15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي فضي
نبي مشاركة وتفاعل من الأعضاء الكرام
الصراحة أبي البّس الشنطة والأبواب الخلفيه تلبيس محترم وقوي يتحمل حطيبات و عفش وكرف مليت من الفرشات والحوسه ولاكن أبي خبرتكم وتجاربكم والي عنده معلومات عن النوعيات والخامات والطريقة والأسعار لا يبخل علينا وياليت لو يكون فيه صور تدعم المشاركة
و أقرب محلات التفصيل لي هي الغرابي في الرياض والسيارة فتك .
بأنتظار أرائكم وتحياتي للجميع
مكشاتي نشيط
وعليكم السلام و رحمة الله وبركاته
ركب التلبيس الجاهز حق السنيدي
متين قوي و عملي
تقدر تفكه بنفسك و تغسله و تخزنه ... وتركبه في اي وقت
انا اشوف انه افضل من التلبيس الثابت
بارك الله فيك على طرح موضوع مفيد وقابل للنقاش و الاراء
عين حصنان
أبو فارس
استغفر الله الذي لا اله الا هو الحي القيوم واتوب اليه
مكشاتي فضي
بتوصل المشاهدات 100 والردود 1 وين الناس على الاقل زيدو مشاركاتكم
للرفع
مكشاتي متقدم
عندك الجاهزات مثل السنيدي وبرق الحيا..
وعندك تفصيل من الغرابي ,, فصل الشكل اللي تبي وحط المخابي اللي تبي..
عليك بالتنزاني وانتبه بعضهم يهك عليك يقول تنزاني وهو صيني
له شي يميزه اظن انه اللون اللي بالوجه غير اللي منداخل
وترى مكان استفسارك غلط مكان استفسارك عدد وادوات الرحلات
راعين عرف بالامور ذي واسأل العضو سرهيد
مكشاتي فضي
يالحبيب اسمع شوري
لا تحرم نفسك من متعه اسيات الوكاله
اهم شي تلبس العازل الارضيه ببلاستيك سمك 5 ملي
والاسيات الباقيه خلها زي ماهي استمتع بسيارتك
اذا اتسخت او انعدمت فيه شي اسمه تنظيف وتلميع واذا مافيه فايده نجدها تنجيد على ذوقك ومنها يكون تغيير
لا تصير مثلي لبست الاسيات من القماش التنزاني القوي حتى فقد الراحه ونعومه الاسيات ويوم جيت ابي ابيع السياره
اللي شراها مني استغرب من الاسيات جديده هو تهنا فيها الله يهنيه ونا رحت فيها
ألا اكرفها ووسع صدر
قربت الساعه يابوصالح قامو يبيعون لحم بقواطي
مكشاتي متقدم
والله شف اذا تبي بس الشنطه فيه محل اسمه اليوسف بشارع الكهرب إلى به مستشفى اليمامه يفصل لك على الكيف وتنزاني جلد ومبطن بسفنج انا ركبته حتى لو ينكب ماء
ماينزل تحت تشوفه يطفح بس تمسحه ويروح وزين وقوي ومتين
اما حق السنيدي مع احترامي الشديد مش حالك على طول يتقطع
لا إله إلا أنت سبحانك إني كنت من الظالمينلاحول ولاقوه الا بالله
مكشاتي ذهبي
أخوي بالنسبة لتلبيس الشنطة
من واقع تجربة الأفضل إنك تفصل قماش ياباني مثل الراوية
لأن الصيني يتقطع بسرعة وأما التنزاني فيتغير لونه إضافة إنه يمسك الزيوت والدهون
مكشاتي فضي
بيض الله وجيهكم ولا قصرتو وشكلي بروح لمحل اليوسف الصراحه الجاهز مثل حق السنيدي أحسه يستهلك حسب ما سمعت
مكشاتي نشيط
الله يعطيك العافيه
اخوي albdrane على طرحك لهذا الموضوع
بالنسبة لمحل اليوسف لعل اخوي على رمشي تمشي يذكر لنا
التفصيل كم يستغرق من وقت والسعر الله يجزاك خير
مكشاتي متقدم
السلام عليكم ورحمة الله
حياكم الله ,,,
انا مع رأي اخوي على رمشي تمشي ,,,
عندي حق اليوسف تفصيل له اكثر من 5 سنوات كرف وزي قماش الروايه اخذته على ما اذكر بـ 160 ريال
يمنع التسرب وثابت اللون ويتحمل الحطب كل سنه اغسله مره وفيه بطانه ان شاء الله بركبه هالاسبوع !
قبل رمضان فكيته من مكانه عشان اغسله وانظفه ,
حق السنيدي شكل وتفصيل زين بس الجوده يمسك الزيوت واثار القدور وعلى كلام يتسرب الماء منه !
قال تعالى" أَفَحَسِبْتُمْ أَنَّمَا خَلَقْنَاكُمْ عَبَثـًا وَأَنَّكُمْ إِلَيْنَا لا تُرْجَعُون "
مكشاتي ذهبي
السلام عليكم
نصيحتي ان بغيت الشراع اللي يتحمل عليك بالتايلندي بلاستيك قوي جدا ولا ينقطع ولا تفكر ان الماء يسرب
طبعا يكون تايلندي والجزء اللي يكون على المرتبه يكون تنزاني عشان ما يحتر
مكشاتي فضي
المشاركة الأصلية كتبت بواسطة you like me
مكثور الخير يالغالي
سفاري نجد ماعنا وعن محل اليوسف بس الوصف وين مكانه بالضبط
لا تكب البياله نصيحتك على راسي من فوق تحياتي
طريق خريص باتجاه الشرق من مخرج 13 وعلى طول امسك الخدمة وتجاوز إشارة هوندا وقبل توصل لإشارة خالد بن الوليد يجيك شارع على يمينك ( الإمام الشافعي ) رح يمين باتجاه الجنوب وبعد 500 متر تقريبا يجيك محل اليوسف على اليمين وإذا جيتهم قل وين عبدالحميد ،، وقله أنا جايك من أبوتركي وماتشوف إلا اللي يرضيك إن شاء الله ....
وصف ثاني : من إشارة حرس الحدود في شارع أحمد بن حنبل اتجه شمال مع شارع الإمام الشافعي ويصير مستشفى اليمامة على يمينك واصل مسيرك وبعد كيلو تقريبا يجيك مديور ( يوتيرن ) ارجع معه باتجاه الجنوب وبعد 100 متر يجيك المحل على يمينك ...
اللهم انصر إخواننا المسلمين في سوريا ،، اللهم ارحمهم وكن معهم ووحد صفوفهماللهم عليك بمن ظلمهم ،، أرنا فيهم عجائب قدرتك يا قوي يا متين
مكشاتي فضي
أقول بيض الله وجهك ....والله يسهل لك كل أمر عسير
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
