ااااااااآآه ياناس

[ليت عندي اشهب]

السلام عليك ورحمة الله وبركته
الشهر علكم مبارك وجعلكم الله من صوامه وقوامه وكل عام ونتم بخير
هذي أول مشاركا لي بالمنتدى
أنا على وشك استلم موتر ولاكن أنا ياجمعه ودي والمنى والمراد بشـــــــــــاااااااااص لاكن الوالد معيي وقول غماره وين تشيل اهلك فيه والمشكله ياجماعه ان الوالد عنده موترين مشاء الله جمس وباث ولا اعجبه الباث يعني اضن انه يبي يصرفه وقام يعذرب باشاص غمار وين تحط اهلفيه واضا اخوي مشاء الله عندة 3 سيرات وحده دايم موقفه وعائليه وخوي الثاني يقول اللي مافيه خير لهل مافيه خي لنفسه اعوذبلله يعني ان شريت شاص بصير عاق ويقول الشاص اصلن مايجي الا بعدين وتفلسف وقول حنى ماشرينا مواتر بهل القيمه طيب انا وشذنبي الماديه قابل ماكانت تساغد والحين الحمد لله في خير ونعمه وقلت لنفسي اشري مستعم وياجمعه صرة افهي وهوجس وصيح وجاني حس شعري
الله يكفي الشر
افززززززززززززززززززززززززززززززززززعولي وش اسوي ونا متولع بشاص وماخذ حلف على نفسي اشري واحد ياجماع وش اسوي وقول اخوي دام الفلوس بجيب ابوي منتب شاري شاص أفزززززززززززززززززعلي
يارب ياكريم انت قلت ادعوني استجبلكم
اللــــــــــــــــــــهم ارزقني شاص
وش الــــــــــــــــــــــــــــــــــــــــــــــــ ـسوات
الله يوفق الجميع لما يحب وريرضى
وسلامتكم

[بوه مير نيم12]

اسمع كلام الوالد وانت باذن الله انك ماجور
وان شاء الله مع الايام يلين الوالد ويوافق
بس اهم شي . لاقالك شي
قل ان شاء الله

[قايد تميم 1]

اقـــــــــــــــــــــول هذا الوالد عاد لاقال لا يعني لا ويارجال احمد ربكـ جاكـ موتر خلك عليه شوي على قولتهم خله عبر الى مايجيكـ الشاص
والله يعينكـ

[ابوصالح77]

اسمع كلام الوالد وانت باذن الله انك ماجور
وان شاء الله مع الايام يلين الوالد ويوافق
بس اهم شي . لاقالك شي
قل ان شاء الله

كلام جميل
وإحمد ربك غيرك رجليه
والعمر قدام إن شاء الله وتشتري شاص .
بالتوفيق

[ليت عندي اشهب]

عاشو الذيابه براد اجل امشي على شوركم

[ابو العز بلس]

وعليكم السلام ورحمة الله وبركاته


كثر استغفار ودعاء

[سرطوقا]

ماراح تخسر لاسمعت كلام الوالد

موفق

[سعد2006]

انا كنت مثلك بالضبط وطعت كلام الوالد ولله الحمد
والان معي 2010
مسألت وقت ودعاء ورضى والدين وابش بالخير ولا تحرص بالحيل الخير جاي
والله يفقنا وياك

[تناهيت]

ابوككككككككك له حق عليك

حاول انك تناقشه بالمعقول ولا تحاول انك تفرض رايك عليه

حاول تقنعه ان فيه سيارة عائليه بديله وقت الحاجه

تحياتي

[اهل الردات]

كثر استغفار ودعاء

[ناصح]

نصيحة لله

في هذا الشهر المبارك

الوالد ثم الوالد ثم الوالد

الشاص متاع دنيوي زائل

لكن طاعة الوالد هو جنتك بإذن الله

ونق أن طاعته أهم من قيام الليل في هذا الشهر الفضيل

بارك الله فيك

[التعـ King ـديل]

البدايه ونيت والنهايه موترك المفضل

اول ماسقت عام 1994 كان موتري ددسن غمارتين ابو اربع نمر موديل 86

والحمدلله مشت الامور معي وركبت مواتر اكثر من سنين عمري

[لاتكب البيالة]

شاص وش تبي بالشاص انت عندك بعارين ولا كل شهر تقضي اسبوع بالربع الخالي
الشاص يشريه اللي يحتاجه ويصير عنده غيره للديره
المشكلة الحين بعض الشباب اول سيارة يشريه شاص ويغسله كل يوم ويدور بهالشوارع ويعرضه ويوذي خلق الله طبعا هذولا اكثرهم لهم مقاصد مهوب زينه

[الشقردي 999]

اشترلك سييرا غمارتين صدقني توفي

[يكفيني نظرة]

خللك مرضي لأبوك ويجيك الخير اسأل مجرب نفسك بالضبط كانت منوتي الشاص وعيا ابوي( طبعا ما اعجبه شكله فقط) والحين ما أرا الشاص شي وكل المواتر اللي حبيتها ملكتها ولله الحمد..