إلى أصحاب الترهيم واللي عندهم خبرة أرجوا الدخول ولا يهونون الربع

[kmk9999]

يا أخواني عندي جي اكس ار 1999م

له تقريباً 8سنوات معي ومكينته ما تتحملني

المكينة اللي قبل وظبته مرتين بين المره الأولى

والثانية شهر والحين بدا يطلع لي صوت تك تكه

بعمود الكرنك وغيرته قبل 3 أسابيع بمكينة 2006م

ومشكلة المكينة حقت 2006م نفس مشكلة مكينتي

السابقة ألا وهو ضغط الزيت ضعيف وصاحب التشليح

ما قصر قال لي أجيه إن شاء الله بكره علشان يشوف

لي مكينة ثانية ، وأنا الحين براسي أغيره إلى مكينة

في اكس ار وأبغير معه القير والظفيره.

الأسئلة/ وش تنصحوني به من ناحية شخص يرهمه لي؟

وكذلك هل بالإمكان تركيب مكينة دينالي 2008 أو مكينة
كابرس 2009 إل إس2 ،ووش راح يحتاج له وكم راح
تكلف علي من ناحية مكينة الفكسار أو الدينالي أو الكابرس؟

وإذا كان عندكم أراء أخرى أتقبله .

للمعلومية/ لا أحد يقول لي بع الجيب واشتر غيره لأن ميزانيتي
ما تسمح هذا أولاُ
ثانياً الجيب هو جي إكس ار 3 خليجي فتحة ديف لوك قير عادي
ومكيفين وثلاجة أمامية ومعدل إلى هدد 2007 خارجي
وخسران عليه من وإلى مثل عضلاته مغيرها من الوكالة وجميع
الشدادات الأمامية والخلفية من الوكالة وغيرها من مقصات وأشياء أخرى ومركب له
بطارية إضافية بالإضافة إلى محول كهرب ولمبات بالكبوت وبالشنطة وفيش خلفي
للثلاجة وتحويل فيش أمامي إلى البطارية الإحتياطية ومركب له
إنتركوم جوال الرهيب مع القاعدة ومع إريله لتقوية البث للمناطق
البعيده الجنوط جنوط هدد 2010 مع كفرات مضلعة لأني كثير الكشتات
وكل نهاية إسبوع أسافر من الرياض لحائل والشمعات الأمامية حقت
فكسار 2007 زينون مع محولاته .

وآسف على الإطالة وأنا ما ذكرت اللي خسرت عليه إلا علشان ما أحد
يقول لي بعه .

أرجوا من المختصين والميكانيكيين الرد اليوم لأني بكرا إن شاء الله طالع
للقصيم

وتقبلو تحياتي

[اسير الغضا]

للرفع
شف رقم الصمعاني يمكن يفيدك دوره بقوقل يمكن تلقاه


تحياتي

[kmk9999]

جزالك الله خير أخوي اسير الغضا

وننتظر إخواننا أعضاء مكشات

[قدر مكتوب]

شوف اخوي البدائل كثيره بس انت حدد وش تبي وش نوع استخدامك؟(رجلك حارة ولا رفق)

اخوي الترهيم يبي فلوووس يعني حط براسك من 20 الف وحولها

اخوي حدد لي قبل نوع استخدامك؟ رجلك حاره او بارده على الموتر

هل انت من النوع اللي يشوف الموتر ويتابعه ولا لا؟

مبدئيا بعطيك خيارات كثيره

مكينة فكس ار وهذا افضل حل لموترك بحيث انها تبي تركب على طول على داير القير بدون تحويلة وخرابيط وتبي تركب على كراسي الوكاله ولكن ماراح تشوف ذاك الفرق ومكينه الفكس ار من 9 الاف الى 15 الف حسب النظافه وحجمها 4700 سي سي

