تويوتا جميل وقطعها الصينيه صور ونماذج عن اكسسوراته والفرق بينه وبين الاصلي

[الربذي]

السلام عليكم ورحمه الله وربركاته

يااخواني انظرررروا ماذا فعل بكم ( المتهم ) جميل من تلفيق في سيارات تويوتا

والي يبي تويوتا عنده اكثر من وكيل بالخليج افضل من 100 مره من ؟؟؟؟؟
بتقولون لي عبداللطيف توفى ايه ادري لكن الشركه على اسمه وعياله لعبو فينا لعب لامواصفات ولا امان ولاشي

تلفيق في ( مصنع بجده ) حق اكسسوارات (وكمبروسر مكيف )
كلها صينيه الصنع وغيرها من الصانعين

نروووووح للصوووور والتلفيق ماادري الى متى بتاخذون من هذي الاشكال

(( ريموت الكامري والكورولا 2005 وفوق ))

ردئي الصنع ( صيني ) وكل واحد يفتخر يقول هذا من الشركه
صادق من عند شركه ابو جميل ( لاكن هذا المفتاح ماتعرفه ولاتتشرف فيه شركه تويوتا ))

.................................................. ......

ريموت الكامري الخليجي الاصلي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

(( الكامري واكياس الهواء ))

كامري وارد عبداللطيف جميل

من 2006 وتحت

جي ال اي

لايوجد الا ايرباق واحد فقط (( اكياس هواء ))

.................................................. ..............

بينما الكامري الخليجي جي ال اي
يوجد ارباقين 2 (( اكياس هواء ))

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

(( جيب لكزس 2010 وارد عبداللطيف جميل

بجنوط صينيه الصنع

وتسببت في حادث اللكزس

ولو كان مسرع كان الله يرحمه ))

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

(( جنوط وارد عبداللطيف جميل ))

(( جنوط لاندكروزر من شركه ابو جميل

صنع في تايلند ))

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

(( الحساسات ))

طبعا لدى عبداللطيف جميل من النوع الصيني

.................................................. ...............

لاحظوا الفرق بالحساسات الخليجية

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

(( انوار الضباب ))

الكشافات

لاحضو

انوار الضباب
لدى عبداللطيف جميل
صينيه الصنع
..........................

الشكل واحد ولاكن لو دققنا بالصوره

للمواصفات الخليجيه
سوف ترى اسم
الشركه المصنعه
اليابانيه
........................

وللتاكيد فالسيارات اليابانية يكون تشغيل انوار الضباب من عصا التحكم وليس من زر مستقل وهذه صورة للاندكروز

(( الخليجي )) ولا حظو مكان التشغيل

.................................................. .......................

وهذا مكان التشغيل في سيارات عبداللطيف جميل

وهذه الصورة لنفس المكان بالمواصفات الخليجية والزر غير موجود فماذا يدل ؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

(( اوريون سبورت 2011

وارد عبداللطيف جميل ))

تم تركيب الزوايد وشوفو (( فرق الون ))

...............................

شوفو الاوريون (( السبورت الحقيقي )) مو اللي عندنا

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

(( هايلوكس وارد عبداللطيف جميل ))

ريموت صيني الصنع

..................................

الريموت الاصلي للسيارات الخليجيه

.................................................. ..............

شطرطون صناعه ماليزيه وارد ابو جميل

موضوع اعجبني وغبني وحببت اطلاعكم عليه وقد يكون مكرر بس من باب التذكير لانه مازال مستمر بتلك الاعمال من خلف الكواليس من نصب وتدليس

[اسبيدر مان]

الله يعطيك العافيه
لكن صدقني لو كل وكيل بداء يتلعب بالمواصفات والسعر تتم مقاطعته كان ماتجرء احد على ذلك ولكن المشكله عندنا هي التبعيه المطلقه مجرد شعارات يرددونها جيل ورى جيل
ابو جميل بطريقه هذي يكسب اكثر من لوكانت السياره بالمواصفات هذة جايه شد بلد
ايضا خمسين بالميه من عملاء هذه الشركه يقولون نعلم غش ابو جميل لكن نشتري من هذه الشركه من اجل بعد عده شهور نبيع والخساره تكون قليله اذ انه مستحيل تقعد عنده السياره اكثر من سنه وهذا حال اغلب الى يشترون سيارات للتطعيس مثل الهاي لوكس او الربع وماشابهه يفجر السياره بتطعيس ومن ثم يغسلها ويرجع اغراضها الاصليه ويرسلها مع الشايب للمعارض على شان يقولون استخدام شايب وبعدين يجيك واحد من هل مساكين المرددين للشعارات ويشتريها بمبلغ يقل عن الجديده بعخمسة الاف يزيد او ينقص وتحصله كل يوم ابورشه ولا سئلته عن السياره يقول عزالله انها موترلكن يبيلها تربيط او تلميع او ماشابه وهو مدخلها الورشه توضيب
تحياتي لك

[باث 3]

حسبي الله ونعم الوكيل

الله يعطيك ألف عافيه أخوي الربذي على جهودك المتعوب عليها

وما قصرت

وأبو جميل مستمر في اللعب على الزبائن

[الهاجس 354]

