وش رايكم في القصيده

[@عاشق المقناص@]

بسم الله الرحمن الرحيم
هذه القصيده اعجبتني وحبيت اني اشارك فيها وارجو من الله ان تحوز على رضاكم واعجابكم.
وارجو اسماح ان كان عضو او مشرف قبلي كتبها .
القصيده بعنوان ((الطيــــــــــر))
والطيري اللي زودا فيه الأثمان \\ اشعل ظهر والصدر يجهر شعاعه
لوله شبيهٍ في الملى هو(غزلان)\\ راجي على زينه يزود شجاعــــــه
خذته ولاني ياهل الطير ندمان \\ من عادتي مانيب اسوم البضاعـــــه
الى ركز في مجلسي طير حوران \\ وتجمعوا عندي كثير الجماعــــه
وشلته على كفي كثير الغثا هان \\ عندي غدي للهم مثل المناعــــــــه
لا صرت فيما تطلب النفس بلشان \\ اترك طمان القاع وارقا برفاعــه
وباكر تصاريفه على عالي الشان \\ من يضمن الدنيا ولو ربع ساعـــه

وتقبلوا تحياتي وحترامي
اخوكم@عاشق المقناص@

[الحزين]

حلو ,, حلو ,, حلو ,, @ ياعاشق المقناص @ الله يعطيك العافيه

وانت بأي خيمه تدخل تبدع ؟؟

أجب ؟؟

[@عاشق المقناص@]

مشكور على المشاركه يابعد عمري.
وانا زعلان منك وماني راد عليك وانت تعرف السبب.
@عاشق المقناص@

[رحال]

اسعد الله مساك يا عاشق المقناص وعساك على القوه يالغالي .
ماشاء الله عليك عاشق عيني عليك بارده عرفت تختار القصيده وصح الله لسانك .

لكن وش فيك على بو محمد زعلان خبرنا (( ملقووووووووف )) ان شاء الله مافيه زعل ومافيه إلا الخير كلنا اخوان وحبايب في المنتدى .

[poet font="Simplified Arabic,4,white,normal,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=""]
سلم علي بعينك ان كان بخلت يدينك = كل اللي بيني وبينك زعله تمر وسلام .
يامازعلنا ورضينا ولاشي تغير علينا= لاتشمت الناس فينا يكثر حبيبي الكلام .
[/poet]
وتقبلوا تحيات اخووووووكم الرحاااااااااااال
لكن ابي اعرف السبب وش صار بينكم ؟؟؟؟؟؟؟

[البدوي]

يعطيك العافية
والقصيدة ممتازه
الله يخليلك طيرك

[عاشق الصحراء]

يا سلام كلمات رائعة وتسلم يالخوي.

تحياتي عاشق الصحراء