تراه نشب لي

[دسم الشوارب]

السلام عليكم ورحمة الله وبركاته
يا إخواني فيه واحد من الجماعه درى اني جالس ادور ددسن دفرنسين
ونقز في وجهي يقول ان واحد من ربعه معه ددسن دفرنسين 2003 غمارتين GL لكن تماتيك
انا يوم سمعته يقول تماتيك قلت وععععع
والسياره انا ماقد شفتها
وصار يقنعني فيها ويمدحها ويذكرلي افعالها ولاعابها الا بالصرفيه ولاهوب واجدبعد .ماعاد الايحلف علي اني اشتريها
قلت مالي الا الله ثم اخواني اعضاء المنتدى استشيرهم
وش رايكم؟

[rayiig]

ياخوي وهي عادي بالكلكزة تمشي اذا كانت محملة
تبيها سنعة وهي تماتيك

تبي نصيحتي انحش

[قناص الليل]

اخوي تصيحه لا تشتريه .
اذا كانك معزم على الددسن الدفرنسين احرص انه يكون بخاخ (( 160 حصان )) قير عادي ، و ياله يدف نفسه و عفشه في النفود ..

[دسم الشوارب]

اخوي قناص الليل
اخوي rayiig
الله يحييكم ويمسيكم بالخير
انتم الآن ما اكتفيتو بنهيي عن التماتيك فقط بل عن الددسن كله .يعني ماعاد الاشوي ويطيح من عيني
ارجو ان تفصلو لي في ذلك جزاكم الله خير
ودمتم

[الربذي]

قريب لي اشترى2003 فاكه وكاله دفرنسين 160 حصان وانا عندي ددسن مصندق باب واحد دفرنسين باث قديمه 91 قلت ابي اجرب الميه وستين حصان وشلون عزمها المهم ركبت ومسكت الطريق وادوس ادور العزم الا تصدقون شي يضحك فعلا نفس عزم موتري 91 رجعت وقلت وين قاعد تمدح فيه وعزم وخرابيط مايفرق عن سيارتي بشي وكانه 114 حصان لان 2400 هي 114 حصان اما البخاخ فهو 160 حصان (هورس بور ) عشان كذا مكتوب H P160المهم تفرق بالعادي يقولون اقوى عزم وانا جربت الدفرنسين
اما قير توماتيك فساتبور حتما(((( وان اشتريتها ماعندك سالفه ومضيع الجاده )))(رجل شيباني )
تبي الجد امزح معك اخي الفاضل لكن لانصح بها ابدا ابدا ومن شاور ماخاب
محبك الربذي

[دسم الشوارب]

حياك الله
عزيز وغالي يا الربذي
وزين انك علمتني انك مجربه علشان اسألك عنه واستحملني
تقول عزمه ماهوب ذاك الجيد طيب اذا قلت لك اني مانيب راعي تطعيس ولاتفزيز وفي الخط ما ابي امشي الا 130 ولا ابي انافس به ولا اساقط احد .ابيه في.. شعبان ..طعوس ليست شديدة الانحدار.. جبال..تحميل على خفيف
على هالطريقه ظنك بينفع ولا لا.أسألك عن القير وليس التماتيك
ولك خالص التحايا

[راع الونيت]

أخوي دسم الشوارب
التماتيك ما أنصحك فيه لأن قيره حيكون ضعيف أما الدفرنسين العادي سيارة مافيها كلام اسأل مجرب ولا تسأل ميكانيكي وخذ ها الرابط يمكن يزيدحماسك وتصير زميل
http://www.mekshat.com/vb/showthread.php?t=39391

[الطرشي]

ليش ماتاخذ هايلكس دفرنسين

تراه قووووووووي ويمدحونه الناس عامة

[حاكم المقناص]

اخي نصيحة لالالالالالالالالالالالالالالالالالا
لالالاتاخذها وخذ الهايلكس اريح وانظر واقوى عزم واسرع

[البرحه]

اخي نصيحة لالالالالالالالالالالالالالالالالالا
لالالاتاخذها وخذ الهايلكس اريح وانظر واقوى عزم واسرع

انظر
اقوى
اسرع

[الربذي]

السلام
طبعا يمشيك وحلو خرباته معروفه وددسن خالص بس زايد دفرنس قدام بس فيه ثقل شوي واذا مصمل دور لك الى قزازه كهرب وقفل مركزي 2003
وتراه حلوا بس مايفرق واجد عن شرب الجيوب للبنزين وبطعوس لازم دبل والنمره واحد او ثنين انا مجربه واذا غرس وانت محمل بالنفود الدبل الخفيف مايطلعه تدوس تدوس وترفع رجلك عن الكلتش لكن مايتزحزح ويمكن يحرق عليك الصحن لكن استعمل الثقيل ويسلك معك
خبره سنتين معى ددسن دفرنسين بالسفر مايتعدى 150 لو تتقطع ويمكن اقل اذا الهواء بوجهك الا الجديد بخاخ كنه اشوى ومامن فرق
اما الهلى فانا جربتها بعد!!!
مشتريه ماشيه360 الف دفرنسين واكرفه كرف كرف مهبول ولاطلبت ولا شي وهي مكروفه قبلى لكن النياسين ياخيك غير التويوتا مايخلى من الاعطال بعكس تويوتا الى اعطاله اقل منه ولكل عيوب ومميزات لكن تويوتا ماتطلب وانا اقصد الفور رنر من تويوتا هو اللى كان معى مكينة هايلكس بس مصندق موديل 92 وبعته قبل ثلاث سنين 15500 وقبل اسبوع لقيته مسيوم بنفس المعرض اللى اشتراه منى ب25 الف طلع شريطي حسبى الله على الشريطيه ويقول هذا سعره يوم بعته عليه واستشرته يقول سعره ست طعش وانا مكلفنى 3200 قبل سنتين لانى استعملته سنتين بس
لكن اهايلكس دفرنسين فالمفروض تحط على التنده لمبة تنبيه للطيارات لانها مرتفعها وتبي سلم عشان ترقى وسريعه اقلاب وهى مارتفعت (معروفه روغة التويوتا) يقول احد المكشاتيين كنا نمشى في البراري وقدامى هلكس دفرنسين طاح بمطب عادي وانقلبت وقدامى واضنه ريف النشاما الى قال السالفه
اخووووك

[دبارة]

الددسن من البيت للسوق ولاصرت من ربع الخلا فنحر الجيب وريح ادماغك من ددسن وهاي هذا الطاعون وهاذا الفويهق

[دسم الشوارب]

بيض الله وجهك يالربذي عزالله ماقصرت في الشرح
والله يكقينا شر الشريطيه ومن شارطهم
والله يكتب اللي فيه الخير
ولك ازكى سلام واعطر تحيه

[حر اليدين]

السلام عليكم


اخوي دسم الشوارب قرط في ثوبك وانحش لاتاخذ الا عايدي لانه بلشة
اللي مهيب دبل مايفضلونها عاد كيف دبل والجيوب التماتيك انت تشوف كيف لامنها غرزت عاد كيف ام عزيز العراوي لكن الددسن العايدي الدفرنسين مهيب خسارة قيمتها


اخوك حر اليدي
تقبل تحياتي

[دسم الشوارب]

اخواني
الربذي
rayiig
حراليدين
حاكم المقناص
البرحه
دباره
راعي الونيت
شين الحلايا
اشكركم على تفاعلكم وإفادتكم اللي ما كنت راح القاها الاعندكم ماقصرتو بيض الله وجيهكم
اخوكم الفقير إلى الله دسم الشوارب