أفضل بطارية محمولة

[معاذ 2008]

سيارتي جيب نيسان قير اتومانيك وشريت ثلاجة واخاف إن البطارية تفضي وأريد شراء بطارية محمولة
وسؤالي عن افضل نوع واين يوجد وكم سعره من هذه البطاريات المحمولة

[محيسن1]

هلا بك اخوي
ركب بطاريه اضافيه وريح بالك
وتكلفك حدود 800 ريال

[asdali]

مرحبا

الثلاجة ما ينفع معها بطارية محمولة يبغالك بطارية اضافية وانصحك تركب الدقمة من رفيق الدرب لن عليها ضمان ومجربة من بعض الاعضاء

الله ييسر امرك

[4*4]

فيه نوع بلاك اند ديكر برتقالي 450 امبير او 500 ما اذكر بس ممتااز جدا وسعره اقل من 400 ريال
واقل من 450 ما انصحك تاخذه لانه لسيارات صغيره
والله يوفقنا وياك

[سليمان 10]

بطاريه اضافيه وريح بالك بتكلفة 750 ريال والموزع امريكي اصلي 000

[معاذ 2008]

عذرا على عدم الرد لأني كنت مسافر
ولكن الجيب نيسان بخاخات لايوجد مكان لتركيب البطارية الإضافية حسب كلام العامل حق سوافي
ومقصودي من البطارية المحمولة اذا فضت البطارية وأنا بالبر أقدر اشغل السيارة

[alwssam6]

بطاريه اضافيه وريح بالك

[ذيب زلفاوي]

دور محل للبطاريه الاضافيه حتى لو تركبها داخل السياره وفيه نوع ممتاز جدا امريكي بس ماذكر اسمة فيه ستكر ازرق وكتابه بيضا

[معاذ 2008]

يا أخوان أرجوا الرد عاجلا لو سمحتوا

[سوبر VTC]

البطارية تركب بوسط الصدام الامامي
و بعضهم يركبه و يثبته خلف المرتبة الثانية

و احد الربع مركبه خلف المرتبة لباترول سوبر فاكه وكالة م99
و الان له 11 سنة ما شاء الله

[ولد وايل..]

تركب ولا عليك من سوافي...

تعال الدمام عند بتار يركبها لك شغل مطنوووووخ...

والله مالي فيه ريال والرجال ما اعرفه ولا يعرفني الا أخوه في الإسلام...

الرجال راعي ذمة ومحترم ولا يستغل...

وفيه هندي هناك يقال له نزار ع ما اعتقد

شغل مرتتتب وأسلاك انواع ممتازة وتركيب يرضيك...

واحد من الأخوان مركبها ع فتك .. ومزبووووطه معه ماشاء الله تبارك الله.

[معاذ 2008]

جزاكم الله خير
وعطنا العنوان ياولد وايل

[معاذ 2008]

ردوا جزاكم الله خير

[ولد وايل..]

السلام عليكم والمعذرة يأ اخوان ما أنتبهت ...

موقع بتار في الدمام - طريق الملك سعود - (تقريبا) مقابل لوكاله تويوتا اذا انت جاي من طريق الجبيل وجتك الإشارة اللي في زاويتها مخابز مشهور الخليج ديور وكانك راجع لطريق الجبيل..

اول او ثاني لفة يمين لما تدخلها تتقدم تقريبا 300 متر وهو يسارك قبل الزاوية..

المحل بين ورشة تبرد ومخبز...


لكن الشاهد لله شغلة شغل ذمة ...


كذا واحد من الأخوان يتعاملون معه والى الآن ما اذكر أحد اشتكى منه لو مأرضاك شغله ما ابي أحلف انه ممكن يقول ولا تدفع ريال واحد روح ولا فكه...


عموما عساك ع القوة...


وع طاري تركب البطاريه في الجهة اليمين (اذا كنت نازل ومقابل السيارة) في الوسط تقريبا..

[معاذ 2008]

شكرا جزاك الله خير