وكيل كفرات دنلوب ( بن زقر )

[الرااايق2009]

يا اخوان انا بغير كفرات الاند كروزر ورحت للغرابي

لكن اني تعوذت من ابليس من الشياطين الي هناك

كلهم كذابين او ان احساسي كذا

يقول الكفرات الي عنده اصليه ومن الوكيل لكني خفت اغيرها والتورط معهم

( ما لك قبيل تهرج معه اذا صار ما صار ) وسمعت ان الاماراتي ما لي

السوق ومعكم علم وراي سفره الى جده في ها الجو الحار ومعي كومه لحم

ولا ودي يكونون بذمتي يوم لا ينفع مال ولابنون

اذا تخدومنن وتدلونن على محل والوكيل بن زقر ( وكيل دنلوب ) في الرياض

ومالكم الى دعوه بظهر الغيب في اطهر ماكن في العالم ( مكه )

[طير البر 1]

يا اخوان انا بغير كفرات الاند كروزر ورحت للغرابي

لكن اني تعوذت من ابليس من الشياطين الي هناك

كلهم كذابين او ان احساسي كذا

يقول الكفرات الي عنده اصليه ومن الوكيل لكني خفت اغيرها والتورط معهم

( ما لك قبيل تهرج معه اذا صار ما صار ) وسمعت ان الاماراتي ما لي

السوق ومعكم علم وراي سفره الى جده في ها الجو الحار ومعي كومه لحم

ولا ودي يكونون بذمتي يوم لا ينفع مال ولابنون

اذا تخدومنن وتدلونن على محل والوكيل بن زقر ( وكيل دنلوب ) في الرياض

ومالكم الى دعوه بظهر الغيب في اطهر ماكن في العالم ( مكه )

السلام عليكم ورحمة الله وبركاته
الوصف في شارع الضباب بأتجاه الشمال مقابل مدينة الملك فهد الطبيه من الناحية الغربية للمدينة الطبية .
امش على المضمون احسلك وإن شاء الله توصل بالسلامه والمسلمين اجمعين . ولا تنسى دعاء السفر .

[VXR.2007]

انا مركب كفرات عندهم من شهر اهو اللي ترتاح له البال ياباني

نفس اللي قال اخوي طير البر 1

اضغط هنا

ادخل على هذا الرابط تقريبن على نفس علامة + المباني اللي قبل اواللي قدامها مكتوب على اللوحة المحل دنلوب باانقليزي وتحت بخط متوسط بن زقر ونفس اللوحة مغبره اهو قريب من مطعم ماماه نورة

[غريب الشمال]

ولهم بعد فرع في طريق خريص باتجاه الشرق قبل وكالة الناغي على اليمين


موفق أخوي والله يسهل دربك

[الرااايق2009]

الاخوان
طير البر 1

VXR2007

غريب الشمال

مشكورين على ها المعلومات والله يجعلها في ميزنات حسناتكم

وان شاء الله اعلمكم وش صار معي والاسعار عندهم

[MILANI]

الوكيل بطريق خريص و انت متجه شرق بعد المعارض و قبل وكالة الناغي يجيك على اليمين جنب وكيل كفرات برجستون

[ن م ر]

انا اشتري كفرات دنلوب حقت الجيب من بناشر الطيار وفروعهم منتشره بالرياض

كفراتهم اصليه وعليها ضمان من ابن زقر وارخص من ابن زقر وشغلهم نظيف واذا بغيت يعبون لك نيتروجين بالكفرات

[mamoun126]

وين اجد مكانهم الطيار لاهنت في الرياض
والله يرعاكم

[كريم الطباع]

في رأيي القاصر ان ابن زقر افضل لأن كفراتهم جديدة تواريخها
اما الطيار ما تكون جديدة بالحيل

[عبد الاله]

شف يالغالي بالنسبة للإماراتي او الخليجي مايجي على الكفر لف شطرطون يعني مكشوف الكفر؟
أما بن زقر فيجي علية لف أصفر وبن زقر الوكيل غالي فرق وما لقيت عندة تاريخ جديد
ورحت للغرابي ولقيت الفين وعشرة
وموقع البنشر أول شارع الريل
والسعر خذتها 475 مع اللساتك ترا اللساتك تجي معها انتبة
وشكراً

[abulaayaan]

السلام عليكم ورحمة الله وبركاتة

قبل اسبوعين غيرت كفرات دنلوب من جده من نفس الوكيل ,جنط 16 وتاريخ 2010 وعشرين اسبوع

بسعر 455ريال.

