( ( (احد يعرف جيب هوندا Mrv ؟ صور ) ) )

[حصان القايله]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
_
اخواني وحبايبي
من فيكم يستعمل سيارة جيب هوندا اللي بالصورة ؟ او يعرف احد عنده نفس النوع ؟
عندي سؤال صغير ، السيارة كيفها في الطعوس ؟ عساها تبيض الوجه ؟
تكفون لا تخلون الوكاله يضحكون علينا
جزاكم الله خير

[بواسامه]

هلا اخوي حصان القايله
انا رحت للوكاله وجربت الموتر
بالنسبه للعزم خيال وروعه ونشيط الموتر
مافيه دبل تتعامل معه
بنظام ميكنيكي يشتغل اذا ثقل الموتر
ورحت للطعوس وجربته

ملاحظاتي
عزله سي للغايه بدون مبالغه ((كنك تمشي حافي))
اذا مرت جنبك سياره تحسب الدريشه مفتوحه ولا الباب ماصك زين
سريع الثولثه مايبي له شي ويتعلق بسرعه في السكاكين اذا انت راعي مطاعس
واعرف واحد جرب اللي اصغر- سي ار في -منه ونفس النظام وما يمدح الموتر الا انه اقتصادي
عموما
اذا تبي استخدام لا تتعدى المعروف واللي مثبت وجوده
واذا منتب راعي بر هو والصغيره سواءءءءءءءءء

[لبرتي]

واحد من الشباب معه الموتر هذا ويقول مشكلته في دبله يقول أنه دينمو ما يتحمل التطعيس

أنا من ناحيتي ما أنصح فيه وسعره غاااالي مره بـ 112ألف

[قناص الليل]

اخوي يعتبر هذا الجيب من السيارات المتعددةالإستخدام (( و للأسف ينسب الى سيارات الدفع الرباعي )) في الحقيقه الدفع الرباعي الموجود فيه خفيف فقط (( و نصيحة لا تغامر و تدخل فيه للمناطق الرمليه لأنك راح تتوهق )) .

يصلح كسياره عائليه داخل المدينه لآنه وسيع من داخل و مكينته زينه .
لاكن ابعد عنه اذا انت راعي بران و نفود و لا يغرك شكلة ...

[nahham]

اعتقد حده سيارة توصيل المدارس

لا يتعدى المسفلت

مجرد رأي شخصي

شكرا

[الربذي]

اخوي حصان ( ناب هورس)
شف ياخيك
السالفه ذي مبطي عام تقريبا 1420 او ماطلع الدفع الموقت ريل تايم
يقولي صاحب الوكاله من احد الدول العربيه !!!بعد ان طلع من عندنا واحد وصرت انا وياه بلحالنا قال ياخي عرفت هذا وش سوى قلت وش قال طلع من عندنا الصبح مثل الجيب هذا يقصد الهوندا وكان ماله شهر او اقل نازل واول موديل يقول اخذه من هنا بعد ان قلنا اني دفع رباعيمؤقت اذا غرس يشتغل وحبيبنا على طول يروح ويطب وسط النفود تخيل وسط النفود يقوله صاحب الوكاله لي يقول هو ماهو حق تطعيس كذا والمهم خرب عليه وتركه وسط النفود وجاء !!!!وتركه هناك طبعا محرج جدا لنا وتشوفه الناس هناك فضيحه لنا ولن يقدم على شراءه احد هذا يخرب سمعتة الشركه خصوصا انه ماله شهر نازل وتعطل واول طلعه له من اللو كاله الى النفود مباشره المهم خاف راعي الوكاله وبسرعه يرسل لخبراء من الرياض تصدقون بعد ان عجز يصلحونه حقينهم ولايقدرون يجيبونه مناك لان ماعندهم جيب هوندا سنع وراعي جر بالنفودوصعب يجرون جديد وبمستعمل من شركه ثانيه!!!! فضيحه مجلجله المهم وصل على رحله العصر خبراء مناك بسرعه هذة سمعة شركه وخصوصا ان اليوم الثلاثا وقربت نهاية الاسبوع واعطله وهذا له اثر سيي جدا على الوكاله واضن هذا يكفي وهو ماينفع مره يقولون اللي جربوه كنه دينمو فعلا يشتغل شوي رنرنرنرنرن !!!!عدم المواخذة تشبيه فقط وبعده يفصل ثم غرس واذا اخذ فتره اشتغل ثم فصل واذا احتر مايشتغل !!!!!!!!!!!!!!!!!!!!!!!!!!!!!!!!!!!!!!!!!!!!!!!!
يعني ابعد عن الداب والشجره بتاعته
هذا مالدي عنه
رفيقكم
الربذي

