قصتي مع معارض السيارات بالشفا ( واقع مؤلم)

[راصد بيئي]

السلام عليكم ورحمة الله وبركاته

كيف حالكم

صراحه أنا مااعرف هذا هو القسم المخصص لمثل موضوعي أو لا

لكن للمشرف حق نقله لأي قسم مناسب

ندخل بالموضوع

أنا كان عندي bmw حوت يبرق ويلمع من جدته
ورحت للمعارض ابي ابيعه جاني شريطي مصري قال تبدل سيارتك بمرسيدس انا وافقت بعد الفحص

المهم
وفقت الموتر عند أحد المعارض ( جعله يحترق ) ووقف الشريطي سيارته بنفس المعرض
انا وقعت اوراق المبايعه لكن صاحب المرسيدس إلي مفوض الشريطي ماجاء فقالوا لي بكره هو بيجي يوقع

إلي حصل أنه ماجاء كان خارج السعودية

وقال الكاتب الي في المعرض مانقدر ننقل المرسيدس لإسم صاحب البي ام الا بحضور صاحبها او وكاله

حالوا فيه الشريطيه لكن رفض الكاتب ( عنده أمانه)

انا خبري أن كل الأمور تمام
إلي حصل أن الشريطي المصري طلع سيارتي والسيارة الثانيه ووداها عند معرض ثاني ووقع عن البائع والمشتري

وكلمني قال ترى سيارتك بتاخذ اسبوعين للفحص وتجديدالإستماره !!

أنا على نياتي قلت خيره
الحاصل انا يوميا اكلم الشريطي واسأل عن التطورات بالموضوع وهو يعطيني تطورات عظيمه أكتشفت أنها كذب لاحقا

بعد مرور 3 اسابيع كلموني المرور قالوا سيارتك المرسيدس موجود في حجز لبن!!

قلت سلامات ليه
قالي العسكري جايها حادث وجهيه كامله

أنا كلمت الشريطي قلت وش صاير ؟؟

طلع لي مليون كذبه وعذر
رحت للمعرض إلي انا وقعت عنده في البداية قالوا لي ان الشريطيه سحبوا السيارتين لمعرض غير معروف لأننا رفضنا ننقل من دون وجود صاحب السياره

طيب وين المعرض
مايدرون والشريطي يقولي احنا بنصلح موترك وانت مالك شغل ارقد وآمن

والآن صار لهم 3 اسابيع من وقت الحادث
وعلى فكره كان سواق الموتر ولد خاله الشريطي رايح يمشي أهله بسيارتي!!

واليوم كلمت الشريطي مقفل جواله وأرسل لي رسالة قال موتر مجدوع بالصناعية رح خذه وصلحه!!

انا مباشره رحت لمرور الناصرية لقسم المعارض ورفعت شكوى على المعرض الي تمم عملية المبايعه بدون توقيعي وسلم السياره لشخص غيري بدون اذني وعلمي

وبكره إن شاء الله موعد الحضور عن الضابط

أتمنى دعواتكم لي ياإخوان

[Ss7]

الله ينصرك عليهم يارب
حسبي الله على كل حرامي سروق مايخاف الله

[الربذي]

وعليكم السلام حسبي الله على الظالمين شوف وين وصل طمعهم وجشعهم والله اني انقهرت وتالمت بشده وانا بصفك اسال الله ان ينصرك عليهم وباذن الله تفرح وتنشرح سرايرنا غدا باخذ حقك ورضاك الكامل
اخوي انتبه يمكن يسوون توقيع لك مزور يعني حاول لاتوقع ولاتوريهم توقيعك لكي لاينكرون الحادثه وترا المعرض الي تركت عنده سيارتك او الي كتب لك اول مره هو المسؤل الاول لانك وضعت سيارتك عنده لايضيعونك بينهم وربي معك وينصرك نعوذ بالله ناس ياكلون الحرام عينك عينك الغريبه انه في الغرب مايضيع لك حق فعلا من قال وجدت اسلام بلا مسلمين

[محمد الصرير]

الله يوفقك ويسر أمرك وينصرك عليهم اللي ما يخافون الله





وصل اللهم على سيدنا محمد وعلى آله وصحبه وسلم أجمعين . ودمتم سالمين

[ملقاط بن جمر]

الله يعينك ويعوضك خير ..

إذا أوراقك نظامية .. لا تخليهم .. كلك في المرور والشرطة كل يوم تشكيهم ..

الله لا يوفق كل من كان سبب في ضرر المسلمين ..

