السلام عليكم ورحمه الله وبركات
الصراحه عجبني المنتدى.. بكل مافيه وقلت لنفسي ... خليني اشارك معكم ممكن فيه اشياء تعرفونها اكثر
مني بخصوص عده البر .. لاكن بقول وش عندي ... وكل واحد يقول وش عنده علشان نتبادل خبرات
وتصير عددتنا حقت البر .. فعاله ومريحه
لان اهم شىء بنسبه لي في عده البر ان تكون صغيره قدر الامكان
ومريحه وفعاله في نفس الوقت..
طبعا اهم شىء والمتعارف عليه في اي عمل هو عده السلامه ( السيفتي )
من المتعارف عليه
لصاق الجروح ... ومرهم الحروق والمطهر وغيره ,,,,
لاكن اللي يهمني كثير ويسوى في وقته الكثير اللي هو نازع .. السم !!!
والصراحه .. انه حصل لواحد من الزملا ء يبي يصيد له حيه والتفت حول نفسهاا وانطلقت عليه
وعظته .. وعلى طول استخدم زميله نازع .. السم .. والصراحه استفادو منها استفاده عظيمه
لان اقرب مستشفى بعيد عنهم .. وقعدو 3 ساعات على بال ماوصلو عند الدكتور ..
واستغرب الدكتور وقال وش سويتو له ... وقالو استخدمنا نازع السم ... قال الدكتور لو ما استخدمتوه
كان .... الرجال .. في خبر كان !!!!
هذا شكل نازع السم اذا حطيته على جلدك يمصه مص الين مايطلع يدك
الشىء الثاني .. يفضل انك تاخذ معك للاحطياط مظاد حيوي .. لانه فعال في اكثر الامراض
صيح انه لازم ياخذ استشاره الطبيب ... بس الصراحه بعد كل طبيب تروح
لمه ,.. في اي مرض هو اول شىء يكتبه لك ...
اهم شىء مايكون قوي مرره يعني مايكون 500 ملي خذ 250 ملي
نبدا في العده
بنسبه لي عندي شنطه .. وكل مرره اطلع .. استفيد من الطلعه الاخيره
واحاول في كل مرره ان عدتي تكون صغيره قدر الامكان .. وفي نفس الوقت فعاله
مثلا ..
--------------
القدور ..
استخدم قدرين دائما.. قدر فسط قدر وفي القدر الاخير احط اشىء يستغل فيها
المساحه الفاضيه ..
ويفضل ان القدر مدهون من نوع تيفال .. على شان مايلصق الرز في القدر
ويصير سهل التنظيف ولا يحتاج وقت طويل لتنظيف...
( يمكن واحد يقول .. وش هذا الخكري اللي عندا في المنتدى )
بس فيه سبب مهم
ما يستهلك مويه في عمليه التغسيل ..... وها الشىء اعتقد انه مهم في البر
---------------------
لي المويه
افضل طريقه بنسبه لتجربتي في استخراج المويه .. (بنسبه اللي ماعنده تانكي ومفصل له بزبوز )
هو استخدام لي المكيف الصحراوي لانه فعلا . اقتصادي مرره للمويه
وتستخدم معه بزبوب صغير زي اللي في الصوره
وتقدر تحط معه مغناطيس على شان تحطه باي مكان في السياره
بطريقه هذي .. لاحد يمسك معك اللي ولاتعطل البشر على شان تغسل !!
وهذي الصوره
[c] [/c][]