الصيد هواية

[خالد البذيلي]

السلام عليكم ورحمة الله وبركاتة

انا انسان احب الصقور لاكن ماعندي طير وبي اعرف وين القى الصقور يعني الاماكن المفضلة ويكيف اتعامل مع الطير وش افضل صيدة يبها الطير سمان حمام قمري وكيف اعرف ان الطير موب شبوط وعرف نوع الطير

[برفسور قمري]

اليوم الصبح طبيت في موضوع هنا في المنتدى
كيف تعرف الصقر الزين
بس دورته الحين ماحصلته
بس اللي اذكره من الموضوع
الطير الزين يجيك عيونه سوداء صافيه
وسيقانه تجيك صغيره , اذا ماخانتني الذاكره
وان شاءالله يفيدونك الصقاره

[أَبوابراهيم]

السلام عليكم ورحمة الله وبركاتة

انا انسان احب الصقور لاكن ماعندي طير وبي اعرف وين القى الصقور يعني الاماكن المفضلة ويكيف اتعامل مع الطير وش افضل صيدة يبها الطير سمان حمام قمري وكيف اعرف ان الطير موب شبوط وعرف نوع الطير

وعليكم السلام ورحمة الله وبركاته ..

شف يا غالي .. انا وياك محنب بعيدين عن بعض كلنا نحب ولا نعرف

لكن خذها مني ادخل كل يوم بهالخيمة ولمدة شهر .. ولاتخلي موضوع ماتدخله
وركز على
خيمة بيع وشراء الصقور ومستلزماتها
و خيمة أخبار شبك الصقور

لانها دايم يعرض الطير ويحط نوعه

[الحر503]

وعليكم السلام ورحمة الله وبركاته ,,,

حياك الله اخوي خالد ,,,

والله ياطويل العمر انت قصدك اماكن صيد الصقور انا مالي خبره فيها بس اتوقع حول الحفر

اما من وين تشترى فتلقاها بحراج الصقور انا عني الي اعرفه بالرياض وهو بالديره واذا تبي الوصف من عيوني تامر امر,

وعن كيف تتعامل مع الصقر,,انا مافهمتك من اي ناحية قصدك1) طريقة اكله 2)طريقة تدريبه, وش بالظبط

وطريقة معرفتك للطير هو صقر ولالا من شكلها يعني الصقور فيها الكبير والصغير من الاحجام والالوان المتعدده

هذي صورة شاهين جبلي

وهذي صورة حر نادر

والشبوط تعرفه على طول لانه صغير جدا بالنسبه للصقور وهذي صورته

ان شاء الله اكون افدتك اخوي خالد ,,,

تقبل مروري ,,

والله يرزقك بالطير الي يونسك ,,

[أَبوابراهيم]

أنواع الصقور وألوانه

انواعها

الحر(الوافي):يمتاز بكثرة ألوانه وبكبر هامته ، وتمام المنسر وهذا النوع يعشقه الكثير من الصقارين وخاصة في الخليج ، وأفضلها ما يسمى بالفارسي ، والقادم من الشام وباكستان .



الجير:ومن أفضل ألوانه الأبيض والأسود ، ويقال إنه من أفضل الصقور إذا كان وحشيا ، وهو يعيش في المناطق القطبية ويمتاز بالسرعة ويعتبر أكثر شجاعة من غيره في صيد الفرائس .
وترجع ندرة هذا النوع لصعوبة الوصول إلى المناطق التي يقطنها ، لكنه موجود بطريقة التهجين في بعض الدول بكثرة لكن هذا النوع لا يمكن الإقبال عليه من قبل أهل القنص .
ومن عيوبه :التنكر على صاحبه بسرعة وصعوبة التعامل معه في بعض الأوقات .




المثلوث:وهو في الغالب يقال عنه مثلوث الحرار ، وهو صغير الحجم ويرتفع عن الكوبج ويتميز بالسرعة ، ويكثر اللون الأحمر في صقور هذا النوع .




الكوبج:يعد من الصقور الصغيرة ويمتاز بصغر رأسه والظبة والعينين والكفين ومنها الأحمر والأشقر ، وفي الغالب يكون نزر الطباع .


الوكري:يعتبر من أصغر أنواع الصقور ، ويمتاز بكثرة المدامع ويتميز أغلبها بلون أحمر في أعلى الرأس ، وهناك نوع منها يكون أسود اللون يشبه قرناس الشاهين ورأسه أحمر .



القرموشة:لها ألوان كثيرة منها الأحمر وما فوقه الأدهم والأخضر ويتميز هذا النوع من الصقور بطول منقاره وصغر رأسه وأصابعه دقيقة متفرقة ، وهذا النوع غير مرغوب به بسبب شكلها الغير متكامل ، مع أنها تصيد ما يصيده غيرها من الصقور .




الشاهين:رأسه شبه مستطيل وعينه أصغر من عيني الحر وريشه يميل إلى السواد غالبا ، وحجمه وسط بالنسبة للطيور الأخرى .
وفي الغالب يكون أسرع من الحر ، لكن فترة تبديل ريش (( القرناس )) تكون متأخرة نوعا ما وكذلك ريشه سهل الانكسار وهذا مما يزعج الصقار بلا شك .



الونها

أحمر


اشقر


اشعل


ابيض


ادهم


اسود





افضل الصقور:
يكون تفضيل الصقر في الوقت الحالي بلونه وكبر هامته وجمال رأسه وسعة العينين المغطاة بالقحف ، وتمام المنسر ، طويل العنق ، عريض الصدر جليل الفخذين .

منقول من
http://majdah.maktoob.com/vb/majdah17617/

[أَبوابراهيم]

وهذا من مكشات بتفاصيل اكثر
http://www.mekshat.com/vb/showthread.php?t=33156

تقبل مروري واتمنى اني افدتك

[عبدالرحمن بن ذياب]

هذي صورة شاهين جبلي

وهذي صورة حر نادر

لا يا خوي مالك لواء
الطير الاول شيهانه بحرية قرناس
و الثاني سيبيري طال عمرك و اقول لراعي الموضوع
نصيحة لك لوجه الله لا تشتري طير الحين
خاو لك صقاقير و تعلم منهم كل كبيرة و صغير
و تحياتي لك

[عناز الحره]

لا يا خوي مالك لواء

الطير الاول شيهانه بحرية قرناس
و الثاني سيبيري طال عمرك و اقول لراعي الموضوع
نصيحة لك لوجه الله لا تشتري طير الحين
خاو لك صقاقير و تعلم منهم كل كبيرة و صغير

و تحياتي لك

مااااشاااء الله
وزى ماااعلمك اخونااا صقار الجنوب
مابعد كلامه كلام
ولاهو قصور بالجميع

[عديم المخالب]

الله يوفقك