السلام عليكم ورحمة الله وبركاته
عندي استفسار ياجماعة الخير وان شاء الله القى الحل عندكم
باترول فتك 2008 السلف يدق والبطارية كويسه لكن الموتر ما يتشغل
غيرت الكتاوت حقت الطرمبة الفيوز وطرمبة البنزين وفلتر البنزين قلت عشان ارتاح مستقبلا
اللي حصل ان الموتر الحين اذا كان بارد الصباحما يشتغل بالراحه لازم احاول مره ومرتين وثلاث وتوصل بعض الاحيان لخمس مرات غير الضرب على منطقة الطرمبة
رحت لورشة صيانتك ( ذكرت الاسم عشان لو فيه اي ملاحظه ايجابية او سلبية نبيها تنعرف عن المركز هذا ) ودفعت150ريال قيمة التشييك وطلب الفني اخلي السيارة الى الصباح عشان يشيكها من ناحية الكهرب , لما سألته عن السيارة يقولي علبة الفيوز يبيلها فك وشغل يدي 2500 واذا السيارة احتاجت قطع ممكن تلقاها ب 3000 يعني التوتال راح يكون 5500
هل من الممكن ان يكون كلامه صحيح ؟ مع اني مستبعد هالشي
هل فيه احد واجه مثل هالشي مع الباترول ؟
هل فيه ورشة او مركز متخصص يمكن الوثوق فيه ؟
ولكم جزيل الشكر