نوع الخلل في المكينة بالتفصيل يمكن نقدر نخفف علية هذا المبلغ الخيالي
تحياتي لك ،،

[راعي الباترول]

اهلين الشقردي انا والله ماعرف شي عن السونما لاكن ان كانه مثل الجموووس العاديه يمكن ان ترهمه بس يمكن مايضبط لانه يبي يحوسك الكهرب ان كانه جديد زي قي ماقال جواب لاكن الورش ماعرف في الرياض لاكن القصيم هم راعين الترهيم يمكن يضبطونه لك وسلاااااام

[باترول03]

يا اخي لو تبي تركب مكنية مرسدس على هايلكس قدرت وبالنسبة للكمبيوتر تراه ينتقل معه

و من المكاين المشهورة في التسقيط الlt1 و Ls1 وقطعها متوفرة و اتوقع تكلفتها توصل ال 10 الاف مع التركيب