مكائن الامريكي

يوكون دينالي او سكاليد 6 ليتر (6000 سي سي) وتسمى LQ9 وهي مكينه جباره المكينه بلوكها زهر حديد وروسها المنيوم وهي تحصلها دوم على يوكون دينالي او اسكاليد فقط في مودلي 2005 و 2006 المكينه بالعاده سعرها مع اغراضها 8 - 10 الاف ريا ل وهي بطلة وخصوصا في الجر والسحب ففيها احصنه وفيها قوه شد اي عزم وفيها مايقارب 340 حصان - 360 حصان

مكينة اليوكون الدينالي والسكاليد من موديل 2004 وتحت الى 2000 وهي 6 ليتر (6000 سي سي ) واحصنتها اقل من سابقتها وبستمها يفرق كثير عن بستم سابقتها مع العلم ان كلاهما حديد ولكن هذي روسها حديد ايضا وهي حلوه واسعارها اقل من سابقتها بـ 2000 الفين ريال وتسمى Lq4

مكينه اليوكون العادي وليس الدينالي 5700 سي سي اي 5.7 ليتر وهي كويسة وفيها عزم اي قه شد (سحب) وفيها احصنة ممتازه وسعرها 5000 الاف وطالع

مكينه الجمس الحوض مقاس 1500 وحجمها 5300 سي سي وهي اقل من سابقتها ولا علم لي بها ابدا وهي رخصية ليست غاليه

مكينه LS1 وهي مكينه الكابرس من موديل 2000 الى موديل 2006 وحجمها 5700 سي سي وهي مكينه حلوه واسعارها من 4 الاف الى 8 الاف حسب النظافه وهي مكينه حلوه وفيها احصنة ولكن بالسحب مش مثل مكينه اليوكون او السكاليد حيث انها مخصصة لسيارات السيدان وفيها تقريبا 320 حصان , مع العلم ان الميكنه المنيوم بالكامل وهذا يساعد انها ماتعرف الحراره ابدا


مكينة L98 مكينه الكابرس من موديل 2007 الى 2011 ,وهي مكينه 6000 سي سي اي 6 ليتر ومكينه جباره وفيها مايقارب 350 الى 360 حصان وهي مكينه بطلة وجباره جدا وانا اقدر هالمكينة بالذات وذالك لانها قوية وتوركها عزمها احسن من سابقتها وبارد حيث ان كلها المنيوم

مكينه اليوكون الدينالي او السكاليد 6200 او 6.2 ليتر وهي مكينه جباره جدا حيث تجمع قوه الشد (العزم) وفيها ايضا احصنه وعددها مايقارب 440 حصان بدون اي تعديل وسعرها من 12 الف وطالع لحد 15 الف

اخوي ماسبق هو مكاين بعض سيارات الشفر ولو اردت الازاده لزدناك حيث يوجد LS2 LS3 LS6 LS6 LS9 وكلها مكاين للشفر وكلها جباره جدا واسعارها اغلى ولكن اعطيناك المتوفر بالسوق والدارج


اخوي هذه اسعرا المكاين فقط لو بغيت تركب اي وحده منهم تبي التالي :

1- تحويلة بين القير والمكينه حيث ان داير قير الياباني مايركب على مكاين الامريكي والعكس صحيح لذالك تبي تحويلة تركب على القير عشان تسقط المكينه مع القير او بليته وسعارها تقريبا من 1500 وطالع حسب جوده التصنع للبليته حيث انها تصنع بالمخارط واما التحويلة فيوجد كثير ومنها ماهو مصبوب داخلي بالسعودية مثل تحويلة القفاري وبدر الحمد وغيره وفيه التحويلة الاسترالية وجميع اسعارها من 3000 لااف وطالع لحد 4500 تقريبا

2- فرز ظفيره للمكينه وبرمجة كمبيوتر بــ 800- 1000 ريال

3- شغل صاحب الورشة يبداء من 2000 ريال وطالع حسب الورشة وصاحبها والزحمه عليه

4- هديرز اذا تبي او ممكن تركب قزوز بلدها والهديرز سعره من 1500 وطالع لحد 3000 ريال

