(... طــــــــــــــال الجـــفـــاء ...)
يا ابو سعد طال الجفاء والقلب عيا لا يتوب=يبي لنا خدً ينسينا هموم مربكه
خدً به النوار تلعب به نسانيس الهبوب = ما طبه الشاوي ولا حوله شبوك مشبكه
ياما حلى لامن جمعت السمر واشعمت الشبوب=وقربت صفرً من سنا النيران سوداً محلكه
ويا ما حلى كيف بها يشفي معاطيب القلوب= ويمناك قرم وافياً درب المراجل مسلكه
ويا ما حلى سجه ضحى بين الخباري والخبوب=وحر على يسراك يكفخ جاهزاً للمعركه
حرً الا يا شاف الحباري وزعَت في كل صوب=يزمي عليها صاملاً لو كان فيها مهلكه
من فوق جيب ميزاته غير عن كل الجيوب=جي اكس لند وركبوا له لوحتين مجمركه
جيب الا يا منك نهمته في صعيبات الدروب=اسرع من الرشاش لا ثور ولا أحداً يدركه
هذي طراتي والخفوق الغض لا يمكن يتوب=ما دام شيبي ما بدا وما دام بالعظم حركه
وما دام راسي للفنا والعمر يمشي ومحسوب= بسج واللي كاتبه مولاي خيره وبركه
ارجوا ان تنال على رضاكم اخوكم سعد بن هادي الدوسري
رد مع اقتباس
المشاركة الأصلية كتبت بواسطة ابن هادي502
