معاناة ما بعدها معاناة

[جلمود1]

حبايبي ابشركم شريت سياره فخمه ( جيب لكزس ) كنت ناوي اروح فيها للبر واستانس بس يوم شريتها ضاق صدري خفت على السيارة انها تقرقع وتخرب مدري هو بخل او شي ثاني المهم حماسي لجيب اللكزس والتمشيات اللي كنت ناوي اسويها في نفود الدهنا والصمان علي الجيب اللكزس تغيرت وصرت اكره شي اسمه بر كله خوف على جيبي اللكزس
بعدين جتني فكرة اني اشتري هايلكس دفرنسين واخليه للبر واللكزس اجلس محافظ عليه ولا أستخدمه غير في المدينه فقط
عاااااااد حبيت اطرح عليكم معاناتي وارجو انكم ماتاخذون عني فكره سيئه اني بخيل لا والله انا عكس ذلك
واللحين احب اطرح لكم طلبي هاذا من يخبر لي هايلكس موديل 2003 أو 2004 دفرنسين نظيف ويبشر با السعي
بارك الله فيكم
اخوكم المحتار جلمود1

[Khalid AlGhamdi]

اشتر لك جيب ربع ازين من الهايلكس وخل اللكزس للديرة والسفر والله يعطيك من خيره ويكفيك شره

[nahham]

الله يعطيك خيره ويكفيك شره

الوانتي غمارتين زين ركاب وحمل

بالتوفيق

[اسيزو 4x4]

مشاء الله الله يعطيك خيرة ويكفيك شرة

مادامك تحب الفخامة مع صبر للكرف خذ إسيزو ونيت 4x4 وبتدعيلي

.

[salehhd]

مبروك ان شاء الله والله يعطيك خيرة ويكفيك شرة

شكلك بخيل :d

رايي من راي راعي السوزو تشوفلك سوزو ديزل اريح واوسع من الهايلوكس وبيوفر عليك مصاريف لانه ديزل

[جرير]

انا اشوف انك تبيع اللكسز وتشتري gxr يصير للبر والديره واتراه شخصيه بعد ويقوم مقام اللكسز وعلي شارعين . واذا مانت شاح بالفلوس حط بجنبه هوندا او كامري للروحات القريبه اقل بنزين .............

والله يوفقك ياخي ( بر ولكسز ماتصلح )
اما الاسيزو مادري وش لاقين فيه . لا وديزل يارجال تقول تدفه دف ومع الطعوس ماينفع ....

سامحونا

[اسيزو 4x4]

أخوي الغالي جرير

لو تجرب الأسيزو الديزل بتدمن علية إدمان

هل جربتة بالنفود؟؟؟ لو جربتة أكيد بتتغير نظرتك لة يالنشمي -- يمكن الهايلوكس الديزل يندف ومع النفود ماينفع

لكن أسيزو تيربو و3000 سي سي و138 حصان ما لك لوا مايندف أبد بإذن الله ...

___________ > سامحني يالغالي تراي أمون عليك

أخوك اللي يعزك أبو حمود ...