يوكووووووووووووووون 2005 ودي اجهزة للبر

[راعي المجاهيم]

ياشباب توي شاري 2005 يوكون دبل ما شاء الله حليو

ودي احط عزبة ورى المرتبة الثالثةبس المكان ضيق هل ممكن اقدم المرتبة لاني احتاجها

وكيف ارفع السيارة من قدام و من ورى


ابي شوركم في التجهيزات

[ذئب الدهناء]

الله يطعمك خيره ويكفيك شره تقدرتضع التانكي والعزبه خلف المرتبه الثالثه ونصيحه ضع ماتحتاجه فقط دون زياده وفقك الله

[هو1ي البر]

ارفعه يا بعدي من عند ورشه
بس لا ترفعه مره
و ركب له كفرات بلون او ركب له جنوط جي تي

[راعي المجاهيم]

شاكر للي رد وين الشباب

[راعي هوى]

شوف توقيعي وقولي رايك
رفعة براغي من تحت بس مو لي الاخير حط بالك
شيل ربل اللحيه اللي تحت الدعاميه (الصدام ) قاعدة اسبير خارجي (الاستبنه)
تواير بالون 900 \17
تانكي ماء (خزان الوادي ) 90 لتر الارضي
2 بطاريه
وحط معاونات z71 واستمتع بالرحله ان شاء الله
للعلم انا موتري z71

[راعي المجاهيم]

وش تشوفون ياشباب

[ولد الغلباء]

الله يطعمك من خيره ويكفيك شره وانشاء الله الشباب مايقصرون

[ولد وايل..]

الله يعطيك خيرة ويكفيك شرة....


شف سلمك الله....

هي وحده من ثنتيم يا عزبة يا مرتبة ثالثة...


لا تقول ابيهم جميع الا ان كان عزبتك بسيطة تكفي وتزود..

لكن مثل كل الجيوب الحوض مع المرتبه ما يكفي...


أحس حل ان كااان ملزم تحط المرتبة الثالثة...

تحط رواية اللي تجي بشكل مستطيل على حد الحوض..

وحط اغراضك فوقها ...

أو فيه خزانات ماء على شكل كرسي يجلس عليه الصغار وهو نفسه خزان ماء...لقيته في محل رحلات وجااز لي ...

بالنسبة لي من فكيت الموتر وانا منزل المراتب بالبيت ولا اعرفها ...


وللترفيع انا والله مثلك عجزت ابي ارفعه بس ما لبقيت حل مناسب...

وترى ارتفاع الموتر حليل ما يخالف خاصه الا فكيت اللحيه الأمامية او فكيت الأسود اللي تحت الصدام....

وخل الكفرات واليايات شد بلاد

والمساعدات ان احتاجت تغيير ركب مرون مدري وش اسمها او جبريال...


الله يوفقنا وياك

[راعي المجاهيم]

بيض الله وجيهكم بالخصوص الوايلي

[هاوي112]

الله يطعمك خيره ويكفيك شرة

[راعي المجاهيم]

بارك الله فيكم

[هويدي]

بالنسبه للمساحه الخلفيه ( مدر رجليك على قد لحافك )

اخوك معه سلقه والمساحه الخلفيه شبه معدومه ومع ذلك ولله الحمد ماعمره نقص شي من العزبه كل شي حاطه مصغر عزبتي تقل عزبه ياباني بالنسبه للشاهي والقهوه اما الطبخ مانقدر نجازف ونصغره

وبصراحه وقتك مناسب للتجهيز الورش ماعليها ضغط
مبدئيا رهملك بطاريه اضافيه وماطور هوا ان حبيت تظيف سلك ثلاجه خلفي او محول كهرب على حسب حاجتك

وبالنسبه للترفيع اذا انت تركب معك عائله انصحك تركب هدروليك ورشه بدر علشان ترفعه وقت الحاجه