كفرات الفتك (مازال البحث جاري عن النوع المناسب)

[عبدالله العلاج]

بســـــــــــــــــــــــــــــم الله الرحمن الرحيــــــــــــــــــــــــــم




السلام عليكم ورحمة الله وبركاته



أعزائي ملاك الفتك

صاحبكم معه فتك 2009

ويبي له كفرات مظبوطه لان كفرات شد البلد (البرجستون جدا سيئه قاسيه جدا ومطبها قوي وصوتها مزعج بالخط )



السؤال
ماهي الكفرات المناسبه للباترول

علما ان الجنوط هي الجنوط الظاهره بالصورة





اذا اخذنا في البال الاعتبارات التاليه

الإستخدام مقسوم بالتساوي على البر والمدينه والخطوط
واستخدام البر مقسوم بالتساوي على النفود والحصى والارض القاسية



بصراحه مايهمني كثيرا هو صوت السياره لامسكت خط
البرجستون مزعج جدا جدا جدا كرهني بالموتر




مع خالص شكري وتقديري لكم أعزائي

[الوسيطاء]

الدنلوب لا تتعدى غيرها

[عبدالله العلاج]

الدنلوب لا تتعدى غيرها

عافاك الله عزيزي الوسيطاء اتمنى لك كل التوفيق والسداد ورأيك مهم بالتأكيد وأتمنى أن أسمعمن باقي الأخوان

[ابو سعود4500]

الدنلوب زين لكنه ماهو مرتفع يعني نعلة الكفر تحس انك مركب كفر كامري ناهيك انه فيه قساوه بعد ولايفرش بالرمل الا يالله 15 ان اعتقد اختياري واللي مركبه على موتري فتك 2005 هانكوك خط ممتاز وبالبر لين يعني لو تحط فيه 22 تتمشى بالنفود تمشي على كيفك

[الحزوبر]

انحش من الدنلوب انا زيك توني مركب كفرات وحترت في البدايه ومدحو لي الهانكوك440 ريال ولكن ماقتنعت ولقيت يوكوهاما وعجبتني وسعرها مناسب 450ريال مركبها واحد من الشباب لكن دورت لها ومالقيتها وفي النهايه طقمت مشلن ابو جني الفرنسي 600 الله لايخسر له اسبوعين معي ولاهو بشين.

[اتجاه السحاب]

دنلوب من تجربه عريقه,,يتحمل وراسي بالخط وزين بالنفود والحصى ولا له صوت,,طبعا العريض..
اي استفسارحنا بالخدمه

[اتجاه السحاب]

انحش من الدنلوب انا زيك توني مركب كفرات وحترت في البدايه ومدحو لي الهانكوك440 ريال ولكن ماقتنعت ولقيت يوكوهاما وعجبتني وسعرها مناسب 450ريال مركبها واحد من الشباب لكن دورت لها ومالقيتها وفي النهايه طقمت مشلن ابو جني الفرنسي 600 الله لايخسر له اسبوعين معي ولاهو بشين.

حبيبي اكثر مبيعات الكفرات الدنلوب ,,واحس انه هوالثلاثي(خط ــ نفود ــ حصى)
من خلال تجربتي..

[نيتروجين xp]

بالنسبة لي أفضل الدانلوب ..

لين ويتحمل كل شي خطوط - بر - حتى بحر

والله يوفقك ..

[شحرور الدهنا]

الهنكوك ممتاز جدا للرمل والخط اما الحصى يخسى ماينفع لانه لين مره انا معي توي شاريه وانواع الرقع وكلها بسبب الشوك تخيل شوكه صغيره تدخل بالكفر
الدنلوب لاتعداه ممتاز

[عبدالرحمن السالم]

والله شف الكفرات اليابانيه ممتازه دانلوب وتويو واليوكاهاما
انا اشوف ان الدانلوب ممتاز جداً وحتى التويو لينه خفيفه تتحمل وتعيش سنتين بدون اى مشاكل
اذا ناوي على الدانلوب خذه من الوكيل لان اغلب إلى بالسوق دبي ولك عليه شوي ، شف وكيله بن زقر بشارع الضباب ، والتويو وكليه العمودي شف له فرع بالغرابي وبالصناعية القديمة
موفق خير

[ALBDRANE]

الصراحة جربت الدنلوب ما أعجبني من ناحية عدم الرساوة في المنعطفات ويتشطب بسرعه وشكله أصبح ممل من كثر ما يركبونه أهل التايوتا وغيرت الى الوكالة البرجستون وأستعملتها سنتين ولا فيها من العذاريب الا القساوة شوي في البطناج وأعجبتني في المناطق الجبلية .

والأن ركبت طقم ميشلان ونفس قياس الوكالة ومرتاح معها لحد الأن صوت هادي ورساوة ولينه في البطناج ونقشه تطق أصبع للدنلوب .

[عاشق الجكسار]

تبي تطعيس خذ بايلون اي نوع انا معي مكسس والله انه ممتاز اني مركب اول دلوب والموتر مايعطيك مع النفود يندفن بسرعه اما يوم ركبت البايلون والله اني اتمشى بانفود ادور التغريز اما مع الخط حلو بس عيبه ايذا انفقع انسى سيارتك وانسى تثبتها مو قصد مس بريك لا هو كيذا انا معي ومن سنه لسنه ونص اغيره ولا تدعس على الخط يمكن لاسمح الله صاره شي والبايلون ماقولك خذه عشان المهايط لا ايذا تبي تاخذه خذه للتطعيس اسال مجرب مو سامع عنه

[دانكن]

خذ لك دنلوب من تجارب مو تجربة ..

الهانكوك لين لكن اي عود شجرة ولا مسمار يشقه بسرعة ..

والبريسجتون يعيش بس عيبه قاسي مره ..

الدنلوب من افضل الكفرات ..

[كنود]

من رايي خذ الميشلان (تحمل-رساوه-ليونه-عمر) له معي السنتين لا صعرر ولا حبل ولا انمسحت النقشه
نصيحتي وانا خوك الميشلان.

[ابوصالح022]

عز الله الكفرات انهن مشلاااااااااااااااااااااان ماشاء الله تبارك الله لكن غاااااااااااالي وصرااحه ماجربته على باترول جربته على جمس وطلعت النتيجه ممتااااازه
الدنلووب واحد من اخوياي مركبه على باترول 99 يقووول مايتحمل الحصى + مايفرش بالرمل+ ثقيييل اضن مركب 275/70/16 على مااعتقد يقوووووووووول ولا بقرش



اخوك ابوصـالح