من عنده معلومات جيب تويوتا Gx

[رواح]

ماهي مواصفات الجيب GXلاندكروزر وكم انواعه واشكاله واسعاره ابغى اشتري واحد وانا غشيم فيها ---------الفزعه يا أهل مكشات------وعطوني رايكم-------

[دله وفنجال]

السلام عليكم...
اخوي الغالي رواح ماحدت انت تبي المخيس السعودي ولا الخليجي وبلاخص القطري الهدد.
انا انصحك بلقطري تراة افضل شي لان مواصفاتة الداخلية مثل الفي اكس ار يعني ثلاجة مكيفين مثبت سرعة ايرباقات ريموت صف ثالث من المراتب العرضية فتحة عند الطلب وونش كذالك عند الطلب ودفلك (هزاز).
وهذا سلمك الله تلقاه بقطر وكذالك يضيفون المواصفات الي تبي بس انت ارخ المخبات وبشر ابعزك.
وعلى العموم سمعت وانا مادري انه نزل نوع جديد تكون مكينتة 8 سرندل ومواصفاتة مواصفات الهدد الي هو الجي اكس لاكني ماتاكدت.
اسفين على الاطالة .

[البيـرق]

السلام عليكم ورحمة الله وبركاته
بالنسبة للجي اكس القطري الفل
نفس الجي اكس ار
بس مافيه اي بي اس
وصدماته لونها اسود
والجنوط
والتذهيب الي في العلامة والشبك والخلفية
والحساسات
والكشافات الامامية
والوطايات الجانبية
والجناح الخلفي
والخطوط السفلية
هذي كل الفروق انكاني منب واهم......
اخوك البيــــــرق............

[البيـرق]

السلام عليكم ورحمة الله وبركاته
وقيمة الفل 2005 ب140000
و2006 ب1470000
بس ان كانك ناوه توكل على الله وخذه انا اشهد انه موتر
اخوك البيـــــــرق........

[عاشق المزون]

السلام عليكم

اخوي انا عندي جيب هدد 2005gx(من قطر) نفس الى بالصورة.
مواصفاتة:
ثلاجة + تخشيب داخلي من اليابان + مراتب مريحة تفرق عن Gxr (نفس ال في اكس ار) + صدامات ربل (مريحة في الطعوس)
+ فتحات تكيف خلفي مع كنترول مستقل + رساوه على الخط+مسجل تايوتا شد بلاد.
--------------------------------
مكان الشراء:
من معرض اليحى في النسيم
-------------------------------
السعر:
130500 ريال (التماتيك)-126000 (العادي) الى عندي تماتيك الستبنه (تحت) بس ماشاء الله ماكن فيه ستبنة لانها نحيفة مرة مو مثل ال Gxr خول ماتغط في الارض
------------------------------
طبعا انا ماخذ التماتيك لاني من سكان الرياض وانت عارف الزحمات عندنا.
------------------------------
والله السيارة ممتازة مرة في النفود كل ليلة خميس في نفود وماشاء الله علية
----------------------------
العيوب شرب البنزين مو مرة بس والله لو اركب محطة وراى ممتاز

[عاشق الأشهب]

رح لمعرض عبدالوهاب اليحيى في النسيم أو في بريدة وتلقى اللي تبي وبجميع المواصفات

[هاوي قصيده]

بس ياشباب يقولون ان اليحي وارد بريمي

والبازعي وارد قطر

وبنظركم وش الافضل وليه؟؟

انا معي وارد اليحي ماشي معي تماام

[كشاته]

قبل يويمين كنت عند اليحيى

2006 اأستبنتين بـــ 142000

2006 أستبنه وحده ( خلفية لكزس ) بــ 140500

[عضـو قديم]

هلا فيكم
يا اخوان انا من قطر وشاري لي موتر GX موديل 2005 اصفار مرجع بـ130500 ريال قطري من 4 شهور
مواصفاته:
القير اوتوماتيك
فتحة
مكيفين
ثلاجة
سبير تحت
عدد 2 ايرباق
وهذه صورتة اول ما اشتريته ورحت فيه العديد قبل ما اركب علية رنجات لكزس 2006 لانها خفيفة وتواير بالون سيام 900 8 كناويس




وما يفرق عن الـGX-R الا:
مافيه اي بي اس
وصدماته لونها اسود
والجنوط عادية (حديد)
والتذهيب الي في العلامة والشبك والخلفية
والحساسات
والكشافات الامامية
والوطايات الجانبية
والجناح الخلفي
والخطوط السفلية
والحين واصل لي بـ130000 الف ريال قطري وماشي 20 الف كيلو ولا نواي ابيع لان موديل 2006 ما نجح عندنا لان 4x4 شغال وما يفصل الا بعد ما توصل سرعة 80 كيلو....(يعني اكتروني )
وسلامتكم