5- فلتر هوء بــ 300 ريال

6- مرواح كهرباء بــ 500 ريال تقريبا راكبة مع الحساس على موترك

7- اديتر موترك اعتقد يكفي وزياده

8- اعتقد تبي لك تفصيل كراسي مكينه حيث ان مالي خبره بالموضوع وممكن تركب على كراسيك

9- حذاف وكلتش وديزق هذا لو تبي تحويلة بين القير والميكنه ولو بغيت بليته ممكن تركب على كلتش بلد اما الحذاف فاعقتد حذاف جمس او كمارو وكلها من 800 وطالع لحد 1200

10- طرمبة بنزين مرسيدس بــ 300 ريال او بي ام دبليو بــ 500 ريال مع الرقيليتر

11- اذا تبي مكيف تبي كمبرسور مكيف لكزس او امريكي وكلها بـت 350 وطالع

هذا مايحضرني الحين وحاضرين لاي استفسار يالطيب ولو تبي ارقام اصحاب ورش راسلني خاص وابشر

[مخاوي الخوي]

قدر مكتوب

مشاء الله عليك كفيت ووفيت كل المعلومات جبتها مشاء الله تبارك الله

انا وجهة نضري ركب مكينة بلد احسن لو بترهم بيطلعلك اشياء واجد انا عندي باترول باب موديل 93 اشتغلة فيه بس ترهيم كامل والله طقطق ازود من 40 الف مكينه الس 1 وعمود وكامات وثلاجه وكويلات ووووالخ

والموتر مو استخدام يومي سحب

واذا براسك ترهيم ركب الس1 والله يعينك كل ماجلدته بيطلعلك حاجه هذا الترهيم لازم لك ورشه ولا لاترهم نصيحه ركب بلد وريح بالك كل شي بمحله اذا بترهم قصقصه وتعديل وتغيري وحوسه .

الله يوفقك يارب

[kmk9999]

قدر مكتوب

أولاً الله يعطيك العافية

ثانياً أنا رجلي حارة بالعربي حتى إني كذا سيارة كلها خبطت من رجلي مع إني أهتم بالموتر كثير من ناحية معايرة زيوت المحركات كله .

ثالثاً أنا حصلت مكينة دينالي 2006م بـ6500ألف ريال بلحالها.

رابعاً لي ربع قالوا لي فيه واحد يرهم وممتاز وما يطول عليك ويعطيك الشغل الزين اللي يحبه قلبك وذكروا لي إسمه ( الحمد ) هل رقمه موجود عندك وكيف شغلته وهل تنصحني به؟

بالعربي أبي يكون الجيب لي وللزمن من ناحية الخطوط والمطامر والقنص .

وأخيراً وليس آخراً نبي منك نصائح من ناحية إن السيارة راح تكون توب التوب وأية أشياء أخرى.

[قدر مكتوب]

قدر مكتوب

أولاً الله يعطيك العافية

ثانياً أنا رجلي حارة بالعربي حتى إني كذا سيارة كلها خبطت من رجلي مع إني أهتم بالموتر كثير من ناحية معايرة زيوت المحركات كله .

ثالثاً أنا حصلت مكينة دينالي 2006م بـ6500ألف ريال بلحالها.

رابعاً لي ربع قالوا لي فيه واحد يرهم وممتاز وما يطول عليك ويعطيك الشغل الزين اللي يحبه قلبك وذكروا لي إسمه ( الحمد ) هل رقمه موجود عندك وكيف شغلته وهل تنصحني به؟

بالعربي أبي يكون الجيب لي وللزمن من ناحية الخطوط والمطامر والقنص .

وأخيراً وليس آخراً نبي منك نصائح من ناحية إن السيارة راح تكون توب التوب وأية أشياء أخرى.

