استشارة في قير الباترول

[Khalid AlGhamdi]

السلام عليكم ورحمة الله وبركاته

لقيت لي جيب باترول 2002 قير تربتورنيك

لما احطه في الـ D وبعدين ارجعه للريوس يطق القير طقه خفيفة

هل الصوت هذا طبيعي ؟؟ او انه مشكلة في القير ؟؟

علما ان الموتر ماشي 50 الف تقريبا

وش الراي يالربع ؟؟

[طحنون]

هلا اخوي اذا صوت الطقه تحس انها من الخلف يعني مابين العامودوالدفرنش هاذا من المحتمل من الصليب يبيله اصلاح
اما اذا الصوت من نفس القيريختلف الموضوع احتمال من الحذاف يطلع من الصوت
((((سؤالي لك يالحبيب لما تعشق من الريوس الى الدي وتمشي على طول وتسمع الصوت فالامرطبيعي )))))
خلاف ذالك يبغالها ميكانيك متخصص
هاذاي معلوماتي المتواضعه
سلملم

[Khalid AlGhamdi]

جزاك الله خير ياطحنون على الرد

الصوت بالضبط يما ارجعه من P للريوس يطق

لما احطه بعدها بالـ D يطق

اذا رديته للفاضي ورجعته للـ D مايطلع صوت

لكن الصوت يطلع اذا كان فيه تبديل بين الـ D و الـ p والريوس

يعني الصوت هذا انا خابره بالكابرس الاول عادي لكن مادري عن السفاري

لان جربت 2004 مافيه مثل هالصوت

[طحنون]

اخوي لا تخاف الامر طبيعي في القير التماتيك
والسفاري 2004 فيه اكيدفيه الصوت بس انه خفيف ماتنتبهله لان الموتر لم يستهلك وجديد
لان هاذي عمليه فك الاحتباس يعني التروس ناقل الحركه من السكون الى الحركه ...قلبناها فيزياء
وهي ملاحظه في جميع سيارات الاوتو
وهو مايصدرمن صوت الحذاف عن الحركه
تحياتي

[Khalid AlGhamdi]

جزاك الله خير ياطحنون
بالفعل جربت اكثر من موتر وكلها نفس الشي ، ويوم رجعت لخويي الاول ابشتري موتره لقيته انباع

لكن الله يبارك للي شراه ويبارك للي باعة ويرزقني موتر نظيف

[ماجد الشمري]

الموضوع عادي ونفس الشي عندي بالمكسيما .. حتى اول ما شريتها جديدة ما كنت اسمع صوت المكينة ولا الجير ولا احس بالتغيير وبعدها صار صوت المكينة اعلى شوي وكذلك الجير وصار في رجفه خفيفة جدا عند وضع الجير على الدي ..
لكن بعد تغيير زيت الجير بفترة قليلة تخف الرجفة ...






اخوكم ماجد الشمري

[Khalid AlGhamdi]

جزاك الله خير ياماجد وماقصرت

افهم الشي هذا موجود بعد بالباثفايندر ؟

[راعي الفزعه]

للاستفادة من هذا السؤال :
اذا كان هناك صوت قوي يهز السيارة بقوة عند التغيير من D الى R والعكس
احتمال يكون هناك عطل في القير الاتوماتيكي او صوت المكينة عالي بسبب زيادة البنزين عليها وهي واقفه .

وهذا رأيي ؟؟؟؟