هايلكس 2006 وش يقول

[Waleed1]

السلام عليكم

شباب أحد شرى هيلكس 2006 و دفرنشين وجربة كيف الموتر، نرجوا من الاعضاء اللى عندهم فكرة أن لايبخلوا علينا بما عندهم من معلومات خصوصاً أن السيارة فيها تغيرات كبيرة وكذلك ماكينة الديزل أصبحت 2.5 لتر بدل ال 2.8 مع تيربوا. عموماً فية ناس وجد ودها تشترى بس مترددة وشكراً

[Waleed1]

شكل الهيلكس الجديد مضروب ماأحد يبى يتكلم فية

[ربيع الشمال]

وعليكم السلام ورحمة الله وبركاته
صراحه الهايلكس 2006 خربوها بالحيل وهي حالياً عباره عن كامري حـــوض. وتسببت في رفع قيمة الهايلكس 2005 والتي تجاوزتها في السعر بفارق 5000ريال في بعض المعارض,علماً بأنه لم يسبق لي وان جربتها اخي الكريم ..........

[nahham]

الشكل الكل شافه

احد الجيران اشترا واحد ويروح بصفه دوريه لتبراك والرجال يمدحه لكن تراه بنزين

وسلامتكم

[Waleed1]

السلام عليكم

أشكر الاخوان ربيع الشمال و nahham
على المعلومات وأتطلع الى المزيد وجزاكم اللة خير

وليد

[محمد العبدالسلام]

اظن ايضاً سعره مبالغ فيه وبسعره تاخذ d- max ديزل اجمل ومجرب

[عطارد]

بسم الله الرحمن الرحيم

السلام عليكم ورحمة الله وبركاته

انحش عنه تقل تيس سوري

[أبو أديب التميمي]

والله يالربع الموتر عليه شكل مكينة !! اوووووووووو شي !! بس البدي !! معليييييش زفت !! وتبون تقارنون روحو لطعوس الثمامة وان شاء الله بتشوفون الجديدة والقديمة !! وهي الحكم !!

لكن اتوقع انك لين غرزت به ... انشب انت وياه وتقهو جنبة !!

تحياتي للجميع

[الهلي4×4]

خلك من الهايلكس 2006 وعليك بالهايلكس 2005



[move=down]الهايلكس 2005 يمدحونها[/move]

[Waleed1]

السلام عليكم

أشكر الاخوان على المشاركة الرائعة وضحكت يوم قال الاخ عطارد أن خشت السيارة تشبة خشت تيس سورى فعلاً نفس الشكل، عموماً ياشباب أنا شفت كتلوج الهايلكس عند أبوجميل بس ماشفت فى الصورة بوز الكلب الاسود اللى حطوها فى الهلى 2006 اللى فى صالة تايوتا وزيادة على ذلك مريت على معرض اليحيى وبرضوا ماشفت لحيت التيس السورى اللى حطتها وكالاتنا يعنى يكون طالعين فيها بحركة وهى شوهت السيارة تماماً اللة يعين

عموماً أشكر الجميع ومزيد من المشاركة وشكراً

[النفود الشرقي]

وخخخخخخخخخخخخخخخخخخخخخخخخررررر عنة الله يجزاك خير
وأن شريتة تكفى لا تحطة بالتوقيع



هذا الي أقولة والسلام ختام

[Waleed1]

حقيقة كثير من السيارات تجى شكلها تعبان بس شوى وتتعود عليها الناس لاكن فية أشكال لايمكن تحبة أو تتعود علية الناس أبد الدهر مثل الكابرس الصابونة موديل 90

[اسيزو 4x4]

السلام عليكم ورحمة الله وبركاته

أخوي الغالي Waleed1 وليد

أولا كيفك وشلونك مع الدنيا اشتقنالكم والله

وبالنسبة للهايلوكس 2006 بالصدفة في جدة الاسبوع الماضي رحت لأخد دورة إنتساب في جامعة الملك عبد العزيز المهم كنت واقف عند محل الطازج اللي بشارع فلسطين وجا واحد فلبيني معه هايلوكس 2006 دبل تبع شركة وقلت ليش ما أسألة عنها ؟؟؟ ورحت عندة سلام عليكم وسألتة كيف 2006 كويس؟؟ قال هذا 2006 مافي سيم سيم أول 2005 2004 قلت أعرف الزبدة يا صديق قال مافي كويس على طول خراب هذا أول 2004 2005 أحسن وهذا طق طق كثير قلت وشلون طق طق المهم فهمت بالأخير بعد معاناه أنة يتهربد ويقرقع قلت الله يعطيك العافية يا فلبينو ...

وهذا ما أستنتجتة منة وهو أن القديم يستحمل أكثر 2006 بكثير ... وآمل أني أفدتك يالغالي وليد ...

أبو حمود ...

[yaser_2000]

السلام عليكم ورحمة الله وبركاته
الهيلكس الجديد شكله حق دلع يعني تحمل عليه كراتين فاضية . بديه تعبان زي القصدير بس في البريمي نزل عليه حركات شوي حلوة زي الرفارف والجنوط في موديل ال4*4 بس اقول ال زيزو دي ماكس احلى واريح منه في السواقة

[الربذي]

السلام عليكم

ياهلا بكم جميعا تصدقوني ضحكتوني مسكينه هالهايلكس ماحد باغيها اخوي اذكر انا وياه واقفين عند اشاره وقال ياهو راعي هالهايلكس؟؟ ذابحني وين ماروح معي للوع سبدي راعي هالسياره واناظر الا 2006 هايلكس يقول شكلها موبزين واضحكني وليد شكله متعقد من الكابرس الصابونه !!
لكن انا قرايت انها مصممه بالكمبيوتر باحد الجرايد يمكن انها دعايه مدفوعة الثمن واعتقد ان الناس رايحه ترضى بالواقع لكن السيارات ارتفعن اقصد الموديلات القديمه بوجه عام
اخوي ابو حمود اذكر فلته بالانجليزي ماشاء الله عليك ليش ماكلمته به يمكن يعطيك معلومات اكثر
وتفهم احسن والسلام عليكم ورحمة الله وبركاته