1- يعافيك يالغالي
2- اجل خذ مني ان خبطت تحت رجلك وهو ياباني فانصحك ابعد عن الامريكي ومكاينه افضل لك لان الياباني معروف انه اصبر من الامريكي
3- اخوي تاكد من بساتمها لابد يكون فلات عشان بستم lq4 مايجي فلات

شف الصوره اسفل فيها صور توضح الفرق بين الاثنين:

اخوي اللي يسار lq9 واللي يمين lq4





اخوي عشان تشغيل مكينتك الظاهر تبي ظفيره وكميوتر وهذي سعرها مايقارب 800- 1000 ريال

بالنسبة لمكينه الدينالي حلوه وفيها تورك بس ارجع واقولك ترى مكاين الياباني افضل اذا كم موتر خبط تحت رجلك

اخوي بدرالحمد من اهل الزلفي وشغله كويس وعندك الخراز بعنيزه ممتاز ورجال نصوح والخليفي بعنيزة ايضا

وعندك الصمعاني ببريده ممتاز ومعروف بشغل الترهيم

وعندك كراج slr بالرياض حق الرشيد


اخوي اذا جزمت بلغني وابشر باللي تبي ولكن تذكر ابعد عن مبزره الاستراحات اللي يفك ويربط على غير سنع وابعد ايضا عن اللي يطهبل بالكلام ويشغلك وهو ماعنده شي او طمااااع يني تنسرق وتطلع مديون وانت موترك مابعد جهز


خذ نصيحتي اشتر جاهز افضل وارخص وتفحصة قدام عينك وسعره ثابت مو مثل الشغل كل شوي يطلع لك شي



اخوي اذا جزمت راسلني خاص او ارسل رقم جوالك وابشر باللي اقدر عليه

[kmk9999]

يعطيك العافية أخوي قدر مكتوب وماقصرت على الشرح الوافي

(أنا ناوي أركب مكينة دينالي 2006م على الجي اكس ار 1999م

هل فيها خرابات وما هي أكثر الخرابات اللي صادفت للي ركبوها

ونتمنى من المرهمين واللي رهموا عند المرهمين إفادتي)

[راعي السلقه]

اخوي ..

هذي المكاين والترهيم والتعديل والشغل كله يبي مدارى وواحد يومياً يتابع السيارة وكل يوم ممكن تطلع عله جديده

لذلك تصلح لراعين المراقى والمقاوم .. اما الكشتات وسعه الصدر الزم ماعليهم الموتر الي مايطفى ..


بخصوص خرابات المكاين معك .. ابنصحك كم نصيحه ..

اولاً الجيوب اليابانيه اشك انها تخرب من كثره الدعس , لانها يابانيه سواء نيسان او تايوتا ..

ثانياً .. احرص على تغيير الزيت كل خمسة الاف اذا كانت رجلك حاره ..خصوصا بالصيف

ثالثاً .. احرص على شراء كرتون فلاتر للزيت من الوكاله .. لانه ارخص اولاً . وثانياً لان البناشر يبيعون بعضهم الفلتر على انه
اصلي ومن الوكاله وهو تجاري

رابعاً ..لا تثق بالبنشري وخلك معه وهو يغير الزيت ..

خامساً واخيراً .. بعد تشغيل المحرك اول مره باليوم انتظر على الاقل دقيقه ..واذا كانت مهيب اول مره انتظر اقل شي عشره ثواني

لاجل يرتفع الزيت والماء بمكانه الطبيعي .. واذا مسكت خط وانت مسرع احذر تطفي المحرك على طول اول ماتوقف ..لابد توقف

وتنتظر دقيقه اقل شي لاجل ينزل الماء والزيت وهذي مهمه ومن اكثر اسباب تعطل المحركات .. وبالله التوفيق

[alimuhammed]

اخوي ..

هذي المكاين والترهيم والتعديل والشغل كله يبي مدارى وواحد يومياً يتابع السيارة وكل يوم ممكن تطلع عله جديده

لذلك تصلح لراعين المراقى والمقاوم .. اما الكشتات وسعه الصدر الزم ماعليهم الموتر الي مايطفى ..