والكفر يجي بدون لستك وعليها استكر ابيض مكتوب عليه بالانجليزي بن زقر.

وهذا رقم الوكيل في جده كيلو 3

[ناصح]

لكن المشكلة أن كفرات دنلوب الحالية
تحملها للحرارة ليست A بل B


مع الأسف الوكالة ما يستوردون إلا الأقل مواصفات

وخاصة لمقاس 16

[مغلي]

لكن المشكلة أن كفرات دنلوب الحالية
تحملها للحرارة ليست A بل B


مع الأسف الوكالة ما يستوردون إلا الأقل مواصفات

وخاصة لمقاس 16

حسبي الله على هيئة المواصفات والمقاييس

بلدنا من احر بلدان العالم صيفا

و A يالله تناسب اجوائنا ... كيف يسمحون بدخول الدرجه B

[Avalanche]

لكن المشكلة أن كفرات دنلوب الحالية

تحملها للحرارة ليست A بل B

مع الأسف الوكالة ما يستوردون إلا الأقل مواصفات

وخاصة لمقاس 16

للأسف ... ما اكتشفت سالفة تحمل الحرارة الا بعد التركيب !

وكانت غلطتي ... لاني اعتمدت على كلام البائع (انها تتحمل درجات الحرارة لدينا)

حسبي الله ونعم الوكيل

[جمس_454_97]

قبل فتره شريت كفرات من الغرابي قيمة الواحد 830 ريال وخلال اسبوعين وواحد منهم منفقع من حاله
المهم رحت للي شريته منه على طول اول ماشافه قالي انت ضارب رصيف
قلت له السياره وانا واقف انفجر من حاله المهم قام يماطل ويصرف ويتهرب وبعد هواش يبغى يصرفني بطريقه زينه قالي بكرى يجي المهندس ويشيك على الكفر قلت ماهي مشكله واجيه من بكرى قال المهندس قال نفس الكلام ضربت رصيف والمشكله مافيه حجه بالكفر ولا شي لكن مايبغى يعوضك لمن تجيه بتشتري اسلوبه زي العسل ولمن تصير لك مشكله يتحول الى اوصخ مخلوق
مالكم بالطويله بحثت بالنت عن ارقام حماية المستهلك ((حماية التجار))
والله وادق عليهم وقعد لي حدود شهرين وانا وياهم وبالاخير يحولوني للغرفه التجاريه
واطيح بواحد الله يجزه موظف ابن اجواد وعلمته المشكله وقلت له والله ماهمني الكفر بس همي تلاعبهم معاي ومماطلتهم وحيلهم علي وعلى غيري الرجال حس فيني وفي معاناتي قالي ابشر ويعطيني هذاك وقالي خلهم يوقعون عليه والله واروح لهم ويوقعون عليه ويستلمون الخطاب وبعدها بيومين الا جوالي يرن وارد قالو لي تعال وابشر بالي تبي والله واجيهم ويعطوني فلوسي كامله
وبعدها ماغير كفراتي الا بالشركات المعتمده مثل برجستوني الطلائع ميشلان الجفالي
هانكوك الجميح
لقيت ان الغرابي نفس سعر الوكلات او فيه فرق بسيط لا يذكر
ولكن هناك نقطه القليل ينتبه لها
الوكالات يضعون لك ترصيص اصلي مايتحرك من مكانه ويشيل لك الرجه ومكاينهم مكاين صح وبلف الهواء اصلي ماينسم عليك مع الوقت ويحطون لك هواء نتروجين يخلي الدركسون خفيف ويحمي الكفر من الحراره
انصح وبشده الابتعاد من البناشر النصابين