بسم الله الرحمن الرحيم
السلام عليكم ورحمة الله وبركاته
حبيت اشاركم اليوم ببعض اللقطات من رحلتي لأبها صيف هالسنه وبالتحديد من يوم السبت 19\8 إلى الأحد 27\8\1431هـ ثمان ايام تقريباً.
كانت رحلة خيالية ولله الحمد لأن الأجواء هالسنة صراحة غييير الأرض خضراااء والبراد ما يحتاج وغيوم وامطاااااار اللهم لك الحمد .
تم الحجز عن طريق الخطوط السعودية قبلا شهرين (مزبن عمري والا كان بلشت) وشحنت الموتر عن طريق البسامي الدولية بـ 350 يومين وراه واصل.
وصلنا ابها الساعة 8ص ورحت استلمت موتري وشدينا الحزام لتدوير الشقة الله يعين..
آه من هالشقق قصرت ما لقيت سكن اربع ساعات من الدوران انقلب راسي
والحمد لله لقيت سكن مناسب غرفة وصالة بـ 250.
اول يوم راحة طبعاً تخبرون ماسك خط(إلا والله من كثر التسدح بهالطيارة)
شكلي كثرت هرج اترككم مع الصور احسن:
بعض من البيوت القديمة:
[
[/url]
آآآه من هالتصوير مهبل بهالعالم حتى الصغار بلشو به هذا ابن خالتي الله يصلحة محترف تصوير:
وهذي لقطة من المناحل البرية يضعون خشب مجوف في الجبال ويحطون بوسطة اعشاب معينة تجذب النحل وبعد مدة يجون يشيكون عليها :
البرشومي الله من زين الطعمة بس المشكلة هالشوك يلعب بحسبك :
والكمثرى ما شاء الله تدهر عندهم :
وكان لنا نصيب من السحاب والمراويح ولله الحمد وهذي بداية التكونات الرعدية :
وانهلت علينا السما مطر وشبوب يا الله لك الحمد :
والله وكلماله يزود :
وهذي صور الشبوب وقد كسا الأرض :
وهالكامري ما سلمت جاها ملشاط لكن سليمة ولله الحمد (طبعاً هالصور بالسودة بعد السوق الشعبي) :
وجاك هالظباب صك على الدنيا يكود انك تشوف الي حولك :
حولت هالشوارع والتليعات بس ماش بر الدعوا شوارع :
يتبع