طريقة فك ديكور مسجل الباثفندر وتنظيف العدسه ....

[abo tayyar]

السلام عليكم ...
حيالله الشباب كل واحد بإسمه ...

جايب لكم اليوم طريقة فك الديكور حق المسجل بالصور
واللي سألني عنها بعض الشباب لكن للأسف ما قدرت أوصل لهم الفكره بدون صور ..
و طبعاً سبب فك الديكور هو عشن نقدر نفك المسجل وننظف العدسه .. لأنها مع والوقت يجيها غبار ويصير المسجل ما يشغل السيديات ...
ولو رحت لمحل قالك بـ 100 وإلا 90 ريال وأنا سبق نظفتها بـ 70 ريال وهي والله ما تستاهل 30 ريال ..

الطريقه سهل ما يبيلها شي بس أهم شي قبل لا تفكر تفك الديكور اترك عنك العباطه ( الجفاسه )



بسم الله نبدأ ..




نحط المفك (السكروب ) السالب فوق ديكور المكيف يمين ونحرك المفك لفوق مره ومرتين بشوش إلى أن يبدا الكلبس ينفك أو الديكور يطلع ...



بعد كذا نلاحظ أنه بدا يرتخي ...



وبالصوره هذي نشوفه بدا ينفك ...



ثم ننتقل للوسط ونفس الطريقه ندخل المفك ونرفع على خفيف ونكرر إلى أنه ينفك الكلبس ..



ونلاحظ أنه بدا ينفك أكثر ..



ثم ننتقل فوق يمين ونفس الطريقة ..



وهنا يكون ديكور المكيف شبه خلصنا منه وهو أصعب خطوه تقريبا ..



بعد كذا نفك الفيش حق الساعه ..






افصل الفيش من تحت يعني اقلب الديكور وألا دنق الله لا يهينك



بعد كذا فك المسمارين حقت ديكور المسجل والمكيف ..

نكمل بالرد التالي
7
7
7

[abo tayyar]

ثم اسحب الديكور بيديك الثنتين اليمين واليسار مثل طريقة يدي بالجهه اليسرى طبعا اليمين تصور
اسحبه إلى ان الكلبس يرتخي أو ( يطلع الديكور شوي ) ..



بعد كذا انتقل للجهه الثانيه واسحب ..



ثم من تحت



ثم يمين شوي ..



وبعدها يطلع ..



افصل فيش الولاعه ..



وبعده فيش الفشر والتسخين ..



وبعد كذا نبدا نفك مسامير المسجل وهي أربع يمين اثنين ويسار اثنين ..






وبعد ما تفك المسجل بتلقى فيشين واريل افصلهم وبكذا يكون المسجل طليق
جب منديل وأبرم ( لف ) طرفه وبلله بشوي مويه أو من ريقك العذب
وشف عدسة المسجل فوق بالوسط تقريبا ناظر يمين ويسار لين تشوفها ,, ترا مكانها شوي صعب ,,
وإذا شفتها دخل المنديل وامسحها برفق طبعا بطرف المنديل واشبك فيش المسجل وجرب لك سيدي
اذا اشتغل وألا عاود الكره مرة أخرى

اتمنى يكون الشرح واضح
وأي أستفسار أنا حاضر

تحياتي للجميع ,,,

[أبو سالم 77]

الشرح واضح و وافي و مفيد

مشكور و جزاك الله خير

[موادع 1]

شرح وافي بارك الله فيك

[abo tayyar]

أبو سالم 77 - موادع 1
حياكم الله ..
شرفني مروركم ..

[سوبر مكشات]

الفتك وشلون ياشيخ

[فارس ملهم]

يعطيك العافية يا ابو طيار

لا عدمناك

دائما متألق

[قرم العيال]

يعطيك العافية

[محترف]

يعطيك العافيه وسلمت يمينك على الشرح الوافي
طيب وش رايك بالسي دي اللي ينضف هل يفيد ولا لا

[abo tayyar]

الفتك وشلون ياشيخ

حياك الله يا سوبر ..
الحقيقة ما عندي علم عن الفتك ...

[abo tayyar]

يعطيك العافية يا ابو طيار

لا عدمناك

دائما متألق

الله يعافيك تسلم والله يا فارس ....

[abo tayyar]

يعطيك العافية

الله يعافيك يا قرم ...

[abo tayyar]

يعطيك العافيه وسلمت يمينك على الشرح الوافي
طيب وش رايك بالسي دي اللي ينضف هل يفيد ولا لا

الله يعافيك ويسلمك يا محترف ..
السي دي ما جربته الصراحه ,, لكن جربه واحد من الشباب يقول نفع معه بس ما طول ورجع زي أول

[ابومحيميد]

ثاااااااااااانكس ابوطيار

[abo tayyar]

ثاااااااااااانكس ابوطيار

ولكممممم أبو محيميد