نبي رايكم يا اهل اللاند

[العاصوووف]

السلام عليكم ورحمة الله وصبحكم/مساكم الله بالخير
يا اخوان انا معي جي اكس 2009 ذبحني بالبر بالمطامر والمشكلة ادنى مطب يخليه يصفق من قدام وتحك خشته ولا ادري وش الحل
ناس قالوا غير الياي وناس قالوا غير المساعد وناس قالوا دبل المساعد وركب كعكات
وانا بصراحة احترت
فياليت اللي عنده خبرة ومجرب لا يبخل علينا جزانا الله واياكم خير الجزاء

[ساهر اليل2010]

إنشاء الله يفيدونك الشباب ولاتاكل هم
وبإذن الله تلقى حل بأقرب وقت
تحياتي

[محمد العبدالسلام]

هج من الترهيمات ترى اشهر وينطلق اللحام
عليك بالاسترالي مجربه باللاند كروزر وبالبرادو يمسك السياره يايات ومساعدات صح غاليه لكن ثمنها فيها ولا تلعب بسيارتك باللحام واخرتها ينطلق وبالتوفيق اخي

[ابن عكاش]

ياي استرالي مساعدات وتوكل على الله
فيه عضو في مكشات اسمه (خيال النفود)معه مفخره حاط ياي استرالي ويمدحها ارسل له رساله على الخاص وتراه مايقصر

[ابومحمد 2011]

أخوي
حاول انك ترفع السيارة وإذا ما فاد نسم الكفرات وكل المطب بشويش

إن شاء الله أكون قد أفدتك ...

[ابوصالح77]

إرفعه من قدام شوي
شيك على المساعدات يمكن متفقعه

[العاصوووف]

الله يجزاكم خير وماقصرتوا بس ياليت اللي يعرف قيمة الياي والمساعد ووين احصلها بالضبط يعلمني واكون لكم شاكر

[حاتم العمر]

تحصها عند الرمايه الطقم ب 600 وطالع اقصد الحبيتين لأنها تجي بكرتون واحد ..

[مخاوي 2004]

غريبة والله اخوي موترك جديد بس اذا كنت راعي بر غير اليايات وركب استرالي ارفع موترك ولاتشيل هم بالبر

اتمنى اكون افتدتك

[الخادم]

غريبة والله اخوي موترك جديد بس اذا كنت راعي بر غير اليايات وركب استرالي ارفع موترك ولاتشيل هم بالبر

انا مع اخوي مخاوي2004
و الله يوفقك