القماري وجميع الشباب

[رانجلر]

شباب انا سيارتي كانت ماشيه 33 الف وغيرت الكلتش والإن 34 والكلتش بادي يلف ويدور معي


معقوله بألف كيلو خرب؟؟


وانا محافض اللهم قومات بس وعلى خفيف مرررررررررررره

[القماري]

أخوي رانجلر يمسيك بالخير
أعتقد أنك مركب كلتش غير أصلي أو أن الميكانيكي ما زبط شغله معاك
يعينك الله على طلبات الجيب (شكله صابته عين)

[رانجلر]

كيف انا مغيره بالوكاله

الكلتش وش مشكلته انا اقولك

إذا جيت اعشق اول ما يدخل على طول لا يدقر تدقيره بسيييييييييييييييييييييطه مره
بس هذا يدل على إن الكلتش بدى يوووووووووووووووووودع


بس كيف الميكانيكي ما زبط شغله؟

[الخبير]

السلام عليكم
يا رانجلر ، عاير زيت الكلتش
==========================

[رانجلر]

والله صح!


فكره خلوني اشيك ورجع ight:

[القماري]

أحد الأسباب مثل ما تفضل الخبير (زيت الكلتش وتهريب الزيت)
إن شاء الله تكون ذي بس هي المشكلة ، وبخصوص الوكالة ترى ياخوي مو كل شغل الوكالة ممتاز أحيانا يكون شغلهم مايسوى قرش (بس أسم وكالة)
وبخصوص الجيب (تنصح الوكالة أحيانا بعدم التعجل في تبديل النمرة للجير ) يعني دس على الكلتش وأنتظر فترة (حدود الثانيتين) وبعد ذلك عشق الجير ، خصوصا في حال الرجوع للخلف ( هذا ما قاله أحد فنيي وكالة جيب لي سابقا عندما عانيت من صوت (طقة) في التبديل ) والله أعلم

[رانجلر]

بصراحه والله مدري

قبل شوي قالي واحد معه رانجلر
إن الرانجلر الي يتعب كلتشه هو كثرة المقاومات وهو سبب رائيسي يعني التطعيس اقل ضرر من إن العداد يضرب الإحمر
وانا بصراحه في الفتره الإخيره معطيه بنزين ويه يعني اقاوم عليه







وش رايكم يا إخوان؟؟


وبعدين فيه شغله ثانيه إني لما اكون ماشي 100 مثلاً لما اتعدى 60كيلو ابي افك القير من الخامس
يكون قاسي نوعاً ما يعني فيه رفض للخروج بسرعه؟

الكلتش شكله بدى يودع!
بس مافي ورشه ممتازه غير الوكاله بالرياض ولا عليكم امر؟

[القماري]

وراك يارانجلر أثريك لاعب بموترك لعب وتطلب شور ، ياخوي حافظ على الجيب ترى الشتاء قرب والكامري ماتفيدك بعدين ...
أكيد مقاومات وتفحيط تتعب حتى القلب ،فما بالك بالحديد

[رانجلر]

كاتب الرسالة الأصلية القماري
وراك يارانجلر أثريك لاعب بموترك لعب وتطلب شور ، ياخوي حافظ على الجيب ترى الشتاء قرب والكامري ماتفيدك بعدين ...
أكيد مقاومات وتفحيط تتعب حتى القلب ،فما بالك بالحديد

لا لا ما فهمتني يعني اكرف بس احافظ يعني مدري شلون تتفسر

المهم انا لقيت زيت الكلتش ناقص بزوده الحين وأشوف وش يطلع معي اوكي؟

[راعي عنيزة]

اذا عندك مشوار للقصيم او تبي تطعس في ام دباب

عطني خبر عشان اوصف لك ورشة شاب سعودي تخصصه الرانجلر والشيروكي ولما تدخل ورشته بتتخيل نفسك في وكالة jeep كلها شروكيات صافه جوا وبرا الورشه تنتظر دورها
ومشالله عليه فنان ويفهم فيه اكثر من دلوخ الوكاله الي ما يعرفون يركبون سير

[رانجلر]

كاتب الرسالة الأصلية راعي عنيزة
اذا عندك مشوار للقصيم او تبي تطعس في ام دباب

عطني خبر عشان اوصف لك ورشة شاب سعودي تخصصه الرانجلر والشيروكي ولما تدخل ورشته بتتخيل نفسك في وكالة jeep كلها شروكيات صافه جوا وبرا الورشه تنتظر دورها
ومشالله عليه فنان ويفهم فيه اكثر من دلوخ الوكاله الي ما يعرفون يركبون سير

حلو حلو

طيب تقدر توصف لي مكانه يمكن ازرق لمه الربوع بس نمسك سرى ولا على طول يشتغل؟؟:what:

[راعي عنيزة]

شف الكروكي تحت
الورشه في عنيزة - الصناعيه واسمها ورشة الثويني وبتحصل لوحتها صغيره وفيها صورة رانجلر احمر

وبامكانك تتصل وتتاكد من صاحبها
3623160
خالد الثويني

[الواضح]

حياك الله أخوي رانجلر
من واقع تجربه عند التغيير لابد من تغيير الكلتش والصحن (الديسك) مع بعض ، وأنت أعتقد إنك مركب كلتش غير أصلي وإذا أصلى متأكد منه فعليك تغيير الصحن الآن ، وهذا لمعالجة التفويت فقط
أما مسألة :

كاتب الرسالة الأصلية رانجلر
وبعدين فيه شغله ثانيه إني لما اكون ماشي 100 مثلاً لما اتعدى 60كيلو ابي افك القير من الخامس
يكون قاسي نوعاً ما يعني فيه رفض للخروج بسرعه؟

هذا له عدة احتمالات ( كما قال الخبير شيك على زيت علبةالكلتش ) .
أو شيك على المواصير الناقلة للزيت يمكن فيها تهريب .
أوقد تكون الفحمة تالفة ولم يغيرها الميكانيكي ( تبَدل عند تغييرالصحن والكلتش) وهي قليل خرابها هذا ما عندي والسلام .
تقبل تحياتي
أخوك الواضح

[رانجلر]

اخوي الواضح

والله في معنى كلمه مو واضح؟
ههههههههههههه

التفويت ؟