من يعرف معرض أو شركة تقسيط سيارات بالقصيم

[محمد-الرس]

السلام عليكم

الأخوان الأعزاء أحد يعرف معارض أو شركات تقسط السيارات بمنطقة القصيم مايهم معرض أو شركة لأني محتاج سيارة تقسيط من أي مكان بالقصيم



شكرا لكم

[ابوعقل]

نصيحة اخو

خذ قرض واشتر السياره

لان الأقساط تبي تشيب براسك

وانت احسبها

السياره بكم تبي تطلع عليك اقساط

والقرض كم تبي تصير الفايده

[محمد-الرس]

يعني مهناش شركات .................... طيب لو معرض

[قرم العيال]

فيه بالرس

قبل محطه ميم الي على طريق المدينه

يعني بين الشلال و المحطه

[الربذي]

فيه شركة تقسيط بالمعرض نسيت اسمها كلمتهم وشروطهم خايسه ونسبتهم قويه اظن 10 بالمية ولا فيه دفعة 15 من قيمة السيارة دعايتها اشوفها على واجهات بعض المعارض في بريدة اظن اظن انها الوطنية ماني متاكد ورقمها ماهو معي شلته من جوالي

[اسير الغضا]

اخوي هج منهم عليك بببنك الراجحي اظنه افضل الحلول لمن يريد الاقساط

بس اظن لازم تصير السياره بمعرض الراجحي ببريده يعني مب اي سياره

والله يعينك

[محمد-الرس]

ابو عقل
محمد-الرس
قرم العيال
اسير الغضا
الربذي

شكرا لكم لإفادتي

[اسير الغضا]

انا كد بغيت هايلكس غمارتين من الراجحي ولا حصلت الا ددسن واخذت ددسن مظطر ولا ابلش باللي يقصدون على جشع واستغلال

[محمد-الرس]

طيب وش رايكم بأكسنت 2010 فل أوبشن وكالة تقريبا ب42الف ريال

[اسير الغضا]

42 كاش ولا


شف اخوي الاكسنت موتر ومابه عيوب مصنعيه على مااعرف
وهي ممتازه الله يرحم ايامه منول ب25 الف


لاكن اي موتر صغيره كامري كرلي اكسنت النترا ومن ذولي تحتاج عنايه خصوصا العكوس لانهم الظاهر حاطين عكوس سيكل

[مقلع الرمث]

وش 42 الف ؟

مشترينه جديد ب 33 من معارض نجد قزاز كهرب قير عادي موديل 10

[ساحووق]

خذ سوسو افضلك واقساط رخيص

[الرسيفر]

شف وأنا أخوك بدلك على الراجحي للتمويل في بريدة عنده عرض زين مرة وشف إذا ناسبك وإلا الشكوى لله

موقعه شمال بريدة