مشكور أخوي على الموضوع
والله
شيء يقهر

[ن م ر]

المسأله أبعد من كذا مو مجرد اكسسوارات الا وصلت للأساسيات

ذكر لي أحد الشباب ان زميله معه جيب لكزس وارد ابوجميل موديل 2008 معه من الوكاله
راح لقطر وتعطل عليه وراح لوكيل لكزس في قطر
وقالوا له المكينه مختلفه وشف كراسي المكينه سبق وان تم فكها

[بن نقا]

والله دايم نجيب سيارات من الكويت ونلاحظ فرق كبير بين مواصفات الساير ومواصفات عبداللطيف طبعاً مواصفات الساير أنا أعتبرها نااقصه مو مثل الاماراتي والقطري ولكن يبقى أنه يايجيب لك أصلي يا مايلفق

وهذا المفتاح اللي دايم ناخذه من وكالة الساير

مشكور أخوي الربذي على النقل بارك الله فيك

[مطيعيس]

يالله سترك
يا ناس خلوها تصدي , خلوها تصدي
ونسيت شيء في ناس يشتكون من مكيف الكامري 2010 لأن الكومبروسر صيني

[ابوو زيد]

8888

الكومبرسر حق الكامري من 2003 الى الـ 10 حنا نعاني منه ابتداء من سيارت اخوي الى سيارات الشباب

غير انه ردي مره الا انه غاليترا اليارس مثله والهايلكس من 2006 وطالع

[HAS5SAN]

يا إخوان للأمانة
شركة عبداللطيف هي الأقل سعر على مستوى الخليج
لذلك تجد إكسسوارتها أقل جودة من الياباني
أما باقي القطع فأتحدى أنه لا يوجد فرق خاصة القطع الأساسية
التعديل يكون في الإكسسوارات فقط لا غير وأنا أتحدى

أما جيب اللكزس
فترى صار عليه دوشه وأتضح أن صاحب السيارة
مغير الجنوط بجنوط تجاري
لأن اللكزس يجي نوعين
وهذا الجنوط تجي على الأعلى فئة
يارب يشوفون ردي شركة تويوتا
ويعينوني محامي براتب 50 ألف في الشهر
لأني أشوف ما لهم محامي

[الصقري2000]

يا إخوان للأمانة
شركة عبداللطيف هي الأقل سعر على مستوى الخليج
لذلك تجد إكسسوارتها أقل جودة من الياباني
أما باقي القطع فأتحدى أنه لا يوجد فرق خاصة القطع الأساسية
التعديل يكون في الإكسسوارات فقط لا غير وأنا أتحدى

أما جيب اللكزس
فترى صار عليه دوشه وأتضح أن صاحب السيارة
مغير الجنوط بجنوط تجاري
لأن اللكزس يجي نوعين
وهذا الجنوط تجي على الأعلى فئة
يارب يشوفون ردي شركة تويوتا
ويعينوني محامي براتب 50 ألف في الشهر
لأني أشوف ما لهم محامي

شف يالحبيب بالنسبه لاقل الاسعار
انا اذا انا شاري سياره بمئتين الف
ماني ناشد عن 20 الف زياده للجوده
طبعا وجهة نضري انا
..
بالنسبه لشركة تويوتا انهم يحطون محامي
ما يحتااااااااااااج
لانهم شافونا بمحامي ولا بدون محامي كلها سوى
واعذرني على هالكلمه
حنا (دلوووووخ)
ولا نصدق الكلام الين يصير علينا
...
دمت بود
محبك
الصقر الاشقر

[الصياد99]

حسبي الله ونعم الوكيل والله قهر

[النايف999]

بخصوص اللاند كروزر الفروقات كانت في 2008 لكن في 2009 و2010 مافيه فرق

[برهان1]

المسأله أبعد من كذا مو مجرد اكسسوارات الا وصلت للأساسيات

ذكر لي أحد الشباب ان زميله معه جيب لكزس وارد ابوجميل موديل 2008 معه من الوكاله
راح لقطر وتعطل عليه وراح لوكيل لكزس في قطر
وقالوا له المكينه مختلفه وشف كراسي المكينه سبق وان تم فكها

اما هذي قويه يعني كفشوها من كراسي المكينه ما شاء الله عليهم قال وشلون عرفت انها كذبه قال من كبرها؟؟؟؟؟

[Bader-M]

التويوتا عموما من عام 2006 م وهو مدحدر

عز التويوتا من 1982 الى 2005 م غير هذا المديلات لا تشتري

(من وجهة نظر شخصية )

[Abu Saad]

ابوجميل ذكي واستغل (الحب الاعمى)
لاحظو في الردود سواء في هذا الموضوع او غيره ان الزبون يعرف انه ملعوب عليه ومسروق ومغشوش !
ومع ذالك تجد بعض الزباين يدافع عن هذا الشخص اللذي لعب عليه وسرقه وغشه!
الحب اعمى ، ويابوجميل مايهزك ريح دام زبونك اذا صفعته ادار لك الخد الثاني.!(لا ومبتسم وعيونه ترمش من الفرحة )
ماضيعنا وجرأ علينا هالوكلاء الا هالنوعية من الزباين!