جنووط الهايلكس

[f_15ss]

يالربع عندي هايلكس 2002 دفع خلفي وودي اركبله جنووط .ظنكم وش الجنوط اللي تركب عليه ويكون منظرها حلو. بعض الشباب شاروا علي بجنوط الـ Vx-r والبعض خوفني منها على انها يمكن تثقل على الونيت .... عاد ابي الشور منكم....والســـــــــلام.

[النفود الشرقي]

السلام علسكم

ركب
جنوط مرسيدس
للقصمان
وكفرات خط

هذا للتطعيس
والسلام ختام

[f_15ss]

مشكور اخوي على الرد السريع على الموضوع...لكن المرسيدس .مره ماجت على بالي هالسياره ان جنوطها تركب على الهايلكس ويكون شكلها حلو. على العموم اي نوع من المرسيدس واي مقاس؟ لانه مثل ماانت عارف كل نوع من المرسيدس له عدة اشكال ومقاسات.
وختاما مشكوووووووووووووووووووووووووور

[أبو يوسف]

جنوط المرسيدس ليست التي تراها في الشوارع
جنوط المرسيدس تشبه الجنوط اللي عندك بس دوائرها اكثر
وهي حديد ويجي منها عرض 6.5 انش ويجي 7
خذ سبعة انش وركب كفرات عرض 205 لا تزود
لأن هذا يضر الرفارف لأن الكفر يحك بهن

اتمنى اني اكون افدتك
لحظة
فيه جنوط الدوج وجنوط الفورد يركبونهن بعد لكن مهب بكثرة جنوط المرسدس وخفتهن

[الوشاح]

كلام ابو يوسف

[البرحه]

جنوط المرسدس ممتازه للتطعيس لانها خفيفيه

لكن الي بيكرفها ما تنفع لانها تتعفط بسرعه

ولذلك الدوج اصرف

وشكرا

[f_15ss]

شاكر للجميع على المرور وعلى الرد

طيب ابو يوسف اروح للتشليح واسال عن جنط مرسيدس مقاس15/7بدون تحديد نوع السياره المرسيدس.وبالنسبه للكفرات مقاس 15/205شكل الكفرات اللي تقصدها بالون.مع العلم اني ماني راعي تطعيس اخاف انها كل شوي تمسح على وتنهري بسرعه.

وبالنسبه لكلامك اخوي البرحه اي نوع من الدوج تقصد وهل هو نفس المقاس اللي قال عليه اخوي ابو يوسف.

والســــــــــــلام

[أبوفهد]

خذ جنوط المرسيدس وأنت مغمض

ترا لعبتنا الهايلكسات (من القصيم) فخذ جنوط مرسيدس شكل وللتطعيس منتازة
وخذ مقاس 7 لا تخذ 6,5 وتلقا بعضهن مخروط بس لا تحرص خذ اللي من أساسه 7

أرجو إني أفدتك ...


وسير ولا تحرص ههههههه

[f_15ss]

حلو من كلامكم اغسل ايدي من جنوط الـVX-R.،،،،،؟؟؟؟؟؟؟؟؟؟؟؟

طيب والكفرات بغيت شكلها زي البالون بس يعيني مو كل يومين تنهري علي ..................... والسلام.