مرحبا بالجميع
الله كتب اني اركب كفرات بتاريخ 2011 /02/06
المحل اللي ركبت عنده مدح الكفرات وقال لها تقريباً 6 شهور وما حد شكى منها
سعر الكفر 350 وقال سعرها تشجيعي من شركة الهاجري وكيل مكسس, وينللي وبعد
مدة رااح توصل سعر الكفرات الاخرى.
توكلت على الله وخذت 4 وشكلها ممتاز وخفيفة لابعد درجة ومريحه في المطب.
ولكن بعد اسبوعين تقريباً بدأت المشكلة سقطت قطعة كبر الكف من احد الكفرات
ذهبت للوكيل في الدمام بعد نصيحة البنشري اللي شريت منه الكفرات.
مريت الوكيل مقابل مبنى إدارة التعليم وانت راجع الخبر من الدمام, كان مدير المبيعات مصري اسمه محمد السيد وقلت له اللي صار معاي, قال مالك حل على قولة بن فطيس ( ويش وداك له ) ذكر لي ان الشركة تورطت في هذه الكفرات وجت عليها مشاكل كثيرة, وإدارته لا تريد الموضوع يصل الى الهاجري خالد بن سعيد لانه رئيس كذى شركة منها مكسس, هيرو,ينللي الخ... وعنده مدراء يديرون تلك الشركات.
قلت ابي اتكلم مع شخص له سلطة غيرك قال فيه سعودي اسمه عزالدين ولكن ما تقدر تواجهه لانه انسان على طول مشغول, ( قلت في نفسي لايكون الاخ عزالدين وزير ونا ما ادري )وبعد إلحاح مني قدرت اخذ رقم عزالدين وكلمت الشخص المذكور وكان رده بمعنى ( بلط البحر ) ما فيه حماية مستهلك او قانون يحميك.وقلت عليك من الله ما تستحق وقفلت الخط في وجهه.
على هامش الموضوع المكسس الان يجي فتنااامي وايضاً عليه مشاكل.
الخلاصة:-
بما انه ما فيه حمايه لحقوق الناس من تلك العصابات لاحد يركب شيء من منتجات تلك
الشركة.
والله من وراء القصد.