وين النشاما يفيدوناً

[مخـاوي الـذيب]

السلام عليكم ورحمت الله وبركاته
أنا معي هايوكس و الدركسون مايله شوي على اليمين
وشتحروناً اسويبه
بعدين تن صحوناً بال هايلوكس الجديده مديل 2006 والمميزات اللي به







وشكراً
مع تحيات مخاوي الذيب

[غيّام]

ابد وانا اخوك الميله هذي طبيعيه ولا تشيل هم وانا اخوك ان بغيت تعدلها انت بنفسك فك غطا البوري تلقى (صاموله) فكها ووازون الدركسون ثم لكها وان بغيت ودها لأقرب ورشه يزينها لك بعشرة اريل

والله الهايلكس الجديده مابيضت الوجه خصوصا انها تايوانيه وبعدين شكلها مهوب شكل سياره ينغزا بها وهذا رائي والله يوفقك

[(ابوسعد)]

8
8
8


مازوووووووووووووووود شي ماقصر غيام

[مخـاوي الـذيب]

السلام عليكم ورحمت الله وبركاته
أخوي غيام مشكور جدأً على النصيحه تراي زينت مثل ماقلت والله يريح بالك وماقول الأ الله يجزاك خير

[تــــوني]

لا يردك الا هايلوكس 2006 سيارة ينعزا بها توكل على الله اشتر وخل عنك الطفارى


والي ما جرب السيارة لا يفتي بما لا يعلم ...

[شبح الصحراء]

انحراف دركسيون الهايلوكس عادي انا معاي 2005 واول ما شريتها من الوكاله كان منحرف دريكسونها لليسار وصلحتها عندهم وبعد 6 شهور الاحظ انه انحرف لليمين .
وبالنسبة للموديل الجديد انا ما انصح به لأنه توه جديد وما اثبت نفسه للحين وصناعته ما هي ياباني ولكن تايلاندي ويحتاج سنوات علشان الناس تثق في الصناعة التايلاندية .

[مروق]

السلام عليكم ..


اخووي اظن وزن الاذرعه له دور كبير بانحراف المقود ..

[اسيزو 4x4]

مثل ما قال أخوي غيام جزاه الله كل خير والجميع