[salehhd]

السلام عليكم

انا اؤيد كلام الشباب ان الموتر حق مدينة اكثر من حق بر ونظام الدفع الرباعي حق ثبات في الخط

شوفلك موتر ثاني مثل البرادو او الارمادا

[الطير المهاجر]

السلام عليكم
ياشباب اولا طالعوا الوكالة حقتها
لان الوكالة ماعندها فارويل ومالها تاريخ في الفارويل
فمن الطبيعي راح تصنع سيارة حقت اسفلت ممتازة
يعني ادخل جلد وانت مشغل الدبل
اذا ناوي على فارويل ما انصحك فيه ترى بس حجمه وشكله حلو اما الاداء فغير جيد في الطعوس
تحياتي

[ابوبدران]

اخوي حصان ( ناب هورس)
شف ياخيك
السالفه ذي مبطي عام تقريبا 1420 او ماطلع الدفع الموقت ريل تايم
يقولي صاحب الوكاله من احد الدول العربيه !!!بعد ان طلع من عندنا واحد وصرت انا وياه بلحالنا قال ياخي عرفت هذا وش سوى قلت وش قال طلع من عندنا الصبح مثل الجيب هذا يقصد الهوندا وكان ماله شهر او اقل نازل واول موديل يقول اخذه من هنا بعد ان قلنا اني دفع رباعيمؤقت اذا غرس يشتغل وحبيبنا على طول يروح ويطب وسط النفود تخيل وسط النفود يقوله صاحب الوكاله لي يقول هو ماهو حق تطعيس كذا والمهم خرب عليه وتركه وسط النفود وجاء !!!!وتركه هناك طبعا محرج جدا لنا وتشوفه الناس هناك فضيحه لنا ولن يقدم على شراءه احد هذا يخرب سمعتة الشركه خصوصا انه ماله شهر نازل وتعطل واول طلعه له من اللو كاله الى النفود مباشره المهم خاف راعي الوكاله وبسرعه يرسل لخبراء من الرياض تصدقون بعد ان عجز يصلحونه حقينهم ولايقدرون يجيبونه مناك لان ماعندهم جيب هوندا سنع وراعي جر بالنفودوصعب يجرون جديد وبمستعمل من شركه ثانيه!!!! فضيحه مجلجله المهم وصل على رحله العصر خبراء مناك بسرعه هذة سمعة شركه وخصوصا ان اليوم الثلاثا وقربت نهاية الاسبوع واعطله وهذا له اثر سيي جدا على الوكاله واضن هذا يكفي وهو ماينفع مره يقولون اللي جربوه كنه دينمو فعلا يشتغل شوي رنرنرنرنرن !!!!عدم المواخذة تشبيه فقط وبعده يفصل ثم غرس واذا اخذ فتره اشتغل ثم فصل واذا احتر مايشتغل !!!!!!!!!!!!!!!!!!!!!!!!!!!!!!!!!!!!!!!!!!!!!!!!
يعني ابعد عن الداب والشجره بتاعته
هذا مالدي عنه
رفيقكم
الربذي

وعليكم السلام ورحمة الله وبركاته
اخوي السيارة نزاله للاسواق العالميه والسعوديه في عام 1423 هـ 2003 م MR-V

هذه الروابط فيها الي يمدح السياره وفيها الي يذمها
اضغط هنا

وهذا بعد اضغط هنا

وهذا بعد

[حصان القايله]

ابوبدران

الطير المهاجر

salehhd

الربذي

nahham

قناص الليل

لبرتي

بواسامه

الظاهر غير اللاند لا تدور

الله يعافيكم يالغالين