،،،أم رووووووحين يا ناس،،،

[سبنسر]

السلام عيكم ...
أنا لقيت عند واااحد بندق شوزن أم روحين ...يقول إنها تركيه وأنا أبي فزعتكم هي زينه وإلا لا أفيدوني جزاكم الله خيراًً
وشكراًً

[مدباس غدرا]

الاخ سبنسر تحية طيبة :ردا على موضووعك حول اوم روحين التركية فانا ما شفتها لاكن جربت ام روحين الايطالية اللى موااصيرهاا فوق بعض وليست جنب بعض ممتازة بالحيل وتسوق ورخيصة وعلى كيف كيفك وتقبل تحيات اخوك----------- مدباس غدرا

[سبنسر]

شكراً لك أخ مدباس غدراً ...... وبطبع أنا أقصد الي فوق بعض وكذلك سمعت إن الماصوره الي فوق تسوق أكثر من الي تحت وأنا ما أدري عن الموضوع هذا.............ز وشكراً

[عليان الليل]

ام روحين او ام قصبتين الي فوق بعض خاصة الاطالية ممتازة جدا جدا
وانا شفتهم في ايطاليا ما يستعملون الا هي
وقليل يستعملون ام خمس
وتكفى يامدباس غدرا كانك خابر لي وحده جديده

[السرحان]

الصناعه التركيه بشكل عام صناعه رديئه وغير جيده مقارنتا بمثيلاتها
خصوصا ان قطع الغيار غير متوفره وعلى فكره وحتى تكون بالصوره ترى اسعارها رخيصه بالحيل
وانت بالخيار ...... وشكرا

[سبنسر]

شكراً يالسرحان على النصيحة .......... لكن ماقلتولي هو صحيح إن الي فوق يكون سوقها أكثرمن الي تحت ...........ارجو الإفادة شكراً

[مدباس غدرا]

طبعاٍ الما صورة او القصبة اللى فووق تسوق اكثر بحكم انهاا تكوون مرتفعة عن اللى تحت بحجم فتحة القصبة لذالك تكوون ارفع شوى وتبعد ااكثر واذا استخمدت الما صوورة اللى تحت ارفعهاا شوى حتى تصير بمستوى اللى وفوق وتسووق مثلهاا0 لان اللى ياثر بالسووق طوول الما صوورة ومقدار فتحة الماصوورةبغض النضر عن ضغط الرصاص او الفشق\ارجووو انك فهمت وهذاا اعتقاادى والمعذرة على الفلسفة والسلام ختام-----اخوكم مدباس غدرا

[مدباس غدرا]

اخوى عليان تحية طيبة : اشكرك على الرسالة الخاصة 0 اما بالنسبة الى طلبك انشاء الله يتيسر فى اقرب وقت
وانا ماعرف ارسل خاص لاكن نتعلم المرة الجاية 0 وتقبل تحيات اخووك-------مدباس غدرا

[سبنسر]

يعطيك ألف عافية يا مدباس غدرا .

[عمود الحرة]

اخوي سبنسر
انا مجرب ام روحين براونق وان لقيتها خذها وماجاك علي 00انا عندي واحدة قديمة جدا لكن احسن من ام خمس000 بسيطة وتنظيفها سهل وماتحتاج رميها يبرد الكبد وللعلم ماسورتها اطول من ام خمس شوي
وتقدرترمي بالماسورة اللي فوق او اللي تحت (اقصد الرمية الاولى)

[الخبير]

السلام عليكم جميعاً

حيا الله الشباب ، الصراحة بس حبيت اشارك مشاركة بسيطة لان الشباب ما شاء الله عليكم كفوا ووفوا.
الشوزن التركية ما اعرف احد يمدحها ، كل من سألته عنها قال انحش.

بس حبيت اعلق شوي على مدباس غدرا إذا سمح؟؟
يا طويل العمر ما هنا فرق سوق بين الماصورة إلي فوق أو إلي تحت !!! ليش ؟؟؟؟
لانه طال عمرك مهنا مسافة بين فوهة الماصورة إلي فوق و إلي تحت . لو قلنا إن زاوية الماصورة الاولى تختلف عن الثانية كان قلت لك صح.
يعني : شف يا طويل البقى و السلامة ، لو انك عسكري تبي تعرف الحركة ذي على طول. ما علينا ، شف انت تبي ترمي جسم يبعد المسافة الفلانية ماشي؟؟ انت تبي ترمية بحصاة هل تبي ترمي الحصاة موازية للارض ؟؟؟؟ ولا تبي ترميها بزاوية معينة؟؟؟؟
اذا رميت الحصاة على زاوية 45 درجة يبي يختلف الارتفاع و المسافة إلي تبي تقطعها الحصاة عن لو انك رميتها على زاوية 30 درجة.
لكن مدام الماصورتين على نفس الزاوية و نفس سعة الفوهة و نفس المقاس فأنا اعتقد انه مهيب فارقة المسافة .
هذا رأيي
============================

[عاشق النحم]

السلام عليكم جميعا
أولا حبيت أدلي بدلوي أنا مجرب أم روحين التركيه(الجفت)
والله الصراحه أنا من ناحية الرمي ولا براونج بس مشكلتها ان السبطانه
خاراباتها كثيره وهذا ما يصير مع الجفت الايطالي
وعلى طاري الايطالي بعض الناس ينخدعون بما كتب عل الماصوره انها ايطاليه وهي بالأصل تركيه
أما الايطالي ما عندي علم عن سعره والتركيه ما أوصيكم بها أولا قطع الغيار نادر
ثانيا خراب الماصوره (السبطانه)التحتيه بالذات ليه ما أدري

وتقبلو تحياتي

عاشق النحم

[جرناس]

حبيت بس اضيف على كلام الاخوان بنسبه للتركيه ام بطنين
انحش عنها واذا تبي تاخذ تركيه اخذ ام خمس
وسلامتك............