السلام عليكم ورحمه الله وبركاته
اسعد الله اوقاتكم بكل خير
اشتغلت اليوم بموتر اخوي وشديت الرمان ووصخت الجوال لعيون مكشات واعضائه
طريقه التشييك ترفع الكفر الامامي بعفريته وتهزه بيديك
( يد من فوق ويد من تحت اذا فيه فضاوه معناه مرتخي .. ولزوم نبلغ الشيخ بالسالفه قصدي نشده )
اول خطوه نفك الفرارات ان وجدت او غطى الرمان كما في الصورة
بعد ما نطلع خشة المملوح نفك المسامير اللي بالصورة التالية
ومن ثم نخرج التيله C
وبعدين نسحبه واذا دقر سايسه مسايس بمفك عادي من كل جهه الين يطلع
وبعد مانطلعه نفك غطاء الرمان بسكروب ( فيه مسمارين فوق وتحت ) كما في الصورة
![نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي](http://www.mekshat.com/pix/upload05/images238/mk19651_7.jpg)
بعد مانفك الغطا بيطلعلنا المملوح اللي يمسك الرمان وطريقه شده تطرقه بمفك وتهز الكفر الين يختفي الفراغ ولا تبالغ بالشد علشان يدور الرمان
وبعد ما نخلص نركب كل شي مثل ما فكيناه وصلى الله وبارك
واعذرونا على الاطاله وركاكه الاسلوب
واتمنى ان اكون وفقت بأيصال المعلومه واي استفسار انا حاظر
ولا تنسوني ووالدي من صالح دعائكم
ودمتم بود