معروض علي مقفص ( رايكم من ذهب يالنشاما )

[هِـــرمــــاس]

السلام عليكم ورحمه الله وبركاته ,

الاخوه الاعزاء , صار لي فتره ادور لي على جيب عشه وعرض لي موتر لاق بعيني وش رايكم :

1. الموديل = 79
2. دريكسون عادي وما فيه مكيف
3. البدي يطرب اللي يشوفه وهو تراه مخزن , من مواتر احد الدوائر الحكوميه ( بويه وكالته سليمه 100% , مراتب الجلد حقت الوكاله سليمه 100% , وجميع قطع الوكاله والاكسسوارات متكامله بشكل يندر وجودها في الوقت الحالي , جميع زجاج السياره وكاله وسليم 100%


باختصار الموتر ما قد شفت زيه وشاريه شاريه الله لا يعوق بشر ( وناوي ارهم له دركسيون هوا )

الســــــــــــــــؤال

كم يسوى بنظركم ؟

ولكم مني ازكى تحيه يا طيبين الفـــــــــــال

اخوكم هِــرمـــــــاس

[البيـرق]

السلام عليكم وحمة الله وبركاته
الله يرزقك اياه ويعطيك خيره ويكفيك شره
قيمته من 10 الى 12

[هِـــرمــــاس]

مشكور اخوي البـيــــــــرق وما قصرت

سلمت وسلم رايك السديد


بانتظار المزيد........... من الأخوه الكرام

[هِـــرمــــاس]

افا والله ............................ الزيارات 58 والردود = 1


على العموم الرجال يقول يبيه ب 14000 , الموتر والله يستاهل وقيمته فيه بس الموديل كاسر اسهمه بالحيل

وش رايكم كم الغليبه فيه ؟


لا تشحون علينا بشوركم


شكراً

[ع.ف.الدرويش]

السلام عليكم ورحمة الله وبركاته

هرماس.. صبحك الله بالخير
بالنسبــة للعشـــه فأعتقد والله أعلم بأن سعره مناسب جداً
ومثلك يعرف بأن الموديلات القديمـــة بالذات إن كانت نظيفة يالله يالله تحصلهــا
و تستاهـــل أكثر من كذا بالطبع حسب نظافتها.. لذلك أقترح عليك بأن تتوكل على الله وتشريها
ومبروووك عليك الموتر الأصيــل.. والله يطعمك خيره ويكفيك شره

هذا كل مالدي.. والله يوفقـنا واياك لكل خير

أبو فهد..

[صفوق الشمري]

اخوي هرماس هلا فيك ومرحبا والموتر اللي انت تقول انا اقول انة غالي وانا مادري ممكن انت تكون ابخص مني في هذة النوعيات بس اعرف انة صبور وقوي بس الموديل وانا اخوك قديم مرةةة يعني لة الان ( تقريبا26سنة وهو مصنع ) يعني قديم وانا اخوك
وانا رايي انك يوم وصلت الى هذا السعر تروح تشتري اجدد موديل منة
أو
تشتري واحد اقل من اقل منة نظافة تشترية 5 الاف وتصلح فية اللي انت تبية ويطلع لك ارخص من هذا وللمعلومية ترى قطع غيارة رخيصة مرة خاصة الاكسسورات وانا مادري
وارجوا منك ماتزعل من رايي وكل نفس وما تهوى وانت على راحتك طلبت الشور وعطيتك اياه .
ارجوا منك تقبل اعتذاري وخالص تقديري

اخوك : صفوق الشمري

[صوعان]

والله ما احط فيه الفين ريال!!!!

[الجنوبي]

اخوي هرماس
هذه النوعيه من الجيوب اصيله
ولها من يهواها وعلى وصفك الجيب نظيف
ويستا هل اكثر .. واسئل عن اسعا رها في الطا يف
وجده .. مرشوش وبحا له جيده يا صل عشرين وزود
مشكله الي عندك الطاره ...................

[هِـــرمــــاس]

اخوي ابو فــــهــــد , يعطك الف عافيه وما قصرت يا ذيبان ( كلامك درر )



اخوي صـفـــوق , مشكور على رايك الصريح والعقلاني , وترا رايك مايزعل بل يزيدنا علم وتنوير ( من شاور الناس شاركهم في عقولهم ) سلمت يا طيب الفال .


اخوي صوعان , مشكور على مرورك ( وترى انا ما ادور الفخخه , مشاويري للبر لا تتجاوز 100 كم وكلها شعبان . وطلعاتي موسميه (يعني وقت القمري والا وقت الامطار ) وادور سياره تكانه, واكدها في البر ولا اداري
وبنفس الوقت غير مرهقه مادياً والخساره فيها قليله( يعني لو حبيت ابيعها بعد خمس سنوات تكون اقصى خساره فيها 15000 الف "باعتبار اني شاريها بــ 15000 "وهذا شيء مستحيل ان يحدث) وترى من مقومات الوناسه ان وسائل الترفيه والوناسه ما تكون مكلفه مادياً والا ماصارت وناسه , والعشه باختصار سياره غير استهلاكيه وعمليه جداً وتقوم مقام الشاص 2005 .



اسف على الاطاله ولكن هذي الاسباب اللي مخليتني ادور هالنوعيه من السيارات

هاه وش رايكم ما هي فلسفه ؟


تحياتي لكم جميعاً

[al-nashmi]

اخونا هرماس..

تحية طيبه..

اخي الكريم اذا كنت قد استخدمت هذا النوع من قبل وتعرف انة مزعج وانواع الاصوات والمشوع ... وتقدر تتحملة فتوكل على الله وخذه
ومكسبه فية مثل ما قال اخونا الجنوبي خاصة انه مرغوب في الناطق الجنوبية تقدر تجلبه هناك ويبي يجيب لك رزق اذا مليت منه..

والله يكتب لك اللي فية الخيره..

هذا رأي...

اخوك النشمي

[هِـــرمــــاس]

هلا والله بالجنوبي اثريتنا واغريتنا مشكور اخوي , من يوم شفت توقيعك عرفت انك راعي صنف ( ) احم احم بالمواتر يعني

عافاك الله ومشكور مره ثانيه

[هِـــرمــــاس]

حياك الله اخوي النشمي , شرفتنا بمرورك الكريم وشكراً على ابداء الرأي

اخوك هرماس