من لدية معلومات عن تايلند....الرجاء الدخول ..(يوجد صور)

[aziz99]

اعضاء المنتدى المحترمين

لدي خطة لقضاء الاجازة الصيفية مع افراد اسرتي في تايلند ( بانكوك-بوكت) فمن لدية معلومات عن هذه الديرة لايبخل علينا.....واليكم صور المنتجع الي بسكن فية...












تحياتي للجميع

[ريع الدياب]

بسم الله الرحمن الرحيم
السلام عليكم ورحمة الله وبركاته

الغالى aziz99

ماعندى معلومات عن تايلاند ... ولكنى حبيت انى أدخل وأسلم
يبدو من صور المنتجع انها مكان جميل ... فأتمنى لكم رحلة ممتعة مع العائلة
وسأنتظر تقريرك عنها فى موضوع مثل موضوعك
(رحلتي مع البنات لشعيب العمياء 18-01-1425هـ )
دور أبوذيب (الأطرم) ...
يمكن زار تايلاند ويقدر يوصف لك تايلاند بالاشارات !!!! هههههه

تحية وتقدير

[aziz99]

هلا...بالغالي ريع الذياب

حياك الله....وعليكم السلام....

ارجوك لا تذكرني ....بابو ذيب وايامة السود......يوم انه اطرم....وذا كان هو الي بيعطيني معلومات ..فعز الله اني مارحت....!!!

تحياتي لك

[السويبع]

ليت من يربط خريص بقريس....مثل الذي بين الخبر والمنامه

قريس هاذا فندق في بانكوك
من عقب ذا البيت وانا ودي اروح بس ماحصل

[عريدان]

اللهم إنا نسألك العفو والعافيه.
والعامية يدعون بهذا (يالله العفو والمرأة الكفؤ).

[111browning]

السلام عليكم ورحمة الله وبركاته .....

أخوي aziz 99 الديره حلوه مره وخصوصاً جزيرة بوكيت phuket island بصراحه ساحره وانا انصحك انك ماتطول بالعاصمه بانكوك وتقضي اغلب الاجازه بجزيرة بوكيت وتخلي آخر ثلاثه ايام أو يومين بالعاصمه للتسوق لأن التسوق عجيب في ها الديره ورخيص يعني تبي تعبي شناط من الملابس والهدايا وخصوصاً مايخص الأهل والأطفال وهناك بعض الأسماء للأسواق الرخيصه مثل ( سوق الليل night market - وسوق آخر اسمه باتونام patonam والأخير يعتبر سوق للجمله لكن يبيعونك لو بغيت مفرق ) .

نجي للسكن عندك خيارين اما تحجز عن طريق وكالات السفر هنا باكج أو انك اذا رحت هناك ففيه طريقه مره حلوه وجربتها انا وهي في كل فندق موجود مكاتب لوكالات السفر travel agency لاتروح للاستقبال رح على طول للمكتب السياحي بداخل الفندق واحجز ولاحظ الفرق بين سعرهم وسعر الاستقبال يعني إذا كان السويت بـ 200 دولار مثلاً يعطونك اياه بالوكاله من 110 - 120 دولار .

وفيه ايضاً اماكن حلوه بالديره مثل (تشانق ماي ) وهذي منطقة جبليه ومنطقة غابات طبعاً غابات سياحيه مهوب ادغال وفيها رحلات سفاري ومليئه بحدائق الحيوانات حلوه للأطفال
والديره بصراحه حلوه بمعنى الكلمه .

وبالنسبه لبوكيت تقع في اقليم فاطاني وهي بالجنوب وهي تمركز المسلمين في تايلند

اتمنى لك التوفيق ورحله سعيده .

[aziz99]

الاخ الغالي/ 111browning

بداية لك كل الشكر والامتنان على اثرائي بهذه المعلومات الطيبة ......

ثانياً/ انا ابروح لمليزيا....ثم الى بانكوك ....وبقعد في بانكوك 3 ايام..ثم بوكت....

رحلتي الى ماليزيا سوف تكون لمدة 12 يوم وحجزت من هنا عن طريق مكتب سياحي بكج كامل مع السكن والتذاكر....الى بانكوك والسكن فيها في فندق (اماري ) وسط البلد...والحقيقة ان واحد من الشباب توه جاي يقول لي فيه خمس فنادق اسمائها (اماري ) ولكن لم استطع التحديد!!! وسبب جلوسي في بانكوك هو للتسوق انا والعائلة....وسوف اذهب الى مكتب هناك معي عنوانة.....يعمل لي برنامج كامل ( السفر الى بوكت...السكن في المنتجع المرفق صورة في هذه المشاركة....وبنامج خاص بالسياحة والمناطق الترفيهية عشان عيالي الصغار.....حيث ان المكتب المذكور لي مجرب قبل اسبوعين من قبل احد الاصدقاء......وتحياتي لك...

[aziz99]

الاخ العزيز/ 111browning

الاسواق الي ذكرتها ( سوق الليل night market , باتونام patonam ) في بانكوك....والا في بوكت...اتوقع في بانكوك صحيح؟؟

[البنتلي]

سوق اليلل جميل جدا وخصوصا محل خوجه حق السكاكين

[aziz99]

البنتلي

هههههههههههه

[111browning]

السلام عليكم ورحمة الله ويركاته ......

الأخ العزيز عزيز 99 صحيح فيه ثلاث فنادق باسم اماري أذكر مناه اثنين (amari airport وهذا قريب من المطار وفيه
وفيه amari watergate على مااعتقد وهذا اللي بوسط الديره وهذي فنادق خمس نجوم وفخمه وراقيه ويبدو ان خويك راعي ديره )
كذلك فيه فندق اسمه dusit thani في شارع silom road سايلوم رود وكذلك فندق grand hotel وهذا فندق صيني وفخم مره بحاول اجيب لك الروابط للفنادق التاليه بالإضافه لفندق اماري . علشان تشوف صورها ونوعيات الغرف .

بالنسبه للأسواق في بانكوك طبعاً وترى بعد الساعه سبعه مساءً اغلب الاسواق مقفله يعني تستغل وقت الصباح ( الضحويه) للتسوق لأن العصر يكون الواحد مشغول مع عياله .

[111browning]

البنتلي .......... ههههههههههههههههههههههههههههههههههههه

حلوه سكاكين خوجه

أخوي عزيز 99 منطقة فندق قريس اللي بشارع سكومقيت لاتحاول تقرب منها منطقه قذره الله يكرم الجميع .

[aziz99]

الاخ الغالي/ 111browning

لله درك ياشيخ.......اما بخصوص خويي فهو كان من هل بانكوك ذيك الايام ( عام 1982م ) والرجال الان عمره 48 سنة وتوه جاي من هناك هو وعياله السبعة.

تحياتي وفي انتظار الروابط

[aziz99]

الغالي/111browning

الظاهر اني لقيت رابط فندق قراند

http://www.farangs.com/grand-hotel-bangkok-photos.htm

هذا هو والا لا؟

[aziz99]

وهذا رابط فندق dusit thani في شارع silom road سايلوم

http://www.gothailand.com/hotels/ban...thani-bangkok/