وش رايكم بالموسو الجديد (الحوض)

[مراكي الذيب]

هذي سياره جيب 4X4 موسو معروفه قبل بس هالمره جابوه حوض عطونا رايكم قبل مانتوهق

[مطرح الضبئ]

لسلام عليكوووووووووووووووووووووووووم

انحش منة !! حتى لويجيك ببلالالالالالاش لا تاخذة نصيحة من اخوك المسلم انا والله شريتة من الزاهد وحسبي الله علية قعد معى شهرين مايحتاج وبعد الشهرين مغير رايح من البيت إلا الوكالة من البيت للوكالة مرة كله خربات في خربات مع العلم اني محافظ علية ,,, وهذاء وهو مكينتة مرسدس !!!


حبيت انصحك لأن المثل يقول (( اسئل مجرب ولا تسأل خبير ))

والسلالالالالالالالالالالالام

[حافـ البرــر]

السلام عليكم ورحمة الله وبركاته .......... إلى الأخ مراكي الذيب أتمنى أن تكون بصحه طيبة بنسبة لسيارة الموسو القديمة لا أعرف أحد مدحها وفتره استخدمتها الشرطه ( شرطة دبي ) ولكن إختفت مما يدل على أنها ما نفعت معهم
- وهي شبه مختفية في السوق الأن
لكن الجديده لا اعلم عنها شيء
والسلام عليكم

[الربذي]

اخي مراكي الذيب نصيحتي ابعد عنها مالك علي دين تشتريها من الوكالة وتودية المعارض انها ماتنشرى بسهولة الا بعد شهور وبنصف السعر وهي من الوكالة الى المعارض فقط
لانهاغير معروفة

[وهبى]

الله يعطيك العافيه والصراحه الموتر على كيف كيفك ===========لكن هل احد من اعضاء المنتدى جربه
ارجــــــــــــــــــــــــــــــــوا ان يفيدونا

[اسيزو 4x4]

والله ماعمر احد اشتراة الا ويقول شر ابعدو عنة نصيحة
والي مجربينة اعرفهم شخصياا
وتراة صناعة كوري.........

[سنتافي]

مع اني من مؤيدين الصناعه الكوريه بس بصراحه ماش ما عجبني اولا ثانيا واحد من الجيران كان مطلع الفل الجيب ما قعد معه الا كم شهر وبعدها كل يوم اسمع بسيارته صوت شكل كل ما مر من قدامي وبعدين وكيله الزاهد يعني مكتمله بزياده


وسلامتكم

[شايب الصمان]

السلام عليكم ورحمه الله وبركاته

أخوي /مراكي الذيب/

أييد كلام الاخوان أنها ماتصلح !!!!!!!

وبعدين مهو معقوله من ؟؟؟؟؟ الى موسو ..... وأنت فاهم قصدي لكن الله يعوضك مثل الى ؟؟؟ جديد بقراطيسه

[قرقاص]

نصيحه مني انحش عنه

اعرف ولد عمي شرا موسو و محافظ عليه ... لكن ماقعد فتره الا وهو قاعد مكانه
ولما راح به للوكاله اكلوه بريشه على قطع الغيار
قطع غياره نااااااااااااااار
انحش عنه ولا تتورط

[مراكي الذيب]

الله يعطيكم العافيه جميعا الصراحه ماخاب اللي يستشيركم والله من كثر ماتسبونها تصدقون اني تحسفت وانا ماشريتها وعلى قول اخوي راعي الصمان بعد الشاص موسو والله ماتركب لكن مالها الا الشاص

[راعي الفزعه]

نصيحة لا تدور غير النيسان او التويوتا :
1- مجربة على مدى السنوات واعتمادية
2-لم يشكو احد من كثر الخرابات فيها
3-توفر قطع الغيار لها في جميع محلات الصناعية وبأسعار مناسبة
4-سهولة صيانتها ومعرفة خرابها بسرعة
5-عند بيعها لا تخسر الكثير وماسكة سعرها وغيرها الكثير من المزايا

هذا ما احببت ايضاحه لك . سلام

[مراكي الذيب]

راعي الفزعه الله يعطيك العافيه نصيحتك في محلها فعلا لا تدور غير هالنوعين اذا تبي تريح بالك

مشكوووور

[الحسي]

أيسوزو دي ماكس 4WD

غيره لا تدور

[اسيزو 4x4]

والله انا اقول الياباني وبس مثل:

التيوتا

النيسان

الاسيزو

المتسبيشي

وبـــــــــــــــــــــــــــــــــــــــــــس

والــــــــلـــــــــــه الموفق.............

[صدام]

توكلت على الله، وشريت السيارة

الموتر 5 سلندر
ديزل
حوضه مركب له فيبر
درج بالجوانب
دبل خفيف وثقيل
واسع من الخلف للأقدام والرأس
مصفح من الأسفل
قوته 120 حصان
وتانكيه 70 لتر
ب 23-25 ريال تعبيه فل

سعر هذي المواصفات كلها ب 59000 ألف ريال

رحت أسأل عن السيزو الذهبي بدون دبل وبدون اكسسوارت

ب 68000 !!!!

عيب الموتر الوحيد هو سعره عن إعادة البيع..




هذا المقال مرتبط بالموضوع:
http://www.panet.co.il/includesV4/pr...rticle_id=3480