[هاوي قصيده]

الله يعطيك خيره ويكفيك شره

بس ياخوي عضوو قديم

وش الفرق بين القطري والبريمي

انا اشوف الفرق الجنوط..هذيك فتحات دوائر والقطري مثلثات..والاشاره الاماميه القطري برتقالي الغطا حقها..واعتقد الدركسون البريمي ثلاثي والقطري رباعي

مدري كلامي صحيح

والا يبيله تعديل

افدنا وانا اخوك

[عضـو قديم]

كلامك صحيح خوي
وازيدك من الشعر غرفة خخخخخخخخخخخ
ضمان 5 سنوات بدون تحديد للكيلو متر شرط انك كل 5000 كيلو لازم تودي موترك الوكالة للتشييك وراح تكلفك عملية التشييك 450 ريال كل مرة

[مرقاب الشرق]

يأخوان مافيه فرق بين Gxrالسعودي وال Gx القطري من ناحيه الخف لأن الgx القطري زي مواصفات الgxr السعودي ماغير الصدمات بس .

وش راااااااااااااااايكم !!!!!

[فتى شنه]

السلام عليكم ورحمه الله وبركاته

اخوي عضو قديم تقوللي 2006 دفع رباعي الى سرعه 80 وبعده يفصل هل الدبل كهرب والى قير في 2006 ووش الافضل 2006

والى 2005 بما انك مجرب 2005 وكيف صرفيه الهدد للبنزين

وارجوا منك اعطائي رقم وكيل للهدد اللي في قطر

وشكرا

[هوى]

السلام عليكم
يااخواني عندي معلومه بسيطه وهي :
1- مستحيل يجي دفع رباعي مستمر والدبل قير ( انا اشهد على ذلك ) .
2- إذا كان الدبل زر كهرب فيمكن يمكن يمكن يجي دفع رباعي مستمر وانا اتوقع إن إللي قير الدبل حقه زر كهرب يجي نوعين :
نوع دفع رباعي مستمر ونوع آخر عادي وأقصد الهدد اللي قيره زر كهرب اتوقع إنه مايجي دفع رباعي مستمر (في الهدد فقط).
3- انا حجزت عند اليحيى عدد 2 هدد2006 يعني سيارتين واحد قير عادي والثاني اوتوماتيك * وسألت المصري :
اللي قيره تماتيك يجي الدبل الصغير قير ولا زرر كهرب؟؟؟؟؟؟؟
قال : يجي قير!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!ا انا ماصدقته !!!!!! وكررت السؤال عليه أكثر من مره ونفس الإجابه!!! الصرراحه أنا ماني مصدق لحد الآن إن التماتيك يجي دبل قير وليس كهرب!! لأنه إذا جا تماتيك ودبل قير يكون أحسن واااااااااااااااااااااااااااجد للإستعمال ***( لحد الحين ماصدقت المصري وإذا جا الموتر بتأكد)**
أما القير العادي حقق الهدد 2006 فأنا أتحدى من يقول إنه مايجي إلا دفع رباعي مستمر*
تصدقون أنا ودي بالـ gxr 2006 بس المشكله إن سيارات gxr موديلات 2006 كلها دفع رباعي مستمر قهررررررررررررررر**
تحياتي للجميع $

[الكونترولCONTROL]

هلا فيكم
يا اخوان انا من قطر وشاري لي موتر GX موديل 2005 اصفار مرجع بـ130500 ريال قطري من 4 شهور
مواصفاته:
القير اوتوماتيك
فتحة
مكيفين
ثلاجة
سبير تحت
عدد 2 ايرباق
وما يفرق عن الـGX-R الا:
مافيه اي بي اس
وصدماته لونها اسود
والجنوط عادية (حديد)
والتذهيب الي في العلامة والشبك والخلفية
والحساسات
والكشافات الامامية
والوطايات الجانبية
والجناح الخلفي
والخطوط السفلية
والحين واصل لي بـ130000 الف ريال قطري وماشي 20 الف كيلو ولا نواي ابيع لان موديل 2006 ما نجح عندنا لان 4x4 شغال وما يفصل الا بعد ما توصل سرعة 80 كيلو....(يعني اكتروني )
وسلامتكم

====================
واحد جابه قبل 4 شهور من عمان ... فيه ونش و اعتقد فتحة ... الخلفية لكزس و القير عادي
ب 140000 ريال سعودي