كفرات هــــــدد Gx

[شبوط]

السلام عليكم ورحمة الله وبركاته

وشلونكم


ياجماعة واحد من الربع توه واصل من قطر شاري GX 2006 المهم الرجال يبي يركب جنوط الهدد الي تجي فتحات دواير الي نفس حقات 2005 و 2004 المهم راح خوينا للوكالة وشرى 4 جنوط جديدة ...

عاد هو يبي يركب تواير والسؤال؟

وش افضل نوع ومقاس تواير


وبسئلكم كفرات السيام تاير 900 8 غاط وين تباع فيه لاني لفيت كل الرياض مالقيته

ومشكورين واسفين على الازعاج

[بواسامه]

ماشاء الله تبارك الله
الله يطعمه من خيره ويكفيه شره

رأيي يركب دنلوب مثل اللي تجي على الشاص
دعسه ناعمه قريبه من الشاهين وتعطي الموتر رزه وركزه

موفق ياشبوط
شكلك انت اللي شاريه يالذيب
حطها بواحد من الشباب
000مامعنا زعل امزح معك

[nti22]

حبيبنا

انت سالت عن وش افضل نوع ومقاس تواير
؟

احسن منظر واحسن شي للسياره هو اللي موصى فيها فا نصيحتي له انه

يفتح باب السياره باب السايق راح يشوف يمينه لزقه او ليبل مكتوب عليها حجم التاير من حيث الطول والارتفاع اما بالنسبه لنوع التاير فا اختياره وذوقه

[شبوط]

مشكورين ياشباب على مشاركاتكم وارائكم


هو يبي يركب كفرات سيام بس الى الحين ماحصل محل يبيعها !!!!

[دله وفنجال]

السلام عليكم...
اخوي الغالي شبوط يروح لم الغرابي ويسئل عن الموزع هناك للكفرات وترى محله زي الكراج كبير مرة ويلقاه بول الاغرابي يسار ونت متجة غرب لم الي يبيعون الخيام تجية لفة يسار يلف معها وبيلقا المحل يمين والمارية عندهم وزن اذرعه و اربع او ثلاث بناشر لجل يلحقون على الزباين والكفرات الي على موتري شاريهن من عندهم سيام تير 8 غاط واسعارهم ممتازة...
وهذا رقم معرضهم ويقالة راعية محمد شايب كبير ولحيت طويلة وبيضا 014028973...
ارجو اني ماطولت عليك...

[حرباش]

هلا بك شبوط :d

الله يطعمه خيره ويكفيه شره ان شالله

ان كان خويك راعي طعوس ورمل
عندك الشاهين النحيف
وعندك السيم تاير بالون

ماشفت كفرات تنصب الموتر زي ذي النوعين

السيم هذا هي على موتري 8 غاط وماعليها لها الآن شهرين ونص وماشي عليها 12 ألف كيلو ونقشتها زي ماهي وصلت عليه الغربيه والجنوب وثلاث نزلات للرياض ومابين مكه وجده والطايف والباحه وابها .

والشاهين كان راكب عندي على جمس حوض وأنواع الجلد والتفحيص استعملتها سنه ونص وبعت الموتر وهي عليها

اما ان كان خويك راعي هجوله جبليه حصى وغيره ترى النوعين الي ذكرت ماينفعون


تحياتي لك

[بواسامه]

فيه مستعمله
اذا ودك وش يردك
قصدي عطينك رقم صاحبها
واظنها سيام

[ميق ميق]

الله يطعمه من خيرة ويعديه شرة
وانا عندي سيم تير مقاس 900/16 مستعملات ونظاف وأبغى ابيعهن وعليك السوم

[شبوط]

الله يجزاكم الف خير ياشباب على مشاركاتكم

وان شالله بكرة بنروح نطقم له كفرات سيام

[حـاتـم]

الله يطعمه من خيرة ويعديه شرة
وانا عندي سيم تير مقاس 900/16 مستعملات ونظاف وأبغى ابيعهن وعليك السوم

اخوي راعي الgx ركب الي تجي على الشاص تراها زينه وفي نوع اخوها بس سيموتومو حلوه واعرض شوي

واذا تبي بالون خذ اي نوع تراهها شتويه ونطلها وكفرات الوكاله لاترميها خلها لين تستفيد منها ثانيه طع شوري


اخوي ميق ميق اذا بتبيع قلي السيم تاير الحين بالون اول مره اسمع بهالنوع وش صناعته

اذا بتبيع قلي بشريها بس بكم انا ماني راعي سوم ابي اربع بس


وشكرا

اخوك حاتم

[شبوط]

سلام عليكم

ابشركم ركبنا الكفرات بس ما ارتفع الموتر مرة يعني يبيلة رفع شوي

طيب وش رايك لو يركب ياي استرالي علشان يرتفع الموتر بس هو يبي يرفع الموتر 1 سم او 1 ونص بس ؟؟؟؟؟؟

[بواسامه]

عااااااااااد
ارفق على حليللك ياشبوط
ولا تنغر وتسرع وتقول الكفرات جديده

محد مراعي حلالك مثلك
الله يوفقك

[حـاتـم]

اخوي شبوط الياي الاسترالي اقل شي بيرفع الموتر 3 سم واكثر 5 سم

ومشكور وفيه قوه تحميل 200كيلو وفيه 110 كيلو اذا موترك مابه تانكي او منت مركب تانكي

خذلك 110 اخف مطب واريحلك

وشكرا

اخوك / حاتم

[شبوط]

بو اسامة : السرعة شيطان هههههههههههه

حاتم : مشكوووووووور وماقصرت والله معلوماااااااات مفيدة ويعطيك العافية