بما أن الجمس حوض الجديد لم يأخذ حقه من التقييم...هنا تجمع مزاياه وعيوبه من أهل الخبرة

[وش احط]

السلام عليكم ورحمة الله وبركاته....

الجمس الحوض الدفرنسين الوكالة......رغم مافيه من مزايا كثيرة.......فكثير من الناس يرى العكس....وبما أنه لايوجد موضوع متخصص في تقييم الجمس حسب خبرتي القليلة في هذا المنتدى....

فياليت يكون هذا الموضوع خاص في تقييم هذا النوع من السيارات......وخاصة ان اخوكم ياقربه من شريته...بعد ما استفدت من مشاركات الاخوان جزاهم الله خير فالموضوع السابق......

فلنقيمه من نواحي كثيرة منها:

1_سعرة وهل سعره مناسب
2_قوة المطب
3_مسك السعر
4_صبرة مع الصيانة الدورية
5_أبرز مزاياه
6_أبرز عيوبه
7_قطع الغيار(سعرها وتوفرها)
ولاننسى الوصية لمن اشتراه

وبااارك الله فيكم جكيعا

[الدبل الثقيل]

السلام عليكم ورحمة الله وبركاته.. حياك الله الأخ وش أحط .. بالنسبة للحوض حنا ماجربناه كثير لكن الوالد قبل فترة كان معاه حوض جي ام سي 2002غمارة حوض قصير دفرنسين قير عادي ودبله قير وفيه ايرباق ميزته انك تقدر تفصله .. يمين المسجل اوتحت شويه فيه سوتش تدخل فيه مفتاح السيارة عشان تقفل الأيرباق ... السيارة مريحة وقوية وفيها وسع لكنها من الخلف 3 سست... والصراحة انا ماارغبه لأنه امريكي والأمريكان مدنسين المصحف غير ان صناعتهم ماهي صبورة وغالية .. العام سألت عن نفس المواصفات السابقة تقريبا لكن حوض طويل عند التوكيلات قالوا 116 الف والله مااحطها الا في شاص عماني فل كامل ويفداه ظهري ... حطله جاعد وامش بركاده وتحمل.... والله ييسرلك الخير ... ونصيحة لاتشتري سيارة حتى تسوقها .. وجزاك الله خير...

[حرباش]

السلام عليكم ورحمته وبركاته وبعد
اخوي وش احط
الأمريكي تطيح قيمته وذي عاده معروفه فيه و تصنف من العيوب
المزايا
1- تانكي بنزين كبير الحجم
2- قوه مكينته وهي 350
3- انصحك اذا بتاخذ خذ قير عادي
4- سعه الحوض وحسب رغبتك تبيه كبير او صغير
5- الدبل حقه جامد
6- كما ذكر اخوي اللي قبل تقدر تتحكم في الإيرباقات
7- مريح في الخط والبر والمطناج ماتضربله خبر
8- توفر المقاسات اللي تلبي احتياجك 15-25-35 كل مازاد كل مازاد رفع الموتر وكلها تتشابه ماعدا 15 الدفرنس حقه يجي اصغر.
9- توفر قطع الغيار ورخصها

هذه بعض المزايا اما من ناحيه العيوب كما ذكرت
1- قيمته تنزل
2- تهريبات خفيفه مع الزمن خصوصا في طرمبه اللديتر وهوزات التبريد
3- الكلتش في القير العادي حساس نوعا ما

ونصيحتي اذا بتاخذ مستخدم حاول تدور على مواتر ارامكو لأن لها مواصفات خاصه للشاصي وبرضه يكون اغلبها نظيف وله صيانه خاصه
والله يوفقك ان شالله واعذرني على الإطاله

[وش احط]

عزالله ماقصرتوا أثريتوا الموضوع..........جزاكم الله خير............


اخوي الدبل الثقيل::أنا بصراحة سألت عن السعر وقالوا حوالي 85000 من الجميح

اخوي حرباش:: القير العادي صح أفضل لكن ماأدري وش مشاكل التوماتيك

ويااااااااااااليت تبينون الفرق بين الدبل القير والدبل السوتش في الجمس

وجزاكم الله خير.

[حرباش]

اخوي وش احط ميزه القير العادي انك تقدر تتحكم فيه على مزاجك خصوصا في حال غراز او ماشابه
التوماتيك زين بس احيانن يطفشك خصوصا اذا بغيت تنتع تبتلش خخخخخخخخخخخ
ولك تحياتي

[وش احط]

بارك الله فيكم.

[صالح المطيري]

كتبت تعليق طويل ومفصل عن الجمس استغرق مني نصف ساعة مع الصور وفي النهاية هنق المتصفح عن العمل وضاع كل ما كتبته!!! ... قد أعود مجدداً بعد أن تهدأ الزوبعة في دماغي ...
الجمس ، لم يبقى من اسطورته إلا الإسم وهذا هو الآخر بدأ يفقد بريقه .

[طمطماية]

صالح المطيري

ننتظر ردك بأجمر من الحر (( أحر من الجمر )) :d

[وش احط]

السلام عليكم ورحمة الله جزا الله الاخوة كل خير والحقيقة ان الأخوان صالح المطيري وmohammad غيروا مسار قراري 180 درجة في الجمس وبناءً على مشاركة اخواني صالح المطيري و Mohammad في الموضوع اللي طرحته (يا اخوان هذي اول مشاركة وسؤال يحدد قراري بعد اسبوع ...الله الله بالضيافة) فأنا أشهد الله وثم اشهدكم أني ورغم تعلقي بالجمس وكان هو قراري الأخير أنني سأتركة لوجه الله واسأل الله أن يعوضني خيراً منه فقد غابت فكرة المقاطعة في حماسي الزائد واسأل الله أن لايحرم من ذكرني بها الاجر.

[الطعس الذهبي]

اما عن الجمس فما يصبر ومايتماسك

[escape_man]

ذكرتني محاور الشاعر الدليهي مع جمسه يوم يزعل عليه ويبيعه ثم يقول بالخير عقب ماذكره الجمس ايامه الخوالي

قال الدليهي الدليهي
يالعنبوك اسكت تراني تفجرت وكل العلوم الماضيه جبـتهــا منــيـن
خلاص انا قررت شاريك قررت وكل السوالف خلها فيك بــعــديــــن
بذبــح بدل حلفي كرامه وكفرت والناس لوتزعل انـاوانــت راضــين
تمشي بي الدنيا وانا ماتطورت ابيع واشري جمس خلفه قزوزيييين


فاقول وانا اخوك توكل على الله