مشكلة سيارتي نيسان موديل 97 عادي

[المواكب]

افيدوني ياجماعة عندي جيب نيسان موديل 97 في تقطيع عند السرعة 120 وذهبت إلى الصناعية مندون مبالغة خسرت قيمة جيب ثاني التقطيع يجي مره ويذهب وحيرني كثير ارجو الإفادة من الاخوة أعضاء المنتدى ولكم الشكر والتقدير ويكون الرد سريعاً

[KaZa]

سو له تصفية وغير البواجي وغير الكويل وانشالله يظبط .

[طــــويـــق]

مشكلة الباترول في التقطيع هو البلاتين رح لواحد فاهم في وزن البلاتين وخله يوزنة مظبوط وانشالله يروح التقطيع . او خله يفتح في البلاتين شوي رايح يروح التقطيع بس المكينة يمكن ماتكون صافيه اذا السيارة واقفه بس الافضل غير البلاتين اصلي اصلي انتبه . ثم يوزنة وزن مضبوط .

[المواكب]

مرحباً اخوي اطويق جزاك الله خير على المشورة الطيبة بس فيه ملاحظة بسيطة انا مركب ديلكو اكتروني يعني مافيه بلاتين عادي اخوك المواكب عنيزة

[طــــويـــق]

الاليكتروني ماعندي عنه خبر لكن اتوقع انها حول الديلكو قد يكون فيه التماس افحص سلك الديلكو واتمنا تنحل مشكلتك .

[المواكب]

اخوي اطويق جزاك الله خير على اهتمامك بموضوعي بس سلك الكويل مغيرة جديد

[hamad1234]

عليك بفحص الكمبيوتر اذا كان بخاخ واذا كنت بالرياض انصحك بمركز الجبري بالصناعية القديمة واذا ضبط عطني خبر

[~ V T A C ~]

اخوي الموتر( بخاخ) ولا كلبليتر

[شاهي ربيع]

اخوي.. انا معاي مكسيما فيها تقطيع
نظفت البخاخ وغيرت كويل كان خربان وغيرت البواجي اصليه والحمد لله راح التقطيع.
اتمنى اكون افدتك

[راعي الضلع]

اخوي غير اسلاك البواجي وتشوف الفرق

[مدرس بالغصب]

الاخ الكريم انا كان عندي نفس السياره ونفس الموديل وماخليت شي الا غيرته واخيرا اضطريت اوديه للوكاله وكانت المفاجأه ان ( الظفيره ) وهي السلك الكهربائي اللي اسفل السياره مجروح واذا لامس البدي سوا التماس وطفت السياره يمكن تكون هذي مشكلتك والله اعلم

[ابوفهيدان]

ياخوي موضوعك ذكرني بايام عصيبه
وين طلعت لي ؟؟؟؟؟
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأأأأأأأأأأأأأاه يالتقطيعه