عاجل جداً .. الأمر .. في غاية الأهمية.. بارك الله في الجميع

[أبوفيصل]

السلام عليكم ورحمة الله وبركاته

وصبحكم الله بالخير .. بصراحة الموضوع .. بالنسبة لي عاجل جداً وآسف إذا كنت أزعجتكم بموضوعي. ولكني أحتاج خدمتكم.

1 - عندي باثفايندر .. 2003 .. غيرت البطارية الأصلية .. قوتها 80 وبصراحة ما لقيت .. نفس القوة .. بنفس الحجم .. فغيرتها بـقوة 50.. هل فيها ضرر على الكهرباء أو على السيارة عموماً.

2- أحتاج .. تبديل كفرات .. ماذا .. تنصحون .. أي نوع أركب 17X70X245.

وجزاكم الله خير.

[طلال]

عاجل جداً .. الأمر .. في غاية الأهمية

فزعتنا ياخوي ... الله يهديك


الله يهديك

[أبوفيصل]

فزعتنا ياخوي ... الله يهديك


الله يهديك

أسم الله عليك الرحمن الرحيم

[الوشاح]

حسبي الله عليك

انا قلت الرجال فاقد احد

ولا صايرلة مصيبة

واثر الدعوا بطاريه وكفرات!!!

كان افضل لو سألت بدون اثاره والشباب بيجاوبونك

[أبــوريـــان]

ياربع وش فيكم الرجال طلب المساعدة

[شمس القوايل]

ان شاء الله ان سيارتك ما عليها خلاف واما الكفرات انت تحكم عليها هو انت راعي سهل ولا نفود ولا وعر وحرات

[ابو درع]

حياك الله .. اخوي



انا حسب خلفيتي ان البطاريه 80 تقول (جي أو جاء شعن ) وبعدين يشتغل الموتر شعن يعني خلاص اشتغل الموتر


اما البطاريه 50 تقول ( جي أو جاء جي أوجا شعن ) ويعدين يشتغل الموتر

اما الأضرار التي قد تنجم عن البطاريه 50

1- سرعه تلف كفرات الموتر

2- احتمال عمل النوافذ من نفسها ليلاً .. وهذ قد يودي الي انت خابر

3- اليماني الي باعلك يبي يصرف بي وسيله

4 - استشر واحد غير

5- مع السلامه

6-

7-

[الربذي]

اخوي ابو فيصل فعلا عنوانك يروع
لكن بالنسبة للبطارية فانا مركب بطارية ACDELCO (N50mf تعطلت على بجدة فقط سكرت الفتحة واجميع زجاجات الابواب وبعد ربع ساعة كنت ابي اروح مشوار بس رفضت تشتغل وركبت هالبطارية 8ACDELCO (N50mf
اسي ديلكوا صناعة سعودية وبدون صيانه فقط هناك فتحه تعرف هل هي صالحة ام تحتاج شحن والا اغسل يدك وارميها اللوان اخضر واسود ونسيت الثالث
اما الكفرات فانا مركب دنلوب حلو
ولك اطيب تحية بس لاتخرعنا بعناوينك لانا واقصد كافة الاعضاء نحب الفزعة ولانطنش احد مثل اغلب المنتديات الاخري
تصدق حاطن طلب له اسبوع عند منتدى والزوار 8 فقط ولا ردود

[ماجد الشمري]

اخوي ابو فيصل ...
بالنسبة للبطارية فأعتقد انها بتقضي بسرعة عليك .. ولو انك الله يهديك اخذت حقت الوكالة تراهي تعمر كثير عن تجربة وتلاقي ببعض البناشر وناسي اسمها والله ...
مقاس الكفرات اللي كتبته خطأ فالباثفايندر يجي 245 / 65 / 17 ... وانتبه لاتركب البريدجستون اللي تجي من الوكالة لأنها سيئة عن تجربة وماتعمر والمواقع الامريكية كلهم يسبونها ... في كفرات كثير افضل منها الميشلين لكنه غالي ...





اخوكم ماجد الشمري

[الطعس الذهبي]

اما عن البطارية فبتضعف الأنوار

[أبو الكشتات]

في رايي ان كفرات (تيو) زين وتحس بالراحة عندما تستعمله

[أبوفيصل]

حسبي الله عليك

انا قلت الرجال فاقد احد

ولا صايرلة مصيبة

واثر الدعوا بطاريه وكفرات!!!

كان افضل لو سألت بدون اثاره والشباب بيجاوبونك

الله لا يقوله

وبعدين يا أخي .. أنا أعتذرت عن (( العنوان )) .. قبل أن أكتب ما أريده ..

عموماً .. شكراً لك

[محب الشمال]

صراحه ما عندي خبره عشان ارد عليك
بس احب اقولك ان الشباب هنا ماشاء الله عليهم ما يقصرون اسال اي سؤال بيجابوتك عليك
طبعاً يكون السؤال عن الكشتات
صراحه هذي من اكبر ميزات منتدى مكشات لو في بعض المنتديات كثير من المواضيع ما احد يعطيك وجهه

والله يعطبك العافيه ويحفظك

[أبوفيصل]

ياربع وش فيكم الرجال طلب المساعدة

شفت شلون .. يا أخي الواحد ما يطلب مساعدة في هالبلد

[أبوفيصل]

ان شاء الله ان سيارتك ما عليها خلاف واما الكفرات انت تحكم عليها هو انت راعي سهل ولا نفود ولا وعر وحرات

والله يا بعدي .. راعي كلش وأنا أخوك