استشارة في شراء سيارة !!

[طارق الحربي]

بسم الله الرحمن الرحيم

السلام عليكم ورحمة الله وبركاته

اخواني الاعضاء

مالكم بالطويله قررت اشتري سيارة ومعي حدود 80 الف ريال ابي اقتراحاتكم وش اخذ بحدود هذا السعر يزيد او ينقص قليلا

وارائكم كذلك بشأن هذه السيارات

باترول ربع سياحي ب 79 الف ريال
ددسن دفرنسين ب 63 الف ريال
هايلوكس دفرنسين ب 69 الف ريال

واذا فيه اقتراحات اخرى ياليت تتفضلون علينا بها

شاكر لكم مروركم

[ss12]

اقترح تويوتا

[ولد بن حمد]

اخوي طارق انا اقول فكر بالونيت السوزو الجديد الديزل لان الصراحه اني جربته ممتازه وقويه وتوفير30فل والله بلاش الباترل انواع الصرف الدتسن عموم النيسان يطيح سعره الهيلكس ماعندي علم به والله يكتب لك الخيره المباركه

[hwhibi]

السلام عليكم ورحمة الله وبركاتة
اخوي طارق
أنا اقترح تشتري اما اسوزو دفرنسين أو هيلكس 2006 دفرنسين وهذا مجربة مع اخوي مريح وجيد حسب اليومين الي جربنه فيها أو جيب مستبيشي باجيرو أذا كنت بتستخدم ونصيحتي أبعد عن البابين وخلك في الاربع بيبان

[الشقردي]

فاصل:
الربع زين بس مشكلته ضيقه واحد من العيال يسميه ((((((انزل واركب))))

اختيارك يعتمد على عدة امور منها:
هل هي السيارة الوحيدة لك, أو انها سيارة للمكاشيت وبس:
هل ربعك أو عايلتك واجدين ولا شويين؟
وشي نوعية طلعاتك ؟ كشتات خفافي, قنص , ربع خالي .....

[ززايد]

انا اقترح هايلكس2005

[حر اليدين]

ايسوزو او ددسن او هايلوكس الظاهر انها ارحم من ناحية ان المكان اللي بيوصله الجيب بياصلنه ان شالله
ثاني شي اخف واقل صرف ومعك صندوق تشيل اغراضك وكذلك تقدر تشيل العايلة مثلا لمكان ما تكون ادت الغرص
والله يكتب اللي فيه صالح وحتى في الخطوط الطويلة تقدر تسافر عليها

تقبل تحياتي

[المطلق]

خذ لك هاي لوكس غمارتين بنزين عماني

على كيف كيفك

[aziz2727]

انا مع راي اخوي ولد العالم ولا يهون الربع

ونيت اسوزو قوي وشكل ورمكب واقتصادي وخااااااصه منه الديزل انا اشور عليك به بعد ما ركبوا عليه تيربو حسب علمي .
والله يدبرنا واياك على الصالح

[طارق الحربي]

شكرا للجميع على المرور والرد

بالنسبه للديماكس فصراحة لا احب سيارات الديزل وكذلك لم يعجبني شكله

اخوي الشقردي بالنسبة لأسئلتك

فهي السيارة الخاصة ولست مرتبطا بعائلة اما ربعي فهم كثير ولكن دائما مانكشت بسيارتين كشتات ثلاث او اربعه ايام


وصراحة فكرت جديا في الددسن دفرنسين ولكن يعيبه العزم والصرفيه

اما الهايلوكس فبالتأكيد افكر في موديل 2005 ولكن يعيبه قلة المواصفات من زجاج كهربائي او مرايات او قفل مركزي وكذلك انه غير مريح

اما الربع فلا يعيبه الا الصرفيه فقط

هل هناك سيارات اخرى بحدود هذا السعر ؟؟!

[الرأي الآخر]

أخوي طارق
انا ارشح ايسوزو دي ماكس ديزل والله مريح وشكل وراسي
واستاجره وجرب ( التجربه خير برهان )

[Dr.M]

و عليكم السلام و رحمة الله و بركاته

حي الله طارق

انصحك بالباثفيندر 2005 نص فل قير عادي سعره بالمعارض 81 الف ريال
و مواصفاته جنوط و مكيف الكتروني و طبلون ليز و تخشيب و مسجل كاسيت و سي دي ....
و والله يا فيه نشاط غير طبيعي

نصيحه الحق عليه قبل ما يخلص لان 2006 الشكل الجديد الغبي بينزل قريب

و الله يكتب لك اللي فيه الخير

[جو الصمان]

انا اقول السوزو وبدون منازع واسال مجرب ولا تسال طبيب
وتراه اقوا من الددسن في الخط انا مجربه
اما الهايلكس ما قدرت عليه قوي ما جد وفي الرمل ماينطح
والباثفندر تراه طيب اطيب من الربع

[عاشق حسناء]

انا مع مؤيدي الباثفيندر بس انتظر ينزل الجديد يرخص القديم

[salehhd]

و عليكم السلام و رحمة الله و بركاته

حي الله طارق

انصحك بالباثفيندر 2005 نص فل قير عادي سعره بالمعارض 81 الف ريال
و مواصفاته جنوط و مكيف الكتروني و طبلون ليز و تخشيب و مسجل كاسيت و سي دي ....
و والله يا فيه نشاط غير طبيعي

نصيحه الحق عليه قبل ما يخلص لان 2006 الشكل الجديد الغبي بينزل قريب

و الله يكتب لك اللي فيه الخير

انا اوييد الباث وبقوة وتحصلة في المعارض اقل من سعر الوكالة ب8 الى 10 الاف ريال او موديل 2004 وماشي قليل
والموتر قوي وينحط على يمناك وصرفيتة اقل من الربع وارسى منه ومطب اقل من الهايلوكس والدتسن
ويمسك سعرة وقت البيع
نصيحة اخيرة
الاستخارة ترى من استخار ما خاب
وخبرنا بالي ترسى علية