يااهل الكبسوله خشو

[بلوتوث]

السلام عليكم ورحمة الله وبركاته
ناوي اشتري كبسوله الاانا ها الايام في المعارض الزبده
معروف عن الكبسوله قله التحميل يعني{ ودك تركب تانكي بنزين ثاني وتركب خزان مويه وتحط مخابي للعده وتحط مخبى للسلاح وتزيد السست}ولي له خبره في هالمجال او جربه او يعرف احد واضعه ينورنا
الله ينوره دنيا واخره ..................ااااالفزعه..........

[الدبل الثقيل]

اشتر شاص خليجي ابرك لك...

[بلوتوث]

ياشباب ياحلويين [تراني ماطلبت شئ صعب]
{ابيكم تتفضلون وتعلموني وش افضل محل اومكان اوطريقه عشان تركب في الربع هذه التجهيزات 1- تانكي بنزين ثاني 2- خزان مويه
3- مخبى يكون للسلاح لها دربيل 4-مخابي للعده من سكاكين وقطع غيار 5- محل لجهاز الماجلان والكنود}
السياره جيب ربع موديل 93 اللون بيج
.......أمل الردود ولكم جزيل الشكر..............

[البرحه]

السلام عليكم

والله ودي افزع لك يا بعدي بس والله مالي خبره في الربع !!

لكن اصبر والشباب الي خابرين يعلمونك ان شاء الله

الا ورا ما تاخذ ثلث <<< ملقوف لانه اوسع شوي ونفس الخف والصغر

والله ييسر لك الموتر الطيب

[عاشق الجبل]

وعليكم السلام ورحمة اله وبركاته

الأخ ( بلوتوث )

بالنسبة لتوانكي الماء مالها مكان لها إلا تحت المراتب الخلفية وحاول يكون بين التناكي الأيمن والأيسر متصلة بقطعى بينهم

يكون موقعها اذا فتحت الباب الخلفي ( خلف مرتبة السائق والراكب ) لكي تكون التعبئة من مكان واحد .

والبزابيز ( الحنفيات ) داخل السيارة مع ضرورة وضع قسام من بعد خروج الهوز أو اللي من كوع التانكي حتى تقفله اذا

أنكسرت الحنفية وتلافيآ لفتحها مع المطبات .

ويفضل أن تكون التوانك ستيل مع ضرورة وضع قواطع داخلية تلافيآ لخضخضة الماء أثناء القيادة .


أما تانكي البنزين فأعتقد انه صعب ومخبأ الأسلحة كذلك

[بلوتوث]

اشكرك أخوي البرحه وكذالك عاشق الجبل {انتبه لاتطيح من الجبل<ومن العشق ماقتل>}على التفاعل
الا وش رايكم اتخلص من المراتب الي ورا مهوب .اوسع؟؟؟؟

[عاشق الجبل]

لا تتخلص من المراتب لأنك تحتاجها والتوانك ماهي مضيقة على الموتر لأنها تحت المراتب .


وبالنسبة للطيحة من الجبل لاتشيل همها ( من لم يمت بالسيف مات بغيره .... تعدد الأسباب والموت واحد )

[شاص]

الجيب الربع موتر ولا عليه أي كلااااااااااااااااام من ناحية قوة العزم والتحمل والخفة والوناسة وخفة الظل لكن !
عيبه الكسافة (الصغر) إذا بغيت تحط تانكي بنزين وماء وتشيل عزبة و.. و .. يالله تلقا لهن محل ولا راكب معك إلا واحد أو اثنين بالكثير واللي وراء بيكون كله للعفش إلا إذا كانت طلعة خفيفة يوم أو نص يوم أو تالي نهار ممكن تشيل معك وراء كم واحد (واحد مجرب الربع )

[بلوتوث]

ياشباب ياحلويين [تراني ماطلبت شئ صعب]
{ابيكم تتفضلون وتعلموني وش افضل محل اومكان اوطريقه عشان تركب في الربع هذه التجهيزات 1- تانكي بنزين ثاني 2- خزان مويه
3- مخبى يكون للسلاح لها دربيل 4-مخابي للعده من سكاكين وقطع غيار 5- محل لجهاز الماجلان والكنود}
السياره جيب ربع موديل 93 اللون بيج
.......أمل الردود ولكم جزيل الشكر..............

وينكم ياهوهههههههههههههههههههههههههههههههههههههههههه

[{السبيعي}]

لاتعليق
السبيعي

[ابونهار]

انا من رايي انك تبع الموتر وتشتري كامل
اذا حطيت توانك راح يثقل الموتر او تقوم تقرقع المراتب من اسباب التوانك

وسلامتك يابعدي

[بلوتوث]

وينكم ياهوهههههههههههههههههههههههههههههههههههههههههه

أشكرك{ يالشاص} على التفاعل بئس تراك حطمتني
اشكرك{ابونهار}بئس خلاص الموتر موجود
واشكر السبيعي ايضا