السلام عليكم ورحمة الله وبركاته ..
مساكم الله بالخير .. إن كنتم في المساء ..
أسعد الله صباحكم .. إن كنتم في الصباح ..
حياكم الله وبياكم .. إن كنتم بينهما ..
..
قبل فتره رحت للغرابي أدور على عازتين مهمة بالنسبة لي على هذا الرابط
والحمد لله توفقت بتوفيق من الله وشريت لي غرض أعتبر إنه من أهم الأشياء اللي يجب إنها تكون في أي سيارة على هذا الرابط :
باقي عندي الدريل اللي على البطارية .. طبعا سألت عنه وقالوا ممكن تحصلة بس دور في المحلات .. وقلت لابد من جولة ثانية للغرابي والبحث فيه ..
توكلت على الله ورحت للغرابي مره ثانية ومريت في شارع الريل في البداية وقلت ممكن أحصل هالدريل عند حقين العدد لكن تكسرت رجولي وأنا افر من محل إلى محل والنتيجة لا يوجد ومستبعدين يكون فيه هالنوع من الدريل لأن على كلامهم يبي له ضغط هواء قوي على شان يفك الصواميل !!
انتقلت للغرابي وبديت أدور من محل إلى محل .. ولقيت محل كبير إسمه العوبثاني مقابل للسليماني بالضبط .. وجنب مؤسسة الشراع وكيل مواطير أبو جمل ..
طبعا المحل ما شاء الله تبارك الله كبير جدا وقلت بفر فيه أشوف وش الجديد و الدريل في بالي طبعا ..
إلا وعيني تطيح عليه وماني مصدق دريل لى البطارية ويفك الصواميل !!
ناديت العامل وقال صناعتة صينية جيدة .. وزنه حوالي 5 كيلو
يشتغل على 12 فولت .. طول سلكه حوالي 5 أمتار ..طبعا العامل جربة قدامي وشغله صوته تقول صوت دريل البنشري بالضبط .. جيت بجربه على سيارتي أذن الظهر وقال تعال بعد العصر!!!!
سلبيته الوحيدة من وجهة نظري إنه يشتغل على فيش الولاعة وخافت إنه يحتر مع الشغل !وهذي صورته : طبعا سعره 135 ريال
ايضا حصلت عنده عفريته كهرب حمولة 3 طن على البطارية .. ويقول لي هذا آخر ما نزل في السوق .. بس الحقيقة ما دخلت مخي وصورتها للأعضاء للفايدة .. سعرها 150 ريال وصناعتها صينية ..
في الختام أتمنى أكون وفقت في عرض هالموضوع على قل خبرتي في تحميل وتنزيل الصور على قلتها لكن والله كل ما رحت محل رفضوا إني اصور والا إني متسلف الكميرا من شخص عزيز .. على شان ابيض الوجه معكم .. لكن العذروالسموحة..
..
كافأني أخي الكريم بدعوة لي عسى الله أن يرزقني بالذرية الصالحة عاجلا غير آجل ..
وسلامتكم ..
رد مع اقتباس
المشاركة الأصلية كتبت بواسطة عليم الظمى
