عبارة في طبلون السيارة !!!

**منتعش** · 09/04/2006, 07:37 PM

حي الله الشقردية – كلن باسمه –
وأسأل الله أن يوفق الجميع لكل خير .

يا أهل الخبرة : نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

عندي جيب لاندكروزر نوع VXR
وولعت لمبة في الطبلون ( T-BELT )
ومعناها غير سير الجنزير لأن الموتر ماشي أكثر من 150 ألف كم .
وقمت بتغيير وإصلاح الجنزير .

والمشكلة : نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

أن اللمبة ما طفت .
ومريت على الوكالة وقالوا : تحتاج إلى برمجة ووقت إصلاحها ساعة . يقومون بفك الطبلون .
والسعر كما تعرفون كالعادة غالي : بــ ( 150 ريال ) .

ورحت لصاحبي – صاحب الورشة – وقال : السعر غالي ، وإذا قالوا لك بفكون الطبلون فهم نصابين ، يقومون بفصل اللمبة !!
وقال لي : لو تروح للصناعية لقيت من يسويها لك بـ ( 50 ) ريال .

ونبي فزعتكم : من منكم مرة عليه مثل هذه السالفة ؟
ومن منكم يعرف ورشة تطفي هذه اللمبة ، وتبرمج تشغيلها بعد 150 ألف كم ؟
والله يحفظكم ويرعاكم .

**الفتى المجازف** · 09/04/2006, 07:51 PM

منتعش لحظه من فضلك:

لا مائة وخمسين ولاغيره المساله سهله جدا وودي اسألك السياره قير عايدي ولا تماتيك.؟

ارجو الافاده سريعا

الموضوع سهل ويعتمد كثيرا على اجابة سؤالي ...

**السهل 494** · 09/04/2006, 08:17 PM

اخوي مثل هاللمبات في الامريكي اذا علقت نقوم بفصل احد اصابع البطاريه لمده ساعه ونصف ثم نرجعها ماادري اذاتنفع في اللاند كروزر او لا لكن جربها ماتخسرك شي ارجو ان تنفعك .

**منتعش** · 09/04/2006, 08:44 PM

ياهلا وغلا بأخوي الغالي والمحب : الفتى المجازف
وأشكرك جزيلاً على تفاعلك ، والله إنك حمستني وأدخلت السرور علي .
السيارة الله يحفظك اتوماتيك ، وبنزين .

**منتعش** · 10/04/2006, 05:05 PM

ياأخوي الغالي : الفتى المجازف
رد علي الله يخليك تراك علقتني . نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**المهنـدس** · 10/04/2006, 05:37 PM

الموضوع برمجه ,ولا حساس خربان .. غريبه هالحمير اللي بالوكاله ما صلحوها!

**غيّام** · 10/04/2006, 07:36 PM

الفتى المجازف ليتك وانا اخوك كتب وش يسوي لوه تماتيك ووش يسوي لوه عادي عشان تعم الفائده وغيرك معلم

**منتعش** · 10/04/2006, 07:38 PM

آسف جداً أخوي الغالي : السهل 494
على التأخير في الرد لأني كنت مشغول واتحرى رد أخوي الغالي : الفتى المجازف
والله يعطيك العافية على المعلومة القيمة ، وسوف أجربها إن شاء الله .
ومرحبابك .

**منتعش** · 10/04/2006, 08:48 PM

ياهلا وغلا بأخوي المحب : المهندس
يوم شفت أسمك قلت : هذا عنده العلم .
مرحبابك أخوي الغالي ويعطيك العافية على مرورك الطيب .

أهلين وسهلين بالمحب : غيّام
شكل الرجال عطانا ركبه وعلقنا .
على العموم يعطيك العافية على مرورك الطيب ومرحبابك .

**al-nashmi** · 11/04/2006, 10:11 AM

اخونا المنتعش
الاخوان الكرام

خذ العلم الاكيد وباختصار...

صارت معي في موترين vx.r

هذي تحتاج اللى عمل ريست لكبيوتر السيارة الرئيسي بدون فك الطبلون( وللي يقول ابفك الطبلون كذاب لا تقربه او تصدقه..

ود الموتر الى البازعي او ابو جميل ويصلحونها وانت واقف.....

انا سويتها عند البازي واخذوا 100 ريال فقط... مع ان العمليه تافه ولا تسوى بس هم محتكرين الجهاز ويتحكمون بالناس..

وسلامتكم..

تحياتي للجميع

النشمي

**المتليك** · 11/04/2006, 04:38 PM

افصل البطاريه لمده لاتزيد على نصف ساعه ونظف الاصابع للبطاريه زين لايكون فيها اثر زيت اوشحم واعدها وسوف تختفي هذه العباره اللي في الطبلون لاانه بعد فصل البطاريه سوف تتبرمج عندك الشغله من جديد وبلى كمبيوتر ولايحزنون

**منتعش** · 11/04/2006, 05:47 PM

ياهلابكم ومرحبابكم أخواني الفضلاء

al-nashmi

المتليك

يعطيكم العافية على المعلومات القيمة .
بس مثل ما قلت ياأخوي الغالي : al-nashmi الشغله ما تستاهل وماخذين 100 أو 150

وإن شاء الله بجرب طريقة أخوي المحب : المتليك وأيضاً أخوي الغالي : السهل 494

والجميع ينتظرون رد أخوانا الغائب : الفتى المجازف ؟؟؟؟؟؟

**الفتى المجازف** · 12/04/2006, 03:16 AM

ابشر بعزك يامنعش ولايهونون الاخوة

بس انتبه تدفع 100ريال تراها مسألة تافهه

وزي ماقالو الشباب برمجه وانت واقف
ماتاخذ ثواني.

تحيتي

**فال الخير** · 12/04/2006, 04:10 AM

السلام عليكم ورحمة الله وبركاته

أخي منتعش عبارة T-belt معناها هو (يجب عليك تغيير جنزير الماكينه أو سير التيمن) وهذا الجنزير ربل جاء بديل في السيارات الجديده عن الجنزير الحديد في السيارات القديمه

ويجب عليك تغييره كل100000أو 150000كيلو او سوف يعدم عليك المكينه وأنصحك تغيره عند الوكاله

تقبل تحياتي

**المشراق** · 12/04/2006, 05:31 AM

أخي المنتعش أنا عندي كابرس وإذا تأخرت في تغييرالزيت تولع عندي لمبة (تغيير الزيت )وأول مرة رحت للوكالة وجلست السيارة يوم علشان يطفون اللمبة وكانت تحت الضمان والمرة الثانية علمني فلبيني وفتح غطاء الفيوز وتحت الفيوز زر وفتح السويك بدون تشغيل وضغط الزر شوي وسكر السويك ثم شغل السيارة وطفت اللمبة وصرت اعرف الطريقة ,ما ادري هل هي موجودة عندك وإلا غير موجودة وانتبه تشغل السيارة وانت ضاغط الزر 0

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: عبارة في طبلون السيارة !!!

أدوات الموضوع

عرض

مشرف خيمة عدد وأدوات الرحلات وعضو المركز الإعلامي