[سفاري فتك2009]

الله ينصرك على الحراااميه الضالميين
بذن الله مايصير الا الخير

[دكتور بر]

أسأل الله لك التوفيق يا أخي الكريم

وإن شاء الله أنك تاخذ اللي لك

والله سبحانه لن يضيع حق عبده ما دام مظلوماً

والله لا يجزى ولا يبارك في كل من باع سلعته بالكذب

وأرجو ان تطلعنا على تطورات موضوعك وما حصل عليه

وان تبشرنا بأن الحق قد رجع لك

[وضح النقى11]

أوليه لو انا معك ياتسبديه بس .
وإلا وشلون تبيع وراعي المرسدس موب عندك . كان على طول هونت عن البيعه . لان البيعان بالخيار مالم يفترقا .
معليش يبدو عندك ثقه بالناس فوق اللازم . ترا الوقت تغير . هالحين فيه ناس لازم تكون معه مكار .

فيه مقوله صراحه فيها نوع من النذاله لكن وش تسوي هذا اللي صاير عند كثير من الناس .
إلا وهي ( إن لم تكن ذيب أكلتك الذئاب )
يعني خلك مكار لا أحد يمكر بك . طبعا مهوب مع أي واحد لكن مع زي الناس هذي اللي انت واجهت بالمعرض .
هذا هو الخبث .
الله يعينك . وإرفع للمحكمه إن لم تفعل الشرطه أي شيء .

[الربذي]

أوليه لو انا معك ياتسبديه بس .

وإلا وشلون تبيع وراعي المرسدس موب عندك . كان على طول هونت عن البيعه . لان البيعان بالخيار مالم يفترقا .
معليش يبدو عندك ثقه بالناس فوق اللازم . ترا الوقت تغير . هالحين فيه ناس لازم تكون معه مكار .

فيه مقوله صراحه فيها نوع من النذاله لكن وش تسوي هذا اللي صاير عند كثير من الناس .
إلا وهي ( إن لم تكن ذيب أكلتك الذئاب )
يعني خلك مكار لا أحد يمكر بك . طبعا مهوب مع أي واحد لكن مع زي الناس هذي اللي انت واجهت بالمعرض .
هذا هو الخبث .

الله يعينك . وإرفع للمحكمه إن لم تفعل الشرطه أي شيء .

الا يكرم الذئب عن تلك الحثاله الظالمه الله ينصره عليهم .

[abo_hoor]

وعليكم السلام ورحمة الله وبركاته
الله يعينك اخوي من هولاء الناس النصابين ماعندهم ضمير ولاشي
بعدين اخوي مو موقف سياره عندهم مفروض انك تهتم لسيارتك يعني
تسال عنها مو ياخذونها على كيفهم هذي نصيحه لك لانهم ماينفع فيهم الاجذي
لاتخلي حقك وياهم روح اشتكي عليهم
او قولهم جيبو سعر سيارتي لي ومالي شغل فيكم دعامين فيها بعد لاتسكت ووانا اخوك عن حقك
روح للشرطه احسن واظمن لك

[ابو حامد888]

أسأل الله أن ينصرك عليهم وأن ينتقم منهم ومن كل ظالم

[ابراهيم الريس]

حسبي الله ونعم الوكيل أن الله يمهل ولا يهمل حتى لو لم تأخذ حقك بالدنيا احتسب

[الربذي]

السلام عليكم ورحمة الله وبركاته

رحت للمعرض إلي انا وقعت عنده في البداية قالوا لي ان الشريطيه سحبوا السيارتين لمعرض غير معروف لأننا رفضنا ننقل من دون وجود صاحب السياره

أتمنى دعواتكم لي ياإخوان

اخوي هذا صاحب المعرض الي وقعت عنده اول مره هو المسؤل الاول والاخير عن امورك وشلون سياره مشتريها عن طريقه تسحب منه اكيد له دخل وعليه مسؤليه مباشره لان هناك يبون يقلون وين المعرض الي نقلت عنده واو بعت عن طريقه تبي تقول ماادري وشولون تصير لاتفك صاحبك الاول ماهو معقوله مايدري ابدا ولاتصدق احفظ الورقه معك المبايعه

[AMAZ]

الله يستر النصب عندنا صار عيني عينك قبل فترة واحد من الزملاء في العمل اشترى ارض ومبسوط فيها طلع الارض مبيوعه على اكثر من شخص ولما رايح يطالب بحقه قالوا ليش ماصدقت الصك من هيئة التمييز . حتى الصك ماعاد له قيمه مدري كيف نسوي .

[أبو هاجوس2000]

الله ينصرك عليهم . وان شاء الله تاخذ حقك . لا تتركهم وخاصة المعرض اللي فيه المصري النصاب .
يا ناس : لا بد الواحد يتحرص في مثل هذه الأمور وخاصة البيع والشراء في أماكن يكون العاملين فيها اجانب مثل المعارض ومكاتب العقار . وخاصة من الجنسية المصرية لأن أغلبهم نصاااااب . إلا ما رحم الله ....