اللي يبي يربط موتره لايستعجل ( تجربة مفيدة )

[Khalid AlGhamdi]

السلام عليكم ورحمة الله وبركاته

من فترة وانا ابدخل موتري للتربيط ، لاني اسمع فيه قرقعة واجد
المهم اني دخلت موتري للتلميع لان مراتبه وصخه وقلت بغسله من داخل

تكلفة التلميع داخلي طبعا فقط 200 ريال

جبت عازل الحرارة والصوت جديد المتر بـ 30 ريال ، شريت 3 متر قلت دامهم فاكينه مره وحدة خلنا نغير العازل

اخذ الموتر عندهم 24 ساعة فقط

والله يا اخوان يوم خذيت موتري ماسمع له حس ابد كل القرقعة اللي فيه راحت
اثر الصوت كله من داخل السيارة وانا احسب الموتر كله يبي له تربيط

طبعا لو رحت للتربيط اللي بالصناعية الثانية ماتلقى احد يربط موترك باقل من 1200 ريال مثل النويصر وابن مرضاح والحربي وغيرهم من الي معروفين بالتربيط

وانت مانت خسران شي ، اولا موترك بيطلع نظيف كنه جديد من الداخل
ومنها غسيل ومنها تربيط والسعر مايقارن ابد بسعر التربيط الكامل عند اللي ذكرت لك ..

تجربة آمل ان تستفيدوا منها
موتري طبعا باترول صالون

[محب الشمال]

جزاك الله خير والنيسان ما عليه كلام
ينكرف كرف ولا يقول لك وين رايح ما شاء الله تبارك الله
والله يحفظك ويرعاك

[محتري السيل]

شكرا لك يابو معيض على النصيحة

وبالنسبة لعازل الحرارة والصوت اللي تقول ياليت نشوف له صورة أو نعرف نوعيته ولاتهون





.

[المشراق]

السلام عليكم ورحمة الله وبركاته
جزاك الله الف خير على هذه النصيحة ومشكور ونبي من الزملاء الكرام مثلها فكل واحد يمر بتجربة ينقلها لزملائه حتى تعم الفائدة 0

[الشقردي]

مشكور وما قصرت
ولو تعطينا فكرة عن هالعازل اللي تقول من وين شريته وهل له ريحه أو شئ من هالقبيل

[محمد العبدالسلام]

اخي ابو معاذ

تشكر على الفائدة الطيبة بس ياليت تدلنا على نوعية العازل ومن وين اشتريته وهل هو نفس شد البلد

والله يجزاك عنا كل خير

[Khalid AlGhamdi]

جزاكم الله خير جميعاً
العازل هذا يباع عند محلات التنجيد ، ويجي سميك شوي كنه صوف وهو انواع
النوع اللي انا اخذته امريكي لونه اسود من جهة واشهب من الجهة الثانية وهو قريب جداً من حق الوكالة حتى انك ماتفرقه عنه الا بالتدقيق طبعا المتر بـ 30 ريال واعطاني الـ 3 متر بـ 85 ريال .

وبعد ماركبته بفترة انشق معي جركن موية ابو 30 لتر وراح كله بالموتر لكن مع ذلك ماطلع له ريحه

وكم يوم وهو ناشف تماماً

لكن الكلام هنا ماهو على العازل الكلام كله على تربيط الموتر الداخلي ، لانهم يوم يفكون المراتب يشدونها ( لازم تعلمهم ) وبعدين يركبون المراتب ويشدون الفرش عليه يطلع الموتر كنه جديد من ناحية الشكل وحتى من ناحية الاصوات

[غيّام]

غفر الله لك اخي الكريم ابومعاذ وجزاك الله خير على انك نقلت ماجربت لنا وهذا دليل على انك تحب لاخوانك ماتحب لنفسك

الله يخليلك موترك ويعطيك خيره ويكفيك شره

[أبوأحمد98]

جزاك الله خير أخوي (أبومعاذ) ومشاء الله هذا الموتر الي يبرد السبد ..الله يبارك لك ان شاء الله

[محتري السيل]

طيب يابو معاذ لو أركب العازل هل هو يجي قطعة وحدة
والا يركب ثم الباغة البلاستيك فوقه تمسكه




.

[turkiq]

ابو معاد .... بارك الله فيك .... الموضوع شوي غامض بالنسبة لي .. ومهم جدا بنفس الوقت

يعني اتمنى انك تشرح شكل العازل وفين يركب بالضبط ... يعني وراء ديكور الابواب زي ماني متخيل ولا لا ؟؟

والتربيط بالنسبة للنيسان ايش يشمل لا هنت ...



تركي

[أبو الفارس]

مشكووووووووووووووووووووور على النصيحة

ما قصرت يا أبو معاذ

كفيت و وفيت


تحياتي
أخوك / أبو الفارس

[Khalid AlGhamdi]

الله يجزاكم خير ويرفع قدركم جميع
اخوي محتري السيل وتركي
العازل يجي لفة كبيره ويقطع لك منها بالمتر مثل الموكيت

وتركيبه يكون تحت الفرش اللي بالسيارة لانهم يوم يلمعون الموتر يفكون المراتب ويفكون الفرش ويخلونه على الحديد ويغسلونه .

انت علشان مايحسبون عليه تكلفة جديدة حقت التركيب قل لهم اذا جيت تركب الفرش والعازل القديم خل هذا تحته يعني ماياخذ منهم وقت ولامجهود الا في تخريم مكان المسامير

[salehhd]

السلام عليكم

نصيحة ممتازة وان اشاء الله راح اطبقها

[عاشـق القمري]

مشكـوـوـوـو أخوي ابو معاذ ع النصيحة

والله يباركلك في سيارتك...