بخصوص خرابات المكاين معك .. ابنصحك كم نصيحه ..

اولاً الجيوب اليابانيه اشك انها تخرب من كثره الدعس , لانها يابانيه سواء نيسان او تايوتا ..

ثانياً .. احرص على تغيير الزيت كل خمسة الاف اذا كانت رجلك حاره ..خصوصا بالصيف

ثالثاً .. احرص على شراء كرتون فلاتر للزيت من الوكاله .. لانه ارخص اولاً . وثانياً لان البناشر يبيعون بعضهم الفلتر على انه
اصلي ومن الوكاله وهو تجاري

رابعاً ..لا تثق بالبنشري وخلك معه وهو يغير الزيت ..

خامساً واخيراً .. بعد تشغيل المحرك اول مره باليوم انتظر على الاقل دقيقه ..واذا كانت مهيب اول مره انتظر اقل شي عشره ثواني

لاجل يرتفع الزيت والماء بمكانه الطبيعي .. واذا مسكت خط وانت مسرع احذر تطفي المحرك على طول اول ماتوقف ..لابد توقف

وتنتظر دقيقه اقل شي لاجل ينزل الماء والزيت وهذي مهمه ومن اكثر اسباب تعطل المحركات .. وبالله التوفيق

ما شاء الله نصائح في الصميم

و هذه زيادة على ما ابدع به اخينا راعي السلقه

----

و سادس شيء: خل احساسك مرهف على سيارتك اذا حسيت انها تردى عزمها و انت ما غيرت الدعسة فهذا يدل على حدوث ضعف في الاحتراق سيؤثر على السيارة
انك تريحها شوي و ترفع رجله الى ان تحس ان السيارة ارتاحت و تتركها مسافة الى ان تحس ان استجابتها رجعت زي اول
و سابع شيء: ان تستخدم دعسة البنزين على النصف لا تعطي السيارة كامل الدعسة الا مسافات قليلة لا تتعدى العشرة الى العشرين كيلو و غالب مسافات الخطوط من النصف الى الثلثين و اشوف ان الثلثين كثير.
كيف تعرف انك لم تتعدى الثلثين بالتجربة ادعس البنزين الى الاخير و ارفع رجلك تعرف المسافة حتى لو شكيت انك تعديت اثناء السير دوسها الى الاخير ثم ارفع الى الدعسة المناسبة

=========================
و خاصة لك
---------------------
عليك بالياباني و ابعد عن الامريكي ترى مشاكله واجد

ما صبر عليك الياباني هل تتوقع يصبر عليك الامريكي

[alimuhammed]

و ما قصر اخونا قدر مكتوب بنصائحه التي يغفل عنها اغلب من يلجأون الى الترهيم
قال

الترهيم يبي فلوووس

يعني الترهيم مثله مثل المكشات و السفر الى الخارج مصاريف لسعة الصدر و النوماس
و كل يتنومس بطريقته
و قال

اجل خذ مني ان خبطت تحت رجلك وهو ياباني فانصحك ابعد عن الامريكي ومكاينه افضل لك

و فعلا الامريكي ممكن قوة صح لاكن صبر اتوقع لا

بارك الله في الجميع

=============================

[alimuhammed]

انا وجهة نضري ركب مكينة بلد احسن لو بترهم بيطلعلك اشياء واجد انا عندي باترول باب موديل 93 اشتغلة فيه بس ترهيم كامل والله طقطق ازود من 40 الف مكينه الس 1 وعمود وكامات وثلاجه وكويلات ووووالخ

نصيحة مجرب وفقك ربي

[kmk9999]

أخوي راعي السلقة وalimuhammed

مشكورين على النصائح

إجالي الحل بعدم تحمل المكينة أبي مكينة تتحملني بالعربي وش تنصحوني فيه من الآخر

[مراقب الصيد]

بدرالحمد صناعية الزلفي ممتاز لكن شوي بطيء كانك ما انت مستعجل