ابشركم شريت الباث بس لي ملاحظتين

[وش احط]

السلام عليكم
ابشركم طلعت بايث فايندر من الوكالة الثلاثاء الماضي لؤلؤي فتحة اتوماتيك مخشب وادعولي بالبركة...

ولكن مع ان جنوطة 17 الا اني ماااااااااش مستصغر عرض كفراته ودي انها اعرض شوي فيه حل؟
والامرالثاني رحت به لإبلي يوم الخميس وجلست الى اليوم وانا راجع اسمع صوت الفحمات كأنها خربت ومدري هل الصوت من الرمل وجزاكم الله خير

[ناصح]

وعليكم السلام ورحمة الله وبركاته

ماشاء الله تبارك الله يا اخي

الله يعطيك من خيرة ويكفيك شرة

[المشراق]

السلام عليكم ورحمة الله وبركاته


الله يبارك لك ويعطيك من نفعه ويكفيك شره وشر غيره ويوديك لماينفعك في دنياك وآخرتك وبالنسبة للصوت ممكن ترجع للوكالة إذاكان تحت الضمان ووفقك الله 0 أخوك المشراق

[قناص الليل]

ماشاء الله .

الله يعطيك خيره و يكفيك شره .
بس لا تستعجل على البر اذا السياره لازالت جديدة لهذه الدرجة .

[كهربجي المخيم]

ياجعله بالمبارك انشالله ...يعطيك من خيره ويكفيك شره ..امين ..

الضمان ولاغيره اخوي وش تحط ....

مالك الا الضمان والله لو مدر وش تسمع او انك تشك بأي شي رح للوكالة وتوكل على الله ...مادمك في هالفترة استغلها ...

خالص التحية .......

[غضنفر]

ضمان الفحمات اول 10 الاف كيلو فقط
بعدها اذا صار فيها صوت تغيرها على حسابك الخاص
واذا تبي الحل السريع
رح عند لقرب بنشر وخله يفك الكفرات الأربع ثم ينفخ في الهوبات بماطور الهوا حق الكفرات
وباذن الله يختفي الصوت

[الربذي]

السلام عليكم

وش احط الف مبروك الله يطعمك من خيرها ويكفيك شرها
كيف تمدح ولاتذم وكيف عزمها وبكم اخذتها
تحية ود

[هاوي قصيده]

الله يعطمك خيرها ويكفيك شره

انصحك تروح للوكاله..وهذا شغلهم وهذا فايده الضمان وانا اخيك

وتقبل شكري

[وش احط]

شكرا يا اخوان واللهم امين...........

اخوي الربذي الموتر قيمته حوالي 89000 بعد العرض على كلامهم....وأنا خذيته بحوالي مية وعليها اقساط....

أما أمدح أو أذم ...بصراحة في الخط اوصل تقريبا 170 ماحسيت بالموتر ماشاء الله راسي....وأما العزم فما توقعت ابدا ان فيه جيب بخفة النفس هذي.... ولا جربته في الطعوس القوية الى الآن ويضل هذا رأيي الشخصي وأتمنى ماأحد يبني قرار على كلامي لأن فيه ناس أعلى مني قدر وخبرة في هذا المنتدى خذ منهم... وجزاكم الله خير

[BlueSky]

غسلة بستم واذا ما راح الصوت انقز علي الوكالة
الف مبروك وتاخذ خيره واللة يكفيك شرة

[قرم]

ماشالله لاقوه ألابالله مركب خيرإن شاء الله اخوي الصوت اللي انت تسمع هاذي ذرات الرمل بين الهوب والفحمه لكن ماعليك منه . إحرص بتنضيف فلتر الهوا دائماً وعلمنا عن إنطباعاتك دائما عن لباثفندر وتراه بالرمل ينشدبه الظهر لكن على شرط الهوا على 15 وإذابتركب كفرات اعرض انا ارشح لدنلوب

[sultan8861]

يعطيك من خيره ويكفيك شره

ركب كفرات دنلوب تراها ممتازه ازين من كفرات الوكاله

[ABU-AL-3eeS]

الله يكفيك شره ويطعمك خيره

وعقبال مانشري الباث الاسود

[غالي]

اخوي
النقطه الثانيه الا وهي الفحمات
اذا كان داخلها رمل المعروف انه مع مسكت الخط يطلع ويروح الصوت
واذا ماراح مالك الا كلام الاخوان الوكاله
والله يبارك لك في الموتر ماشاء الله

[ولد الشايب]

الله يعطيك من خيره ويكفيك شره

ما شاء الله عليك شكلك ذويق على اختيار السيارة واللون أحلى هاهاههها ( لأنها مثل مواصفات سيارتي بالضبط بس 2003 )

بالنسبة لصوت الفحمات طال عمرك من الهوب مثل ما قالو الشباب امسك فيه خط وأنت ماشي فوق 150 ويروح إن شاء الله

وبالنسبة للكفرات أنصحك تروح أقرب بنشري وتستبدلها بالدانلوب ( اشتهر بالمنتدى الدانلوب265/65/17 ب 420ريال) تراها بالرمل

ما يحتاج و لينه بالممشى تريح السائق والموتر لأن ردة المطاب والبطانيج تجي فيها مهوب في السيارة وأهم شي ناظر تاريخ الكفر .